Ирина Шајк објави атрактивна фотографија и доби неочекуван лајк

Денеска руската манекенка Ирина Шајк на својот Инстаграм објави атрактивна фотографија и доби стотици илјади лајкови , меѓу кои и еден неочекуван.

Убавата Русинка објави фотографија во костим за капење на компанијата чие е заштитно лице. Таа неодамна ја прекина четиригодишната врска со холивудскиот актер Бредли Купер.

Ирина за фотографијата доби речиси 700 илјади лајкови за еден дел , а американските емдиуми забележаа дека меѓу нив и поранешниот вереник на Лејди Гага , Кристијано Карино.

🍃 @intimissimiofficial

A post shared by irinashayk (@irinashayk) on

Токму Лејди Гага се смета за одговорна за прекинот на врската меѓу Ирина и Бредли. Тој премногу се внел во улогата што ја игра со пејачката во силмот ,,Ѕвездата е родена” , што ја запоставил целосно убавата руска манекенка, со која има двегодишна ќерка.

Од утре во функција ваучерите за туризам – граѓаните заинтересирани за користење

​Од утре до 15 декември годинава 117.122 граѓани ќе може да ги користат ваучерите за одмор во домашните туристички капацитети што ги добија од државата.

Ваучерите, вредни 6.000 денари, се доделени на лица со приходи до максимум 15.000 денари месечно. Тие може да одберат каде ќе летуваат или зимуваат преку Платформата www.domasiedoma.gov.mk и www.pushimenevend.gov.mk на која се објавени расположливите хотели, приватни апартмани, автокампови, одморалишта, бањи, опфатени со оваа владина мерка.

Првичната оценка на сместувачките капацитети е дека луѓето се заинтерсирани за искористување на поддршката, но засега се уште се плашат од ситуацијата со КОВИД-19. Агенцијата за туризам, пак, очекува годинава од домашните гости да бидат остварени повеќе од два милиона ноќевања, бројка во која значителен удел ќе имаат токму ваучерите.

-Има заинтересираност за нашите капацитети, но луѓето се уште се плашат да доаѓаат поради ситуацијата со КОВИД-19. Сепак, се јавуваат, прашуваат. За претстојниот викенд направивме 17 резервации за Бањиште, иако се уште не знаеме колку точно од нив се со вредносниот ваучер. Во секој случај, очекуваме гости, особено во периодот што следи. Сметаме дека бројот значително ќе порасне и граѓаните ќе го искористат правото за летување со поддршката која ја добија, велат од „Дебарски бањи – Косоврасти".

Како што се наведува во нивната понуда, секој што има добиено ваучер за туризам од страна на Министерството за економија ќе добие четири ноќевања со појадок, ручек и вечера, лекарски преглед, како и користење термален СПА центар, плус терапии (со лекарско одобрение).

Граѓаните изразуваат задоволство од поддршката иако некои од нив се уште не се сигурни кога ќе го искористат ваучерот. Други веќе размислуваат да резервираат сместување, до крајот на јули или август.

-Добив ваучер. Мерката е повеќе од добредојдена, но штета што е ваква ситуацијата со коронавирусот па малку ни е страв, зашто сепак ќе треба да се „мешаме" со луѓе. Во секој случај, ќе ја искористиме поддршката иако уште се двоумиме каде, дали за во некое планинско место кое засега ни се чини подобро, вели граѓанин од Скопје.

Доделувањето на ваучерите е една од владините мерки за поддршка на домашниот туризам поради коронакризата, а произлезе од соработката на сите чинители во секторот.

-Ние претседававме со Координативното тело во кое коморите заеднички ја донесоа мерката за домашниот туризам. Очекувам заеднички до крајот на годината да оствариме повеќе од два милиона ноќевања, во кои секако и ваучерите ќе имаат сериозен удел. Тоа ќе помогне за намалување на негативниот тренд во туризмот и, ако дозволат условите, да имаме помал минус од останатиот дел на регионот, вели директорот на Агенцијата за поддршка и промоција на туризмот, Љупчо Јаневски.

Откако ќе бидат искористени ваучерите од страна на граѓаните, Министерството за економија ќе им ги исплати средствата на туристичките капацитети за дадените услуги врз основа на доставена месечна фактура и месечен извештај за реализираните ваучери.

Платформата „Дома си е дома" беше официјално промовирана пред еден месец од министерот за економија Крешник Бектеши и министерката за финансии Нина Ангеловска. Претходно беше соопштено дека сите туристички капацитети кои сакаат да бидат дел од оваа владина мерка и да се најдат на Платформата, мора да бидат регистрирани.

МЗ: 40% повеќе оздравени лица за една недела

Во периодот 6-12 јули регистриран е рекорден број на оздравени лица - 1017  кои биле хоспитализирани или на домашно лекување, што е за 404 лица или 40% повеќе од претходната недела на известување (29 јуни - 5 јули).

Министерството за здравство информира дека Институтот за јавно здравје денес го објави неделниот извештај за периодот од 6 до 12 јули 2020 година, кој што покажува значително зголемување на бројот на оздравени лица, а намалување на бројот на починати во споредба со претходната недела.

Во периодот 6-12 јули регистриран е рекорден број на оздравени лица - 1017 кои биле хоспитализирани или на домашно лекување, што е за 404 лица или 40% повеќе од претходната недела на известување (29 јуни - 5 јули).

Изминатите три недели бројот на оздравени лица расте за околу 40% на неделно ниво. Ова е важен и позитивен индикатор кој влијае на намалување на бројот на активни случаи.

Во дадениот период направени се вкупно 9995 тестирања (1573 повеќе од периодот 29 јуни – 5 јули) и регистрирани се 1073 позитивни случаи на Ковид-19 што е за 156 случаи повеќе од претходната недела. Споредбено, процентот на позитивни од тестирани случаи е благо намален, 10,7% позитивни од тестирани за периодот 6-12 јули, наспроти 10,9% за претходната недела. Во последните четири недели процентот на позитивни случаи од тестирани на неделно ниво бележи пад.

Новозаболени се регистрирани во 26 града при што најголем процент на новозаболени има во Скопје (42.3%) и во Тетово (8,9%). Во 16 града во земјата, за истиот период, бројот на новопотврдени случаи е под 20.

Од новозаболените во овој период најголем процент се лица над 60 години 22,8%, поголем број новозаболени се регистрира кај лица помеѓу 30-39 – 20,1%, потоа кај лица од 50-59 години - 19,3% и помеѓу 40–49 години – 18,8%. Најмал број на новозаболени има кај децата и тоа 0-9 години – 3.7%, и од 10-19 години – 3,3 % од вкупниот број на новозаболени.

Од случаите кои се епидемиолошки истражени, хоспитализирани се 114 лица или 11,5 % што претставува намалување за 2% во однос на претходната недела на известување, а кај 270 лица или кај 27,2% регистрирано е присуство на коморбидитети, што е за 2% повеќе од претходната недела.

Од вкупниот број на епидемиолошки истражените новозаболени 42,6% имале контакт со потврден случај на Ковид-19, а 22 лица имале историја за патување во странство во минатите 14 дена.

Во периодот 6 до 12 јули, регистрирани се 36 смртни случаи, што е 10 помалку смртни случаи од претходниот период. Најголем дел од случаите се лица над 60 години, 69,4%. 35 од случаите се починати во болнички услови, а 1 вон болнички. Кај 29 од смртните случаи (80,6%) регистрирани се претходни коморбидитети. Во последните три недели константно се намалува бројот на смртни исходи на Ковид-19.

На 12 јули 2020 година, според извештаите од болниците КИБФС, ГОБ 8-ми Септември, ИБЗД Козле, Клинички болници Битола и Штип, Општи болници Прилеп, Куманово, Велес, Струмица и Гостивар, хоспитализирани биле 350 лица позитивни на Ковид-19, од кои 118 се на кислородна поддршка, а 4 на механичка вентилација.

Армијата доби донација во заштитна медицинска опрема од Кина вредна 250.000 евра

Донација во заштитна медицинска опрема од Народна Република Кина вредна околу 250.000 евра денеска и беше предадена на Армијата на Република Македонија.

На примопредавњето во касарната во Ѓорче Петров пруствуваа државниот секретар во МО Драган Николиќ и кинескиот амбасадор Џанг Ѕуо кој истакна дека станува збор за практична активност од соработката меѓу двете армии и двете земји и е искрена поддршка на кинескиот народ за македонскиот во борбата против вирусот.

-Донацијата е од нашата народна армија и е добар симбол да докажеме дека вистинските пријатели се гледаат во несреќа. Кина со искрена надеж сака да соработува со РСМ заедно да се бориме и побзро да го победиме вирусот, рече амбасадорот Ѕуо и нагласи дека оваа донација следи во редот на повеќе реализирани донации од збратимени градови, хуманитарни организации и компании од Кина.

Николиќ изразувајќи благодарност до НР Кина за овој хуманитарен гест, истакна дека донацијата е предвидена за Армијата на РСМ која се наоѓа на првата линија на борба против Ковид 19., и која покажа подготвеност на највисоко ниво во справување со сите предизициви во однос на коронавирусот и во делот на кризната состојба кога започна и во делот на вонредната состојба во поддршка на граѓаните, но и на здравствените власти во поглед на спречување на ширење на коронавирусот.

-Само преку акти на солидарност заеднички споделните искуства, научените лекции можеме сите заеднички и во регионот и глобано да ја победиме оваа пандемија. Во тој контекст ние ги споделуваме искуствата, научените лекции, но и мерките и активностите кои на светско ниво се применуваат така што сме подготвени и за наредниот период за евентуалниот втор бран уште поефикасно да се справиме со коронавирусот и час поскоро да ја победиме оваа пандемија, вели Николиќ.

Донацијата што овојпат пристигна со експресен воз од Кина до Европа, се состои од 62.000 заштитни маски, 4.200 заштитни очила, 3.000 визири, 6.000 заштитни одела и комплети, ракавици, инфузиски пумпи, електрични термометри и два сета термални шлемови. /МИА.

притисни ентер