Туск: Можна е само една одлука – почеток на преговрите, прашањето не е „дали" туку „кога"

Како претседател на Европскиот совет не сакам да прејудицирам.

Лично верувам дека е можна само една одлука – почнување на преговорите со С. Македонија и со Албанија за членство во ЕУ според препораката на Европската комисија, истакна претседателот на Европскиот совет Доналд Туск на заедничката прес-конференција со претседателот Стево Пендаровски во Брисел.

– Како претседател на Европскиот совет не сакам да прејудицирам. Направивте се што се очекуваше од вас, но да бидам искрен – не сите земји членки на ЕУ се подготвени да се донесе одлука за отворање на преговорите за членство во наредните денови. Прашањето е не „дали", туку „кога" ќе почнат. Внимателен сум за ова прашање бидејќи знам дека некогаш постигнувањето консензус меѓу 28-те земји членки трае подолго отколку што јас би сакал. Но, нема сомнеж дека местото на вашата земја и на регионот е во ЕУ, нагласи Туск.

Изборот на Пендаровски и неговата прва посета на Брисел, Туск ја оцени како високо симболични и извор на надеж за земјата и за целиот регион.

– Прво, Вашата неспорна изборна победа покажа нова верба на граѓаните и политичките сили во демократските процеси и создаде добра база за институционална стабилизација. Второ, изборите ја потврдија евроатланската ориентација на земјата. Изборите беа и референдум за меѓуетничкото помирување и добри односи со соседите и вие тој тест го поминавме успешно. Договорите со Бугарија и Грција се историски, и пример што треба да го следат и другите во регионот и пошироко.

Претседателот Пендаровски на прес-конференцијата кажа дека по исполнетите задачи, Северна македонија не бара незасужена награда, туку заслужена шанса да изградиме европска држава со праведно, хумано и напредно општество. Посочи дека членството во ЕУ и НАТО е стратешка определба на државата и на огромното мнозинство граѓани.

– Пред две недели го добивме најдобриот и најпозитивниот извештај на ЕК за нашата земја. Не само што добивме чиста препорака за почеток на прероговите туку бевме посочени како светол пример во Западен Балкан. Тоа го направивме со решавање на децениски прашања. Донесовме храбри одлуки за многу чувствутелни прашања за нашите граѓани со цел да ја отстраниме најголемата пречка во процесот на зачленување и во ЕУ и во НАТО. Со договорот за добросоедство со Бугарија и со Спогодбата од Преспа се ослободивме од товарот во минатото. Македонија е единствената земја во регионот која веќе нема отворени прашања со соседите. Покрај тоа испорачување реформи во многу клучни области и се усогласуваме со политиката на ЕУ. Свесни сме дека се потребни уште реформи и оти имаме слабости, ни претстои многу работа. Но морам да истакнам една реалност – ние сме најефикасни кога пред нас имаме задачи, а преговорите за членство се најдобрата реформска алатка, истакна Пендаровски.

Потсети на улогата на земјата во справувањето со мигрантската криза во 2016, а со тоа и во зачувувањето на европската безбедност.

– Со тоа покажавме дека сме цврсти европски партнери. Овој јуни ЕУ има историска можност да покаже лидерство и визија за иднината на целиот наш регион – со тоа што ќе и додели датум за преговори на  Македонија, порача Пендаровски на заедничката прес-конференција со Туск.

Едно лица загина во сообраќајка во Скопје

Едно лице загинало во една од вкупно 27 сообраќајни незгоди што изминатиот викенд се случиле на подрачјето на СВР Скопје.

Во сообраќајките две лица биле потешко, 16 полесно повредени, а во осум била причинета материјална штета.

Од СВР Скопје информираат дека викендов сообраќајната полиција санкционирала 72 возачи кои се движеле со брзина поголема од дозволената, а од сообраќај исклучила 50 возачи кои го управувале возилото под дејство на алкохол, 58 возачи пред да се стекнат со право на управување моторно возило и шест почетници, како и  52 нерегистрирани возила и едно технички неисправно возило.

Санкционирани биле и осум возачи кои поминале на крстосница на црвено светло, тројца возачи не дале првенство на минување на обележан пешачки премин, пет возачи за неправилно престигнување, 16 возачи за не  користење заштитен шлем од страна на возачите на велосипед со мотор, мопед и мотоцикл, 11 возачи за не носење сигурносен појас, како и 19 возачи кои користеле мобилен телефон за време на управување на моторно возило.

Тројца пешаци поминале коловоз вон пешачки премин.

Затекнати биле 194 возила непрописно паркирани, а со помош на  специјалното возило „пајак", отстранети биле 152 возила. /МИА

Изгоре стара куќа во село Дражево

Во село Дражево во општина Ново Село синоќа целосно изгоре стара куќа, а пожарникарите не дозволиле пожарот да се прошири во околната шума.

-Куќата се наоѓаше во дел од селото каде беше оневозможен пристап на против пожарно возило. Дополнително е повикано теренско возило и е направен појас околу куќата за да се спречи ширење на пожарот во околната шума, информираат од Територијалната противпожарна единица Струмица.

Синоќа пожарот е изгаснат, а причинета е само материјална штета./МИА

Конференција „Набљудување на успешноста на работата на ДКСК"

Платформата на граѓански организации за борба против корупцијата денеска ја организира првата конференција од проектот „Набљудување на успешноста на работата на Државната комисија за спречување корупција" поддржан од Фондацијата Отворено општество.

Целта на конференцијата е да се презентира методологијата за набљудување на отчетноста на засегнатите институции по одлуките на Државната комисија за спречување на коурпцијата, како и нивните подготовки за набљудување на финансирањето на политичките партии. Тема на конференцијата ќе биде и носењето на националната стратегија за борба против корупцијата, односно идејата е да се разговара околу приоритетите на стратегијата и на кој начин да се направи ефикасна соработка меѓу засегнатите страни./МИА

притисни ентер