Преку мерката Вработување и раст на правни субјекти вработени 450 лица, од кои 286 млади

Повеќе од 50 проценти од вработените лица, односно 286 се млади до 29 години.

Вкупно 450 невработени лица се вклучија на пазарот на трудот преку мерката Вработување и раст на правни субјекти што е дел од Оперативниот план за активни програми и мерки за вработување и услуги на пазарот на трудот за 2019 година- Шанса за сите. Повеќе од 50 проценти од вработените лица, односно 286 се млади до 29 години.

Како што соопшти денеска Агенцијата за вработување, за реализација на овие вработувања досега се исплатени 59.060.500 ден од потсметката на Агенцијата за вработување наменета за активни програми и мерки.

Мерката Вработување и раст на правни субјенти поддржува креирање нови работни места во микро, мали и средни претпријатија, социјални претпријатија и граѓански организации. Преку оваа мерка годинава е планирано да бидат вработени 497 невработени лица евидентирани во АВРСМ, а предност им се дава на младите лица до 29 години и корисниците на гарантиранa минимална помош. Вкупниот буџет за реализација на оваа мерка изнесува 76.279.000 денари.

Висината на грантот за вработување на едно лице на возраст над 29 години изнесува 92.000 денари, за лица до 29 години возраст висината на грантот за вработено едно лице изнесува 153.750 денари, а за лица корисници на гарантирана минимална помош висината на грантот за вработено едно лице изнесува 200.000 денари. Во еден правен субјект поддржано е вработување од најмногу пет лица. 

Британија и ЕУ постигнаа договор за Брегзит

Велика Британија и Европската Унија постигнаа договор за Брегзит во пресрет на самитот на премиерите на земјите членки , што се одржува во Брисел.

Договорот го потврдија британскиот премиер Борис Џонсон и претседателот на ЕК во заминување Жан-Клод Јункер. Деталите од договорот се уште не се познати и откако официјално ќе бидат претставени, допрва треба да бидат одобрени од страна на Европскиот и британскиот парламент.

Јункер му се заблагодари на Џонсон на самитот за „одличните односи во последните две недели“.

„Овој договор беше создаден заедно со Велика Британија и затоа сум убеден дека може да биде поддржан и ратификуван навреме“, рече европскиот преговарач Мишел Барние.

Тој додаде дека не треба да има изненадувања во договорот.

„Постигнавме искрен и разумен договор што одговара на нашите принципи. Имавме тешки дискусии во последните денови. Можевме да најдеме решенија што целосно го почитуваат интегритетот на единствениот пазар. Создадовме ново и законско оперативно решение за да избегнеме цврста граница со Ирска и да одржиме мир и стабилност на ирскиот остров.“, Рече Барние на прес-конференција.

Новиот договор, сепак, го смени „најдобриот и единствениот можен договор“, како што европските официјални претставници го нарекоа договорот за Брегзит постигнат минатиот во ноември со тогашната премиерка Тереза ​​Меј.

Во врска со тој договор, протоколот со Северна Ирска беше изменет , но сите други одредби останаа исти.

Стартува Централниот регистар на население

Граѓаните повеќе нема да имаат потреба да трчаат од институција до институција за да сменат каков било личен податок.

 Новиот Национален регистар на население електронски ги прибавува точно и во реално време сите потребни податоци на физичките лица во земјава.

Регистарот стартува од денеска и е за потребите на институциите при давање услуги. За еден месец ќе биде пуштен и националниот портал за е-услуги, преку кој граѓанинот ќе може да заврши одредена услуга од компјутер а не преку шалтер.

Секој лично ќе може да си ги провери податоците на порталот. Доколку забележи грешка, самиот портал ќе го упати до која институција треба да се обрати.

Системот ги прибира датумот на раѓање, место на живеење, матичен број, државјанство, но не и етничката припадност и економскиот статус. Манчевски тврди дека ова не е замена за попис, туку само помошна алатка.

Од сублимираните податоци, досега регистрирани се околу 2,3 милиони граѓани родени и со активен престој во земјава. Инаку проектот за регистар е финансиран од ЕУ. Манчевски уверува дека податоците се заштитени и нема опасност од хакерски напади.

Лидерите на ЕУ одлучуваат за македонските преговори

Промена на тврдиот став на Франција во фото-финиш или продолжение на неизвесноста во чекалната на Европската унија.

Одговорот ќе го дадат лидерите на Европската унија на дводневниот самит, кој попладнево  почнува во Брисел.

 Засега ништо не навестува дека Макрон ќе попушти и ќе даде зелено светло за преговори за земјава.

 Во седиштето на Европскиот совет е Александар Видиновски.

Имаме денешен став и на канцеларката Меркел, но се чини дека во моментов, главната преокупација на лидерите е постигнатиот договор за Брегзит..

 Кога се очекува Македонија да се најде на маса?

Целиот извештај погледнете го во видеото.

притисни ентер