Камена скулптура од Тутанкамон на аукција за 5 милиони долари

Египет се обиде да ја запре аукцијата на камената скулптура на фараонот Тутанкамон , стара над 3 000 години .

Скулптурата ќе се продава на аукција во Лондон , а цената се предвидува да биде најмалку 5 милиони долари. Аукциската куќа Кристи објави денеска дека пшродажбара на скулптурата е легална , без оглед на противењето на Египет.

Продажбата на малечката камена статуетка од кварцит е закажана за јули. Египетските власти тврдат дека тиа имаат право на сопственост над скулптурата и дека не може да стане збор за продажба.

Од аукциската куќа Кристи наведуваат дека оваа скулптура е дел од колекцијата Росдандро , една од најголемите приватни колекции на древни египетски предмети.

,,Статуата на Тутанкамон во 1985 ја набавил германскиот трговец Ханц Херцер од Минхен. Пред тоа , австрискиот трговец Јозеф Масина во седумдесетите години ја купил од принцот Вилхелм фон Турн , кој ја поседувал во неговата колекција. “,соопштуваат од аукциската куќа во Лондон.

Растурен и ограбен банкомат на Пале

Полицијата во Босна и Херцеговина трага по повеќе маскирани лица кои украле засега непозната сума на пари од банкомат на Пале близу Сараево.

Грабежот се случил утрово околу 3,15 часот, така што маскирани лица предизвикале експлозија на банкомат поставен во филијала на банка и од него ги замела сите пари.

Маскираните потоа со автомобил побегнале во непознат правец.

Синот на Бекам, Бруклин купил свршенички прстен од 200 000 долари

Синот на џет сет брачниот пар Дејвид и Викторија Бекам, 21- годишниот Бруклин се свршил со својата девојка Никол Пелтс. 

Според медиумите најстариот син на Дејвид и Викторија,Бруклин на свршеничкиот прстен потрошил дури 200 000 долари. Прстенот има 4,5 до 5 карати.

Ваквиот прстен според британскиот „Мирор“ е популарен меѓу славните личности, а веќе го имаат Џенифер Лопез, Амал Клуни и Џенифер Лоренс.

„Ја прашав својата сродна душа дачли ќе се ожени со мене,ми рече ДА. Јас сум најсреќниот човек на светот. Ветувам дека еден ден ќе бидам најдобриот маж и татко, напишал Бруклин на Инстаграм.

Возбудената Никол потоа кратко одговорила:

-Среќна сум што можам да те викам свој, напишала Никол.

Григор Димитров негативен на корона!

Бугарскиот тенисер Григор Димитров поради кој беше откажано финалето на Адриа турот во Задар го победи корона вирусот.

Димитров на последниот дена на турнирот во Задар, 21 јуни објави дека е позитивен на ковид -19, поради што веднаш беше откажано финалето Ѓоковиќ – Рубљов. Веднаш потоа позитивен тест на корона имаа Новак Ѓоковиќ, Борна Чориќ, Горан Иванишевиќ и двајца тренери.

Прв пат по турнирот во Задар кој предизвика лавина од коментари меѓу светските тенисер се огласи бугарскиот тенисер Григор Димитров.

-Токму сега добив извонредни вести од докторот од Монако, кој потврди дека сум негативен на Ковид-19. Ви благодарам на сите за поддршката во изминатите недели за време на мојот карантин.Се радувам што брзо ќе му се вратам на тренингот и што ќе бидам подготвен за американската турнеја на тврда подлога, напишал Димитров на Инстаграм.

притисни ентер