Заев: Двесте компании со германски капитал вработуваат 20 илјади граѓани

Двесте компании со германски капитал вработуваат 20 илјади граѓани, тоа е доказ дека нашата земја има европски стандарди за бизнис.

Тоа го истакна премиерот Зоран Заев вечерва во Берлин на годишниот прием на Здружението за Источна Европа на германското стопанство.

Заев како почесен гостин на оваа свеченост, имаше свое обраќање на тема „Реформите во стопанството и општеството – Патот на Северна Македонија во ЕУ", и зеде учество во панел дискусијата насловена „20 години од Пактот за стабилност за ЈИЕ-перспективите за регионална соработка".

Во своето обраќање „Реформите во стопанството и општеството – Патот на Северна Македонија во ЕУ", претседателот на Владата на РСМ Заев потенцираше дека паралелно со политичките реформи, зајакнувањето на институциите и целосната демократизацијата на земјата, Северна Македонија влезе посветено во создавање услови за економски раст и во создавање на поволна клима за привлекување на интересот на странските инвеститори, како и на поддршка на домашните компании со својот развој, да учествуваат во развојот на земјата.

-Пред 10 дена добивме уште една, овој пат безусловна препорака за старт на преговорите по поглавјата со ЕУ. Заедно со процесот за членство во НАТО, признанијата се однесуваат и на нашите политички остварувања во добрососедската политика. Северна Македонија нема отворени прашања со соседите, а храбрите одлуки се наградени со признанието дека ние сме блескав пример во регионот, истакна Заев.

Премиерот Заев рече дека Северна Македонија сега со право ја очекува позитивната одлука од Европскиот Совет за почеток на преговорите со ЕУ по поглавја, и дека секое друго решение негативно ќе се одрази на политичката ситуација во земјата и во регионот, и ќе го охрабри влијанието и интересот на трети страни во регионот.

Претседателот на Владата на РСМ нагласи дека одлагањето на позитивна одлука за Северна Македонија од ЕУ, ќе ги забави реформите и ќе влијае негативно на економските трендови кои во последните две години добија нагорна линија.

-Владата на Северна Македонија ја прогласи 2019 година, за година на економијата и веќе постигна одлични резултати за да го потврди тоа. Минатата година ја завршивме со рекордни директни странски инвестиции во висина од 624.5 милиони евра. Во првиот квартал земјата постигна раст на БДП од 4,1 отсто, за разлика од истиот квартал пред две години кога земјата беше во рецесија. Се отвораат нови работни места, а невработеноста за две години од 23 отсто падна на 17,8 отсто, ги информираше премиерот Заев претставниците на германските компании од Здружението за Источна Европа на германското стопанство.

Заев додаде дека 200 компании со германски капитал вработуваат 20 илјади граѓани, тоа е доказ дека нашата земја има европски стандарди за бизнис, и дека самите германски компании во земјата се препорака за охрабрување на интересот на другите бизнисмени да инвестираат во Северна Македонија.

Претседателот на Владата на РСМ укажа и на потенцијалите што лежат и во регионалната соработка и поврзување, како можност за економски проекти.

-Во однос на регионалната соработка, првиот синоним е – Берлинскиот процес. Благородна иницијатива која им даде можност на политичките лидери на земјите од Западен Балкан да покажат подготвеност за суштински и длабоки внатрешни реформи и заемна соработка во неколку главни области. Имплементацијата на агендата за поврзување и повеќегодишниот акционен план за регионален економски простор има важна цел да го забрза развојот на регионот и да го подобри квалитетот на животот на нашите граѓани. Ние остануваме силно посветени на понатамошни резултати, нагласи премиерот Заев во своето обраќање „Реформите во стопанството и општеството – Патот на Северна Македонија во ЕУ", на годишниот прием на Здружението за Источна Европа на германското стопанство.

На дискусијата „20 години од Пактот за стабилност за ЈИЕ-перспективите за регионална соработка", сите соговорници, како што соопшти владината прес-служба, се согласиле дека Северна Македонија, како пример на успешни реформи и напредок во евро-атлантските интеграции, е инспирација и за останатите земји од регионот кои очекуваат на земјата да и биде определен датумот за старт на преговорите по поглавја како охрабрување и за регионот.

Премиерот Заев вечерва се сретна и со генералната секретарка на Советот за регионална соработка на земјите од Западен Балкан Мејлинда Брегу.

Премиерот Заев во Берлин е придружуван од вицепремиерот задолжен за координација со економските ресори, Кочо Анѓушев.

Гласањето на болните во шест општини од Југоистокот се одвива без проблеми

Вкупно 1.369 болни и изнемоштени лица денес гласаат во општините Струмица, Радовиш, Василево, Босилово, Ново Село и Конче.

Гласањето се одвива без проблеми и според општинските изборни комисии се очекува да заврши во попладневните часови.

Во општина Струмица за гласање се пријавени 466 болни и изнемоштени лица, а заедно со нив гласаат и затвореници од Затворот во Струмица, Терапевтската установа „Покров" и Заводот за заштита и рехабилитација на деца и младинци „Бања Банско".

-Избирачкиот процес тече нормално без никакви проблеми и кај болните и изнемоштените, во затворот и во двете установи, информира Томислав Андреев, претседател на ОИК Струмица.

Претседателите на изборните комсии од другите општини, исто така, информираат дека гласањето се одвива нормално и без пробеми.

Право на глас во овие шест општини имаат над 110.291 граѓани на 198 избирачки места.

Дел од Општина Бутел денеска без вода

 Прекин во водоснабдувањето денеска од 10 часот ќе имаат корисниците од улиците „Иван Манолев" и „Алпи".

Како што соопшти ЈП „Водовод и канализација" – Скопје, прекинот е поради уличен дефект на приклучна водоводна мрежа на улицата „Иван Манолев" 167.

Водоснабдувањето ќе биде прекинато се до завршување на дефектот.

Втор ден гласање на изборите за пратеници

Според последните податоци на Државната изборна комисија (ДИК), како што изјави на утринската прес конференција портпаролот на ДИК Адмир Шабани, гласаат 8.843 болни и немоќни и хронично болни чии пријави се прифатени од ОИК.

Избирачките одбори од утринава го спроведуваат гласањето на болните, немоќните, хронично болните лица, кои се пријавиле за гласање за предвремените парламентарни избори, а своето право на глас го искористуваат и затворениците, лицата во домашен притвор, во старските домови и шестмина внатрешно раселени лица.

Според последните податоци на Државната изборна комисија (ДИК), како што изјави на утринската прес конференција портпаролот на ДИК Адмир Шабани, гласаат 8.843 болни и немоќни и хронично болни чии пријави се прифатени од ОИК.

Гласањето е започнато и во 13 казнено-поправни установи, каде во посебните изводи од Избирачкиот список се запишани 1.657 гласачи, како и пријавени лица во домашен притвор. Се изјаснуваат 357 лица во 17 старски домови. Гласањето на овие лица се спроведува од страна на избирачките одбори, како и вообичаено досега, со тоа што и членовите на одборите, но и лицата што се пријавиле да гласаат задолжително мора да ги почитуваат општите превентивни мерки за заштита од КОВИД – 19.

Согласно Изборниот законик и упатството донесено од ДИК, граѓаните своите гласачки ливчиња треба да ги обележат со заокружување на редниот број на подносителот на листата со хемиско пенкало во сина боја. Ниту еден друг знак не смее да биде ставен на гласачкото ливче бидејќи во таков случај, гласачкото ливче ќе се смета за неважечко.

Со цел граѓаните да можат да ја известуваат ДИК и да даваат свои препораки што се однесуваат на изборниот процес ДИК активен е бесплатниот телефонски број 0800-555-44. За комуникација со граѓаните со оштетен слух и говор активен е телефонскиот број 076488360, преку кој овие граѓани со видеоповик ќе можат да комунициираат со ДИК. За сите останати граѓани на располагање е и веб страната на ДИК www.sec.mk, како и Фејсбук и Твитер и каналот на Јутјуб.

Вчера, на првиот ден на гласањето, за кандидатските листи се изјаснуваа лицата со Ковид-19 и во самоизолација. Државната изборна комисија синоќа соопшти дека правото на глас го искористиле 723 лица заболени од КОВИД-19 и во самоизолација, од пријавени 759.

Од вчерашното и денешното гласање, ДИК не објавува резултати, туку само бројка на излезност. Ливчињата остануваат запечатени во пликоата кои се наоѓаат во гласачките кутии до денот на изборите, односно до завршување на гласањето. Истите кутии се користат за денешното гласање на болните и немоќните, а пликоата се отвораат и гласовите ќе се бројат утре заедно со останатите.

Изборите за пратеници во Собранието се одржуваат со задолжителна препорака за почитување на мерките за заштита од Ковид-19.

притисни ентер