Заев во Берлин по поддршка од Меркел за датум за преговори

Премиерот Зоран Заев денеска заминува во посета на Германија каде очекува позитивна порака од канцеларката Ангела Меркел во однос на добивањето на датумот за преговори.

Премиерот Зоран Заев во пресрет на самитот на Европскиот совет што треба да се одржи на крајот од јуни во Брисел, на кој треба да се утврди датум за пристапни преговори на нашата земја со ЕУ, денеска заминува во посета на Германија каде очекува позитивна порака од канцеларката Ангела Меркел во однос на добивањето на датумот за преговори.

– Во четврток очекувам позитивна порака од канцеларката Меркел со прецизни агенди и детали затоа што сите земји немаат никаква дилема ниту каков било аргумент против за добивање датум за Северна Македонија за почеток на преговори со ЕУ. Само треба да знаеме кога ќе бидат донесени конкретните одлуки. Премиерот Бабиш ќе ни помогне на Европскиот совет, ќе ја отвори дебатата, верувам дека романското претседателство ќе не стави на дневен ред заедно со претседателот Туск затоа што секоја позитивна порака е мотивирачка за нас да продолжиме понатаму, посочи Заев вчера на заедничката прес-конференција со неговиот чешки колега кој престојуваше во официјална посета на земјава.

Тој нагласи дека политичките одлуки во земјата за тоа дали ќе има реконструкција на Влада или предвремени избори ќе зависат токму од одлуката на Европскиот совет, како и од пораките и јасното соопштување за извесните чекори коишто ќе му ги пренесе канцеларката Меркел на средбата што треба да се одржи во четврток. Убеден е дека земјата ќе добие датум за преговори.

-Нема дилеми дека ќе добиеме датум за преговори, важно е тоа да биде порано. Важно е да знае ЕУ дека таа за нас е атрактивна затоа што секогаш покажала мудрост да ги прави реформите внатре, но и да го држи процесот отворен за привлекување на новите земји кандидати за членство во ЕУ и верувам дека тоа ќе се случи. Оваа мотивација од ЕУ за нас е важна за да продолжиме понатаму, рече Заев на новинарско прашање дали има донесено одлука за која од трите можни опции (реконструкција на Владата, предвремени парламентарни избори, враќање на мандатот) се одлучил, а кои тој претходно ги најави во случај да не добиеме датум за преговори.

Најави дека по средбата со Меркел во четврток, веројатно идниот викенд ќе следи седница на Централниот одбор на СДСМ, дека се постојано во координација со коалициските партнери и во зависност од одлуката на парламентарното мнозинство и дали тоа ќе се додржи така ќе ги носат одлуките.

-Транспарентни сме до самиот крај. Верувам дека јуни месец ќе ги заокружи сите овие политички одлуки дома затоа што се што работиме е заради интеграциите во ЕУ и НАТО кои ни влијае комплетно позитивно на економските процеси и реформите, рече Заев.

Работната посета на премиерот Заев на Берлин е на покана на Стопанската комора на СР Германија за источна Европа. Според најавата од владината прес-служба, Заев ќе предводи делегација на годишниот прием на Стопанската комора на Германија за источна Европа на кој ќе има свое обраќање.

Европската Комисија во извештаите за напредокот за земјите – кандидати што ги објави на 29-ти мај, им препорача на земјите членки да ги започнат преговорите за членство во ЕУ со Северна Македонија и Албанија што поскоро, идеално во јуни, а македонскиот пример го нарече „блескав" и „сведоштво" за моќта на привлечност на ЕУ во регионот.

-Нашата порака е јасна, јасно рековме дека му препорачуваме на Советот да отвори преговори со двете земји во најбрзо време, сега одлуката е кај земјите членки. Двете земји се подготвени, рече по презентацијата на извештаите потпретседателката на ЕК и шефица на европската дипломатија Федерика Могерини нагласувајќи дека станува збор за процес на преговори а не за членство во ЕУ.

Премиерот Заев пак оцени дека овој Извештај кој ја содржи 10-та по ред препорака за отпочнување на пристапните преговори со ЕУ е најпозитивниот досега, потврдува дека ги исполнивме сите наши задачи и дека целосно сме подготвени за почеток на преговорите.

-Сега на потег се државите членки и институциите на ЕУ. На потег е Европа да испорача одлука што ќе ни ја донесе врз основа на нашите заслуги. Испораката има јасен став за старт на процесот на преговори кој е и во интерес на ЕУ, за улогата на ЕУ како глобален играч за нејзината надворешна политика и за идните перспективи на овој регион. Отворањето на преговорите за пристап во ЕУ е единствната гаранција за одржување на домашната стабилност и за одржување на реформскиот импулс во Северна Македонија со позитивни ефекти за целиот регион на Западен Балкан, потенцира Заев./МИА

Мотоциклист го изгуби животот, четворица се повредени во четири сообраќајки во тетовско

По незгодата мотоциклистот бил пренесен во Клиничката болница Тетово, каде што починал. 

Мотоциклист починал во сообраќајка несреќа ноќеска во 23 часот на локалниот пат с.Палатица-с. Желино, при судир помеѓу патничко возило „ауди" со скопски регистарски ознаки, управувано од Г.И.(23) од Желино, тетовско и мотоцикл „јамаха" без регистарски ознаки, управуван од А.Ј.(33) од с. Палатица.

-По незгодата мотоциклистот бил пренесен во Клиничката болница Тетово, каде што починал. Извршен бил увид на местото на несреќата од Јавен обвинител и екипа од СВР Тетово, додека по наредба на обвинителот Г.И. лишен е од слобода и задржан за целосно расчистување на случајот, соопшти СВР Тетово.

Во сообраќајка во 17 часот и 20 минути на бул. „Видое Смилески Бато" во Тетово, повредено е 9 годишно девојче.

-Патничко возило „фолксваген голф" со тетовски регистарски ознаки, управувано од А.М.(39) од Тетово, удрило во деветгодишно девојче, пешак од Скопје. Во незгодата девојчето се здобило со тешки телесни повреди по што било пренесено во Клиничката болница Тетово за укажување на лекарска помош, информираат од СВР Тетово.

Во 17 часот и 50 минути на локалниот пат во Долно Палчиште се случила сообраќајна незгода помеѓу патничко возило „опел вектра" со тетовски регистарски ознаки, управувано од И.А.(20) с. Долно Палчиште и патничко возило „опел корса" со тетовски регистарски ознаки, управувано од Џ.Ш.(49) од с. Долно Палчиште. Во незгодата со тешки телесни повреди се здобил Џ.Ш., а со телесни И.А. по што биле пренесени во Клиничката болница Тетово за укажување на лекарска помош. Повреден е и 19 годишник кој во 18.40 часот пред комплексот „Арабати Баба Теќе", со возило „бмв" излетал од коловозот и удрил во бетонски ѕид. Во незгодата, Б.Л. се здобил со тешки телесни повреди по што бил пренесен во тетовската Клиничка болница за укажување на лекарска помош.

Сончево и раст на температурите во следните денови, за викендот нестабилно

 Сончево време со мала до умерена облачност и постепен раст на дневните температури,  најавуаат метеоролозите во следните денови, а за викендот нестабилно.

Од УХМР најавуваат дека во попладневните часови ќе има услови за изолирана појава на краткотраен дожд.

Утре температурата ќе се искачи до 32-от степен, во четврток до 34, петок 33, за време на викендот темпратурата ќе се движи од 24 до 32 степена.

В петок кон крајот на денот и за време на викендот на повеќе места ќе биде нестабилно со пороен дожд, грмежи и засилен ветер.

ОЈО за Организиран криминал доби донација од Амбасадата на САД во Скопје

Убедена сум дека истражителите и обвинителите максимално ќе го искористат бенефитот од добиената опрема.

Претставници на Амбасадата на САД во Скопје, преку Бирото за меѓународна борба против наркотици и за спроведување на законите (ИНЛ) при Стејт Департментот донираа преносни компјутери на Основното јавно обвинителство за гонење на организиран криминал и корупција, информираат од Јавно обвинителство. Од таму уште додаваат дека донацијата е наменета за потребите на истражниот центар во обвинителството и олеснување на неговата работа на терен во време на пандемијата со КОВИД-19.

Обвинителката Вилма Русковска срдечно заблагодарувајќи сè за донацијата истакна дека потребата од нови современи технолошки помагала за спроведување на истражни дејствија е секогаш потребна, особено ако се има предвид дека обвинителството треба да биде неколку чекори пред лицата кои ги гони.

– Убедена сум дека истражителите и обвинителите максимално ќе го искористат бенефитот од добиената опрема и ефикасно и ефективно ќе ги спроведуваат своите надлежности во прогонот на организираниот криминал и корупцијата, изјавила Рускоска.

притисни ентер