Македонија

ВМРО-ДПМНЕ: Граѓаните стануваат се посиромашни и живеат се потешко

Вработените од Еурокомпозит не поставија шатори пред владата за да ги прославуваат манипулациите на Зоран Заев, туку протестираат заради тоа што не може да ги прехранат сопствените семејства.

Вработените од Југохром две години ги слушаат лагите на Заев за економскиот бум и рестартирањето на комбинатот, но оставени се самите на себе да се снаоѓаат како знаат и умеат.

Синдикатите во сабота организираат протести не заради растот со кој што се фали Заев туку за да се овозможи достоинствен живот за работниците.

Граѓаните стануваат се посиромашни и живеат се потешко. Животот поскапува, акцизите се зголемуваат, даноците раснат, а нема повисоки пензии, ниту плати. Заев ја задолжува државата со стотици милиони евра, кои завршуваат по приватни џебови, а не во капитални инвестиции кои целосно колабираа.

Ова е тажната слика на македонската економија. Само Заев и Анѓушев може да бидат среќни бидејќи нивните бизниси и личното богатство се зголемуваат.

Не е неочекувано бруто домашниот производ да пораснал во првиот квартал, но тоа главно се должи на катастрофалниот прв квартал минатата година. Доколку Заев и Анѓушев продолжат да се занимаваат само со местење на тендери, нема да биде изненадување, растот во останатите квартали да се сведе на нула.

Намалувањето на невработеноста може да го зачуди само оној кој не ги видел полните автобуси со млади и работоспособни луѓе кои ја напуштаат Македонија. Тешко да има човек кој нема свој близок што заминал во странство по корка леб. Цели семејства заминуваат, а цели региони опустошуваат заради неспособноста на оваа влада. Мала утеха за оние кои ги испратиле своите најблиски на печалба е фалењето на Заев дека заради напуштањето на земјава, тој успеал да ја намали невработеноста.

Центар за комуникации на ВМРО-ДПМНЕ

Култура

Отворање на изложбата „Интимност и интерконекција“ во Куманово

Зимскиот салон од Штип ќе гостува во Куманово со изложбата „Интимност и интерконекција“ која ќе биде претставена во уметничката галерија во градот.

Отворањето на изложбата е вечер во 19.30 часот, а посетителите ќе имаат можност да ја посетат до 8 мај.

-Сметаме дека ваквите претставувања на изложбите на ДЛУМ се од голема важност бидејќи ДЛУМ се состои од членови од цела Македонија, велат од Друштвото на ликовни уметници на Македонија.

Следната поставка на оваа изложба се планира да биде во Музеј Битола.

Култура

Премиера на „Паника“ во Велешкиот театар

Велешкиот театар „Јордан Хаџи Константинов Џинот“ вечерва во 21 часот премиерно ќе ја изведе претставата „Паника“ на финскиот автор Мика Мулуахо, во режија на Александар Ивановски. 

Во претставата, која е дуо драма настапуваат Стефан Николовски како Лазе и Филип Христовски како Мики. Драматург на претставата е Катерина Момева а сценографија на Филип Коруновски а музиката е во избор на двајцата актери.

Како што појаснуваат од велешкиот театар, приказната е за двајца другари што се немаат видено долго време и после многу поминати години и патешествија во животот, тие се соочуваат еден со друг, си помагаат еден на друг, се провоцираат еден со друг, преку што избиваат нивните внатрешни конфликти.

-Во претставата се навлегува во најдлабоките теми на суштествувањето, прашања што го мачат секој човек кој сака да биде сакан и прифатен, а општествениот и социјален притисок наметнува стеги каде индивидуалниот идентитет се гуши, се преиспитува себеси, а преку оваа претстава сугерираме дека човек треба прво да се прифати таков каков што е, за да може да се промени. Играјќи си со жанровите, понекогаш нештата изгледаат многу трагично, а има мигови кога не ќе можете да се воздржите од смеење, поради суптилниот хумор што се провлекува низ целото дело и преку кој се релативизираат проблемите, се разобличуваат карактерите со нивните човечки мани, оправдувајќи ја нивната несовршена природа, појаснуваат од театарот.

Свет

Израел вели дека ја покажал својата способност да нападне во внатрешноста на Иран

Денешниот напад „имаше намера да му сигнализира на Иран дека Израел има способност да нападне во внатрешноста на земјата“, изјави неименуван израелски функционер за „Вашингтон пост“.

Нуклеарната организација на ОН (МААЕ) потврди дека иранските нуклеарни локации се неповредени, по извештаите за напад во ирански Исфахан.

МААЕ, исто така, го повтори својот повик и Иран и Израел да покажат максимална воздржаност, нагласувајќи дека атомските капацитети никогаш не треба да бидат цел.

притисни ентер