Технологија

Отворена Третата меѓународна конференција BalkanCom 2019 посветена на 5G технологијата

Во Скопје официјално е отворена Третата меѓународна конференција од областа на телекомуникациите BalkanCom 2019 која годинава е посветена на 5G технологијата.

За време на нејзиното одржување, релевантни истражувачи и експерти ќе дискутираат за предизвиците и можните решенија на актуелната 5G технологија, а конференција нуди можност и студентите активно да се вклучат во елаборирањето на концептите на идните телекомуникациски системи.

Според професор д-р Лилјана Гавриловска од Факултетот за електротехника и информациски технологии, 5G технологијата ќе овозможи подлога за иновативен развој и растеж во многу домени на секојдневието и ќе внесе интензивна промена во начинот на функционирање и комуникација.

И министерот за информатичко општество и администрација Дамјан Манчевски, кој се обрати на отворањето на конференцијата, смета дека 5G ќе промени цели индустрии.

– Овие сектори ќе бидат целосно трансформирани со дигитални автопатишта за комуникација, компјутерска моќ и мрежи на сензори. Автоматизацијата во голема мера ќе зависи од функционалните и безбедните 5G мрежи. Поединци и машини ќе комуницираат и ќе споделуваат информации на начин непознат до сега. Нема да има многу човечки активности, што не е поткрепено со сајбер-инфраструктура, истакна Манчевски на отворањето на конференцијата.

Осврнувајќи се на активностите и политиките на Владата во делот на дигитализацијата, Манчевски посочи дека на почетокот на годинава е усвоен Националениот оперативен бродбенд план усогласен со стратешките цели на ЕУ.

– Врз основа на користењето на јавните средства, како и инвестициите на операторите во наредните три години, се проценува дека до крајот на 2023 година, најмалку еден град ќе биде покриен со 5G сигнал, а до крајот на 2027 година сите градови во државата ќе бидат покриени со непрекинат сигнал од 5G, а до крајот на 2029 година секој граѓанин ќе има пристап до 5G интернет со минимум брзина од 100 Mbps", нагласи Манчевски.

За главниот извршен директор на „Македонски телеком", Никола Љушев, 5G технологијата ќе значи нов инвестициски циклус и изградба на нова мрежна инфраструктура, но само на тој начин може да се создаде одржлив екосистем кој ќе даде нова вредност, поголема продуктивност и трошковна ефикасност.

– Во соработка со академската заедница ќе ги истражуваме и продлабочуваме можностите за користење на 5G, очекувајќи одговорните институции да бидат генератори на политики кои ќе донесат забрзана дигитализација на општеството, како и развој на комуникациските и на информатичките технологии. Светот глобално се менува и сите ние како креатори на новото дигитално општество имаме одговорност да ја ставиме технологијата и иновациите во служба на граѓаните и целото општество, рече Љушев.

Првата ваква конференција е одржана во 2017 година во Албанија, а минатата година домаќин на конференцијата била Црна Гора.

Свет

Тајван изрази задоволство од долгоочекуваниот пакет помош од САД

Тајван изрази задоволство од пакетот помош одобрен од американскиот Конгрес, кој вклучува поддршка за островот со оружје, и покрај повиците на Кина до Вашингтон да престане да му продава оружје на Тајпеј.

САД се најважниот меѓународен поддржувач и снабдувач на оружје на Тајван и покрај недостигот на официјални дипломатски врски. Кина, која го гледа Тајван како своја територија, постојано бара да престане продажбата на оружје.

Американските сенатори одобрија со 79 „против“ и 18 гласа „против“ четирите предлог-закони усвоени од Претставничкиот дом во саботата, откако републиканските лидери во Претставничкиот дом ненадејно го сменија курсот минатата недела и гласаа за ослободување од 95 милијарди долари во главно воена помош за Украина, Израел и Тајван, како и за американски партнери во индо-пацифичкиот регион.

На состанокот со американските пратеници во посета на претседателската канцеларија во Тајпеј, тајванскиот претседател Цаи Инг-вен го одбележа усвојувањето на законите во текот на викендот. „Ние сме многу среќни што Сенатот ги усвои овие закони“, рече Цаи. /МИА

Свет

Штајнмаер во Анкара ќе се сретне со Ердоган

Турскиот претседател Реџеп Таип Ердоган и германскиот претседател Франк-Валтер Штајнмаер ќе се сретнат денеска во Анкара, јавија турските медиуми.

Штајнмаер оваа недела пристигна во посета на Турција на покана на Ердоган. Завчера тој беше во посета на Истанбул, а вчера беше во Газиантеп.

На средбата на двајцата шефови на држави во претседателската палата Бештепе денеска ќе бидат разгледани билатералните односи меѓу Турција и Германија во сите нивни аспекти и ќе се разговара за опциите за натамошен развој на соработката меѓу двете земји. Ќе се разговара за кризата во Појасот Газа и другите случувања на Блискиот Исток, војната меѓу Украина и Русија, односите меѓу Турција и Европската унија, како и други глобални и регионални прашања, соопшти Дирекцијата за комуникации на турското претседателство.

По билатералните разговори, претседателите ќе одржат заедничка прес-конференција.

Штајнмаер вчера го посети градот Газиантеп, кој беше погоден од разорните земјотреси во февруари. Тој се сретна со гувернерот на областа Кемал Чебер и со градоначалничката на градот Фатма Сахин, објави „Хуриет“. /МИА

Свет

Иран и Пакистан бараат СБ на ОН да преземе дејствија против Израел

 Иран и Пакистан го повикаа Советот за безбедност на Обединети нации да преземе акција против Израел, поради како што тврдат „незаконски“ ги нападнал соседните земји и дипломатските објекти.

- Признавајќи дека неодговорниот чин на силите на израелскиот режим претставува сериозна ескалација во и онака нестабилен регион, двете страни го повикаа СБ на ОН да го спречи авантуризмот на израелскиот режим во регионот и неговите незаконски дејствија за напад на соседите, се истакнува во заедничката изјава Иран и Пакистан.

Заедничката изјава е договорена за време на тридневната посета на иранскиот претседател Ебрахим Раиси на Пакистан во време на зголемени тензии во регионот на Блиски Исток. /МИА

притисни ентер