Душан Тадиќ : Цела ноќ плачев по поразот на Ајакс од Тотенхем

Српскиот фудбалер Душан Тадиќ одигра фантастична сезона во Ајакс . Постигна 38 голови со 24 асистенции на 56 натпревари.

По долго време годинава Ајакс ја освои и националната титула. Но , тоа не им беше доволно на холандските фудбалери , а особено не на Тадиќ. Српскиот фудбалер за холандските медиуми раскажува дека цела ноќ по поразот од Тотенхем во Лигата на шампионите плачел како мало дете.

,,Знаете , кога сум разочаран, сакам да плачам. Тогаш го исфрлаш тоа чувство од телото. Кога стигнав дома , пуштив тажна српска музика и седнав на каучот. Потоа си легнав во кревет . Мислам дека таа ноќ само еден час не плачев . Кога следното утро ги видов своите деца , тоа ми помогна да се смирам.”

Неговиот тим победи во Лондон со 1:0 , во Амстердам водеа со 2: 0 , но потоа примија три гола и не стигнаа во финалето на Лигата на шампионите.

Мицкоски: Граѓаните на 15 јули ќе изберат Обнова на Македонија

Денеска сме овде заедно со жителите на Крива Паланка, практично е претпоследен ден од кампањата за предвремените парламентарни избори.

Денеска завршуваме овде со собир во Крива Паланка со граѓаните, претходно ќе ги посетиме и Кратово и Ранковце.

Од она кое што можев до сега да го видам и да слушнам од граѓаните практично е иста сликата секаде тажна, мачна, луѓето не се задоволни од секојдневието, не се задоволни од ова политичко мочуриште наметнато од пандемија повеќе од три години од ова раководство на СДСМ предводено од Зоран Заев кое што гледаме цела кампања ја помина заглавено во минатото, сеуште споменувајќи некаков режим, а имаа повеќе од три години да се справат со тоа кое што они го нарекуваа режим.

Наместо денеска да бидат нивни лојални поддржувачи и верен коалиционен партнер имаа можност повеќе од три години да покажат и докажат дека тоа што го тврдеа во минатото е вистина.

Но, она што е вистина и е факт е дека ова раководство на СДСМ предводено од Зоран Заев ја донесе нашата држава, нашата Македонија и ја претвори на дното, ја претвори во хибриден режим, а на скалата на Транспарентност Интернационал по нивото на криминал и корупција практично се наоѓаме на 106 место или би рекол на дното во Европа.

Ние какао ВМРО-ДПМНЕ изминатите 19 дена, така и денеска зборувавме за нашата понуда, зборувавме за нашиот проект Обнова кој е испитан на 360 страни, зборувавме како до повисоки плати, повисоки пензии, како до 4 милијарди евра за странски и домашни инвестиции, како до 640 милиони евра субвенции за земјоделците и нов иновативен пристап во земјоделието, како до реформи во здравството, правосудството што е есенција.

Така што имавме што да понудиме и имавме успешна кампања и цениме дека поддршката од страна на граѓаните нема да изостане во среда, а потоа да ги засукаме ракавите и сето она кое што сме го ветувале, сето она за кое што се обврзавме да го испорачаме.

25 години од геноцидот во Сребреница

Во Сребреница, БиХ,  денеска се одбележуваат 25 години од геноцидот врз Бошњаците.

Во периодот од 11 до 23 јули 1996 година припадници на Војската на Република Српска, под команда на генерал Ратко Младиќ, убија над 8.000 босански муслимани, претежно момчиња и мажи на возраст од 12 до 77 години.

Поради зосторствата во Сребреница до сега се осудени вкупно 47 луѓе на повеќе од 700 години затвор, а изречени се и четири доживотни казни.

Хашкиот трибунал првата пресуда во која масакрот во Сребреница ги окарактеризира како геноцид, ја изрече за поранешниот генерал на Војската на Република Српска, Радослав Крстиќ во 2001 година.

Димитров: „Возиме сите напред кон ЕУ, таму каде што припаѓаме"

„Почитувани скопјанки и скопјани, денес тукушто завршивме една убава иницијатива – возевме на велосипеди, на точаци, низ победничко Скопје.

„Ако сакаме да бидеме здрава нација, треба да обезбедиме соодветна инфраструктура за велосипедите" Никола Димитров, носител на листа во изборната единица 1 од коалицијата „Можеме", кој утрово заедно со ко-носителката Мила Царовска предводеа колона велосипедисти од Паркот на новинарите преку центарот на градот и населбата Аеродром, до Градскиот парк во Скопје. Иницијативата беше отворена за сите граѓани љубители на велосипедизмот, кои им се придружија на носителите во голем број, покрај на велосипеди, имаше и скопјани кои дојдоа со електрични тротинети и ролери.

„Почитувани скопјанки и скопјани, денес тукушто завршивме една убава иницијатива – возевме на велосипеди, на точаци, низ победничко Скопје. Симболот, мотото беше: Возиме сите напред кон ЕУ, таму каде што припаѓаме. Државата ни полни 29 години оваа година, долго време сме низ тунелот, на еден чекор сме до пристапни преговори со Европската Унија. Имаме огромна шанса и имаме намера да ја зграпчиме и да ја искористиме.

Во среда 15 јули, вие одлучувате дали ќе одиме напред. Од едната страна имаме напредок, од другата страна имаме враќање назад и буквално, пустош и катастрофа. Немојте да мислите дека некој друг ќе одлучи. Вашиот глас е важен, секој глас е важен. Излезете, гласајте дадете правец каде сакате да ни оди нашата Македонија.

Меѓу другото, сакаме да дадеме и политичка поддршка на велосипедскиот транспорт, и во Скопје и во другите градови, и меѓуградскиот велосипедски транспорт. Ако сакаме да бидеме здрава нација, треба да обезбедиме соодветна инфраструктура за велосипедите."

притисни ентер