Солза Грчева и Љубиша Николовски во „Само вистина“

Вечерва во „Само вистина“ гости беа Солза Грчева и Љубиша Николовски.

Во моментов е битно што Заев ќе и каже на Меркел бидејќи не верувам дека таа не знае што направила Македонија, ставот на Меркел можеби варира затоа што некој над неа и рекол дека треба да почека со одговорот за датум, вели Николовски.
Заев лани уверуваше дека датум во јуни годинава ќе има, ама очигледно не излажа сите, смета Грчева.

Ви се бендисува ли вечното владеење на големите СДСМ и ВМРО-ДПМНЕ па затоа не ги сакате малите партии, прашува Грчева.
Јас само сакам партии што ги препознавам и што не се кријат зад бојкот, одговара Николовски.

Пакетот со Албанија ни влијае штетно, со донесувањето закони одиме напред ама со нивно имплементирање сме лоши, вели Грчева.
Немаат ли проблеми земјите од ЕУ, ние допрва ги градиме институциите, вели Николовски.

Погледнете ја целосно вечерашната емисија „Само вистина“ овде.

Локализиран пожарот од страна на Пинтија

Целосно е локализиран пожарот од страна на Пинтија, останува дел над населбата Усје. 

Противпожарни екипи се на терен и се работи на негово комплетно гаснење, информираат за МИА од Територијалната противпожарна единица на Град Скопје.

Пожарот избувна денеска околу 11:30 часот во шумата над скопската населба Пинтија. Зафатена беше поголема површина мешана шума.

Територијалната противпожарна единица на Град Скопје во гаснењето на пожарот доби помош и од воздух, активирани беа и авионите на Дирекцијата за заштита и спасување. Авионите направија два прелети  и фрлија вода кон Сопиште, каде се ширеше пожарот. Пожарникарите уверуваат дека нема опасност за ширење на пожарот кон Сопиште.

Во гаснењето на пожарот во Пинтија се вклучи и градоначалникот на Кисела Вода Филип Темелковски со претставници од Општината и месното население.

Во моментов активен е само пожарот кај Обиколница Бутел, а изгаснати се пожарите во Долно Блаце и Мојанци./МИА

Во сообраќајна несреќа настрадале мајка и ќерка од Пирот

Наместо да стигнат на одмор во Грција тие настрадале во сообраќајна несреќа.

Во сообраќајната несреќа која се случила во петок изутрина во Бугарија, на магистралниот пат кон Грција се случила сообраќајна несреќа во која настрадале мајка и ќерка, додека таткото кој го управувал возилото со тешки повреди е пренесен во болница.

Како што соопштуваат бугарските медиуми, несреќата се случила откако возилото „Фиат Панда“ со пиротски регистарски таблички од непознати причини нагло свртело на другата страна од коловозната лента и направило директен судир со автобус кој се обраќал на релација Благоевград- Сапарева бања.

Семејството од Пирот на кое му се случи оваа несреќа било тргнато на годишен одмор во Грција.

Тројца мртви во инцидент меѓу навивачи во Хондурас

Тројца се убиени во инцидент меѓу навивачи пред фудбалскиот меч помеѓу Мотахуе и Олимпија на Националниот стадион во Хондурас, пишуваат локалните медиуми.

Тие пренесуваат дека навивачи на Олипија го нападнале автобусот во кој се возеле навивачи од противничкиот тим. Се слушало пукање а полицијата користела солзавец за да го сопре инцидентот. Повредени се уште тројца луѓе од скршено стакло.

притисни ентер