Заев по средбата со Меркел : Уверени сме дека Северна Македонија ќе ги започне преговорите со ЕУ оваа година

Делегацијата на Владата, предводена од премиерот  Зоран Заев, заедно со заменик претседателот за европски прашања Бујар Османи и министерот за надворешни работи Никола Димитров денеска беа примени од канцеларката на СР Германија Ангела Меркел.

Канцеларката Меркел информираше дека Бундестагот ќе донесе одлука во септември за одобрување на старт на преговорите на ЕУ со Северна Македонија, согласно утврдените процедури на СР Германија за прашањата за проширување на Унијата. На средбата канцеларката потенцираше дека Северна Македонија го испорача очекуваното и дека таа и Берлин на тоа гледаат многу позитивно.

Премиерот Заев на средбата рече дека Република Северна Македонија има целосна доверба во канцеларката Меркел и ја поддржува нејзината политика за процесот на проширување на ЕУ, како и нејзината политика кон Западен Балкан.

Беше истакнато дека СР Германија е наш стратешки партнер со кој заедно работиме на политиките за помирување на Западен Балкан, на стабилизацијата на регионот и на обезбедување економски напредок и демократска трансформација, процес којшто ќе заврши со нашето интегрирање во ЕУ.

Претседателот на Владата на РСМ Заев, на средбата нагласи дека радува фактот што Министерството за надворешни работи на СР Германија има позитивен став за нашата земја во однос на започнувањето на преговори за членство во ЕУ, и дека треба да се испочитуваат процедуралните постапки и демократските процеси кои ќе овозможат Бундестагот да донесе позитивна одлука во септември.

На средбата на делегацијата на Владата на РСМ во Берлин, се потврди дека во СР Германија, како и во другите земји членки, неоспорно се признаени резултатите од реформите кои се потенцирани во извештајот на Европската Комисија и дека позитивно се гледа на препораката на ЕК за започнување на преговори за членство во ЕУ. Силно е уверувањето дека оваа година започнуваме преговори за членство со ЕУ и им се придружуваме на Србија и Црна Гора.

Во Штип се отворени гласачките места

Во Штип отворени се сите избирачки места во 7 часот, информираат од Општинската изборна комисија. Право на глас во Општина Штип имаат 39 564 граѓани, а се гласа на 77 избирачки места.

Сенка Андреева претседател на ОИК Штип вели дека се гласа според здравствените протоколи на сите избирачки места. Членовите на избирачките одбори имаат маски, ракавици и дезинфециони средства, кои мора да ги менуваат според здарвствените протоколи.

Вчера гласаа болните и неможни лица, а завчера болните од Ковид-19 и оние кои се во изолација. Во штипскиот затвор од 193 гласачи своето право на глас го искористиле над 80 % од осудениците.

На гласачките места во централното градско подрачје е раздвижено, а излезност на некои од нив веќе достигнува и над 12 % до 8.30 часот.

Здружението „Една може": Да се реши проблемот на самохраните родители, нема кој да им ги чува децата

 Имено, како ранлива група ретка е можноста нашите деца да ги чуваат нашите родителите, некои ги имаат, некои не, некои пак се дискриминирани и од самите родители и немаат нивна поддршка. 

Здружението за унапредување на правата на самохраните мајки „Една може!" преку соопштение бара од надлежните органи, националните институции, одлучувачките тела и локалните самоуправи, а во овој период и од Владата, Кризниот тим за постапување во вонредни состојби и Министерството за труд и социјална политика, да се реши проблемот на самохраните родители – во најголема мера – на жените самохрани мајки по различни основи, кои секојдневно се среќаваат со непремостливи проблеми, а посебно се погодени и под висок ризик, од почетокот на кризата предизвикана од Ковид-19.

– Имено, како ранлива група ретка е можноста нашите деца да ги чуваат нашите родителите, некои ги имаат, некои не, некои пак се дискриминирани и од самите родители и немаат нивна поддршка. Сепак, станува збор за две ранливи групи (мали деца и стари лица) каде што согласно препораките за заштита од коронавирусот, посебно е нагласено дека меѓусебно не треба да се мешаат. Алтернативни решенија за згрижување на нашите деца немаме, имајќи предвид дека градинките и центрите за деца кои вообичаено ги згрижуваат децата до 10 – годишна возраст во летниот период се затворени. И покрај тоа, ние мораме да одиме на работа, бидејќи како еднородителски семејства тоа е нашиот единствен извор на егзистенција, но згрижувањето на нашите деца е неизвесно. Со тоа, нашите семејства стануваат критични семејства со зголемен потенцијален финансиски и здравствен ризик, посочуваат од Здужението.

Тие бараат од належните да имаат разбирање и емпатија за оваа група граѓани/ки кои поради различни околности останале сами да ги подигнуваат своите деца.

Дел од нив бараат да продолжи да важи мерката, исто како и за родителите, чии деца одат во градинка и не се опфатени со најновата мерка – враќање на работа, како што беше одлуката на 65-та седница на Влада.

Според нив, секое еднородителско семејство треба да си направи најсоодветен избор: дали сака да користи мерка за ослободување од работа или сака да избере паричен државен трансфер со конкретна намена „обезбедување негувателка" за сите кои имаат потреба од вакво нешто.

– Следното неопходно во кое силно веруваме дека е потребно, е даночно ослободување и намалување на комунални трошоци за секое еднородителско семејство. Со само еден потег би се решиле неколку проблеми од суштинско значење: децата ќе бидат згрижени, ние ќе можеме да имаме пристап до работните позиции и да обезбедуваме егзистенција и ќе се отворат работни позиции кои и те како се неопходни во овој период, потенцира претседателката на Здружението „Една може!", Дороти Пачкова, родова експертка.

Почна гласањето во Кавадарци, Неготино, Росоман и Демир Капија, 54.764 тиквешани со право на глас

 Гласањето во Кавадарци, Неготино, Росоман и Демир Капија се одвива без проблеми. Вкупно 54.764 тиквешани имаат право на глас на денешните парламентарни избори.

Како што информираа од општинските изборни комисии, во Кавадарци 32.270 избирачи имаат можност да гласаат на 60 избирачки места, во Неготино на 28 избирачки места своето право на глас можат да го остварат 15.874 неготинци, росоманци гласаат на 10 изборни места, а во избирачкиот список има 3.351 лице, во Демир Капија 3.269 избирачи можат да излезат на гласање на 11 места.

притисни ентер