„Семос Едукација" и Фондацијата „Со Срце за Крива Паланка" ќе доделат стипендија за летна менторска програма

Фондацијата „Со срце за Крива Паланка" на иницијатива на раководството од „Семос Едукација"- Скопје ќе овозможи бесплатна летна менторска школа за една од трите програми на менторирање во текот на летово.

Ќе биде доделена целосна стипендија за една од следниве летни менторски програми: програма за UX –Design,  програма за Game Design, Unity & Autodesk и  програма за back-end Python Developers.

– За добивање на стипендијата треба да се исполнуваат следните критериуми: апликантот да е жител на Општина Крива Паланка и да биде  на возраст од најмалку шеснаесет години. Апликантот треба да достави есеј со најмногу 1.000 зборови во кој ќе објасни како стекнатото знаење ќе го примени и аплицира во пракса и како тоа знаење ќе придонесе за развој на Крива Паланка, посочуваат од Фондацијата „Со срце за Крива Паланка".

Апликацијата со генералните податоци за кандидатот и есејот треба да се испрати на следната адреса: kursevi@semos.com.mk со наслов во истиот „Апликација за целосна стипендија", најдоцна до 20 јуни.

Од „Семос Едукација" информираат дека обуката ќе се одвива во Скопје, под менторство на професионалци од компании, со сертифицирани тренери.

Стартува Централниот регистар на население

Граѓаните повеќе нема да имаат потреба да трчаат од институција до институција за да сменат каков било личен податок.

 Новиот Национален регистар на население електронски ги прибавува точно и во реално време сите потребни податоци на физичките лица во земјава.

Регистарот стартува од денеска и е за потребите на институциите при давање услуги. За еден месец ќе биде пуштен и националниот портал за е-услуги, преку кој граѓанинот ќе може да заврши одредена услуга од компјутер а не преку шалтер.

Секој лично ќе може да си ги провери податоците на порталот. Доколку забележи грешка, самиот портал ќе го упати до која институција треба да се обрати.

Системот ги прибира датумот на раѓање, место на живеење, матичен број, државјанство, но не и етничката припадност и економскиот статус. Манчевски тврди дека ова не е замена за попис, туку само помошна алатка.

Од сублимираните податоци, досега регистрирани се околу 2,3 милиони граѓани родени и со активен престој во земјава. Инаку проектот за регистар е финансиран од ЕУ. Манчевски уверува дека податоците се заштитени и нема опасност од хакерски напади.

Лидерите на ЕУ одлучуваат за македонските преговори

Промена на тврдиот став на Франција во фото-финиш или продолжение на неизвесноста во чекалната на Европската унија.

Одговорот ќе го дадат лидерите на Европската унија на дводневниот самит, кој попладнево  почнува во Брисел.

 Засега ништо не навестува дека Макрон ќе попушти и ќе даде зелено светло за преговори за земјава.

 Во седиштето на Европскиот совет е Александар Видиновски.

Имаме денешен став и на канцеларката Меркел, но се чини дека во моментов, главната преокупација на лидерите е постигнатиот договор за Брегзит..

 Кога се очекува Македонија да се најде на маса?

Целиот извештај погледнете го во видеото.

Ѓраѓаните од Карпош ќе може да подигнат катричка ,,Мој Карпош” и на пунктот во Лептокарија

На поставениот штанд во ТЦ Лептокарија, денеска ѓраѓаните од Карпош имаа можност веднаш да аплицираат и да добијат картичка „Мој Карпош“.

Тимот од Секторот за развој при Општината им ги објаснуваше придобивките на граѓаните од употребата на картичката, попустите и бенефициите кои ќе ги добиваат во големиот број на угостителски објекти (кафулиња, ресторани, културни установи, ИТ компании и др).

Оваа картичка може да ја поседува секое лице со наполнети 13 години, а граѓаните можат да се регистрираат во урбаните заедници, по електронски пат на www.mojkarpos.mk или на пунктовите кои ги поставува Секторот за развој.

Картичката „Мој Карпош“ беше едно од главните ветувања во изборната програма на градоначалникот Стефан Богоев. Овој проект овозможи трајна соработка меѓу граѓаните, Општината и бизнис секторот.

Денеска беа издадени повеќе од 50 картички, а тимот од Секторот за развој и во текот на утрешниот ден ќе постави штанд на платото во ТЦ Лептокарија, се наведува во соопштението од општина Карпош.

притисни ентер