Владата се пофали за ефектите од прогресивниот данок

Платите растат, невработеноста се намалува, а бизнисот е во позитива.

Прогресивниот данок дава одлични резултати, тврди министерот за финансии Драган Тевдовски. Само во првото тримесечје, државната каса собрала за 17,4% повеќе пари од данокот на личен доход во однос на истиот период лани.

Наспроти очекувањата дека со даночната реформа ќе се намалат платите и бројот на вработени, како и тоа дека прогресивниот данок ќе му наштети на бизнисот и целата економија, Тевдовски цени дека овие тврдења се побиени.

„Јасно гледаме дека тоа не се случи, силно е зголемена вработеноста посебно каде што постои праведното одданочување. Теза беше пад кај вработувањето кај младите - напротив се зголемува вработеноста кај младите. Имаше погрешна теза дека ќе се зголеми даночната евазија, евазијата не е зголемена имаме одлична наплата на даночни приходи,“вели Драган Тевдовски, министер за финансии.

Колкав е бројот на нововработени со плата над илјада евра кои се засегнати со реформата, Тевдовски немаше конкретни бројки. Вели дека споредено со истиот период лани за 5% пораснале платите на програмери, а во секторот Информации и комуникации за истиот квартал се вработиле 5 илјади лица повеќе.

„Остваруваме многу позитивни резултати, растот на платите се одвива постојани. Динамиката на нивниот раст е многу побрза отколку онаа на претходната власт. Во последните пет месеци тој е 3,4 отсто и е поголем од просекот од последните седум години кој изнесува околу 2 отсто. Ние ќе продолжиме да правиме притисок тие да растат се повеќе,“вели Драган Тевдовски, министер за финансии.

И покрај негодувањата од бизнисот и невладините прогресивното одданочување сепак стартуваше на почетокот од годинава. Власта очекува на годишно ниво во буџетот да се слеат 25 милиони евра – пари кои ќе се искористат за поголеми давачки за социјалните категории. Тевдовски вели, над 25 илјади домаќинства веќе од оваа недела земаат повеќе пари.

Радев продолжува со консултациите за именување привремен премиер

Бугарскиот претседател Румен Радев продолжува со консултациите за именување привремен премиер. Во четвртокот тој го врачи третиот мандат за формирање влада на најмалата партија во Парламентот - ИТН. 

Тие веднаш го вратија, со што ставија крај на шансите за формирање нов кабинет во ова народно собрание.

Радев сега треба да назначи привремен премиер и влада. Но, според последните измени во Уставот, тој е должен да избира луѓе од список на одредени позиции. Тоа се, на пример, претседателот на Собранието, шефовите на Комората за ревизија и од БНБ.

Лидерот на ГЕРБ, Бојко Борисов, сигнализираше дека не сака тоа да бидат ниту Росен Жељазков, кој раководи со Парламентот, ниту Димитар Главчев, шеф на Заводот за ревизија.

Претседателот во четвртокот имаше средби со нив, како и со првиот човек на Централната банка, Димитар Радев. Тој објасни дека има конфликт меѓу националното законодавство и она на ЕУ. Според европските норми, гувернерот не треба да учествува во политиката. Тоа важи и за неговите тројца заменици. т.е. листата на потенцијални кандидати за премиер се намали за уште четири лица.

Неколку дена претходно од функцијата поднесе оставка и заменикот народен правобранител Елена Чернева-Маркова. Народниот правобранител Дијана Ковачева заминува како бугарски судија во Стразбур и исто така не е опција.

Така, изборот за привремен премиер моќе да биде направен меѓу замениците на Главчев во Ревизорската комора - Тошко Тодоров и Горица Гранчарова-Кожарева. Се верува дека таа има поддршка од ДПС. Кожарева беше меѓу учесниците во скандалот на Ревизорската комора по неуставната смена на нејзиниот претседател Цветан Цветков во јануари 2023 година. Потоа таа беше на функцијата неколку месеци. Кожарева е сопруга на обвинителот и поранешен член на Врховниот судски совет, Михаил Кожарев.

Средбата со неа ќе биде попладнево во Претседателството. /МИА

Нето надворешниот долг на крајот на 2023 година изнесувал 4.458 милиони евра

Нето надворешниот долг на крајот на минатата година изнесувал 4.458 милиони евра или 32,6 проценти од проценетиот БДП, објави денеска Народната банка.

Во четвртиот квартал од годината, нето надворешниот долг е зголемен за 305 милиони евра или за 7,3 проценти.

- На крајот на четвртиот квартал од 2023 година, бруто надворешниот долг изнесува 11.463 милиони евра и забележа квартално зголемување од 386 милиони евра. Бруто надворешните побарувања се зголемија за 81 милион евра и изнесуваат 7.004 милиони евра. Поголемото квартално зголемување на обврските во однос на побарувањата доведе до зголемување на нето надворешниот долг за 305 милиони евра, така што на крајот на декември 2023 година тој изнесува 4.458 милиони евра, појаснува Народната банка.

Во текот на четвртиот квартал од минатата година, негативната нето меѓународна инвестициска позиција (МИП) е зголемена за 160 милиони евра и изнесува 8.500 милиони евра, односно 62,2 проценти од проценетиот БДП за 2023 година.

Во однос на крајот на 2022 година, нето надворешниот долг е зголемен за 147 милиони евра (или 3,4 проценти), во услови на зголемување на нето приватниот долг (за 269 милиони евра), а намалување на нето јавниот долг (за 122 милиона евра).

До вторник сончево и топло до 29 степени

Следува период на сончево и топло време со мала до умерена облачност. Во деновите од викендот и во понеделник максималната температура ќе достигне 29 степени, соопшти УХМР. 

Од вторник ќе има извесно зголемување на облачноста со благо опаѓање на дневната температура.

притисни ентер