Турските комуналци собирале книги од контејнерите , па отвориле библиотека (ВИДЕО)

Комуналците од турскиот главен град Анкара забележале дека голем број книги завршуваат во контејнерите , па се решиле да ги собираат.

Комуналците од Анкара до сега собрале од мконтејнерите 4 700 книги и од нив си направиле сопствена библиотека. Уште 1 500 книги чекаат свое место на полиците во библиотеката. ,,Книгите требаше да завршат во депонијата , а ние им подаривме втор живот.” , вели Емирали Уртекин , задолжен да управува со библиотеката.

Главен библиотекар е дваесетгодишниот Ерај Јилмаз и вели дека читањето позитивно влијае на нивната работа. Проектот го почнале пред седум месеци , а се функционира како кај вистинска библиотека.

,, Добро е да се чита , добро е за мозокот , а добиваме и нови идеи.” , вели библиотекарот Јилмаз. На почетокот , библиотеката била отворена само за вработените во комуналното претпријатие , а сега е отворено за секого кој сака да чита.

Библиотеката работи 24 часа дневно , позајмувањето на книгите е бесплатно , а секој може да ја задржи книгата најдолго до две недели.

Работниците сега сакаат да отворат подвижна библиотека , која на секои 15 дена ќе посетува различни училишта . Им се јавиле гоелм број ученици од училишта каде нема библиотеки или борјот на книги бил ограничен во оние каде имало.

притисни ентер