Трамп ги прекрши древните правила на сумо борењето во Јапонија (ФОТО)

Американскито претседател Доналд Трамп денеска беше на сумо турнир, на голф и на скара како дел од официјалната посета на Јапонија.

Јапонскиот премиер Шинзо Абе се потруди Трамп со сопругата Меланија да си поминат незаборавно во неговата земја.

Заедно одиграа партија голф и се сликаа селфи , како најдобри пријатели. Потоа отидоа и на скара.

Но , централниот настан беше турнирот во сумо борење , што има илјадагодишна традиција и строги правила. Американскиот претседател и првата дама седеа во царската ложа , што е забрането , зашто таму седат само членови на царското семејство.

Трамп требаше да седне на под меѓу публиката , но очигледно американскиот гостин доби царски привилегии. Исто така , една од најстрогите забрани се однесува на теренот каде се борат сумо борачите. На татамито може да се гази само бос.

Но , при доделувањето на големиот пехар на победникот, претседателот Трамп остана обуен со чевли.

Сомнителен пакет предизвикал паника на аеродромот во Манчестер

На аеродромот во Манчестер е забележан сомнителен пакет заради кој се ангажирани припадници на тимот за деактивирање бомби, соопшти полицијата.

Се наведува и дека еден маж е уапсен.

Полицијата го обезбедила делот од аеродромот каде што е забележан пакетот.

Од полицијата наведуваат и дека привремено е запрено обраќањето на трамваи, возови и автобуси кои одат до самиот аеродром, пренесува „Ројтерс“.

Бојан Јовановски во 12 часот на распит кај Вилма Русковска

Бојан Јовановски во јавноста познат како Боки 13 денеска во 12 часот во обвинителството за гонење организиран криминал и корупција ќе биде донесен  од притворот во Шутка на распит кај обвинителката Вилма Русковска.

Пред обвинителството е Михајло Видимлиски,ова  е прво соочување на Боки 13 со обвинителката Рускоска по скоро три месеци од мерката притвор која му беше одредена за случајот “Рекет”.

Џафери во посета на Казахстан

Како што соопшти Кабинетот на претседателот на Собранието, во состав на делегацијата е и пратеникот Енес Ибрахим.

Претседателот на Собранието на Република Македонија Талат Џафери, денеска и утре учествува на Четвртиот состанок на претседателите на парламентите на земјите од Евроазија на тема: „Голема Евроазија: Дијалог. Доверба. Партнерство", во Нур-Султан, Република Казахстан.

На состанокот учествуваат парламентарни делегации од шеесетина земји и 39 претседатели на национални парламенти од Европа и Азија, како и 13 меѓународни парламентарни собранија. Се очекува на крајот од состанокот да биде усвоен Финален документ со препораки за поблиска соработка меѓу државите и унапредување на дијалогот, довербата и партнерството во регионот.

По завршувањето на овој мултилатерален форум, на 25 и 26 септември 2019 год, претседателот Џафери ќе оствари официјална посета на Република Казахстан, на покана од претседателот на Мажилисот на казахстанскиот Парламент Нурлан Нигматулин. /МИА

притисни ентер