Заев: Поставувањето директор на АР е надлежност и право на претседателот

Премиерот Зоран Заев смета дека поставувањето на Ерол Муслиу за нов директор на Агенцијата за разузнавање е надлежност и право на претседателот на државата.

– Претседателот знае понекогаш да не консултира за одредени прашања. Тоа се негови надлежности и секако негово право е. Верувам дека консултациите ќе продолжат, за ова и за други прашања. Претседателот на државата ќе одговори, јас немам амбиции да мешам во тој дел, знаете дека сум прилично внимателен. Тоа е негова надележност, но верувам дека транспарентноста и правото на коментирање за одредени случаи од сите политички партии е добредојдено, рече Заев, одговарајќи на новинарско прашање за забелешките од ДУИ за назначувањето на Ерол Муслиу за нов директор на Агенцијата за разузнавање.

Премиерот Заев најави дека веројатно следната недела ќе има нова средба со лидерот на ДУИ Али Ахмети во врска со најавените промени во извршната власт.

– Веројатно следната недела ќе продолжиме зашто чекам повратна информација, секако и тој од мене, и сите коалициски партнери продолжуваме понатаму. До крајот на оваа недела ќе се случувааат одредни работи во самите политички партии, а идната недела веќе верувам дека ќе излегуваат на површина и одредени одлуки кои верувам дека ќе бидеме подготвени да ги донесеме, рече Заев по работниот појадок со бизнисмените во хотел „Хилтон". 

Грчки медиуми: Политички случувања во Скопје по ветото од Франција

Медиумите во Грција ги пренесуваат изјавите на првите луѓе на Еврокомисијата, Жан-Клод Јункер и на Европскиот совет, Доналд Туск и на шефот на француската држава Емануел Макрон, но и на претседателот Стево Пендаровски.

„Ветото од Франција предизвика политички случувања во Северна Македонија"; „Бура во Скопје по кажаното „не" од ЕУ"; „Разочараност во Северна Македонија"; „Политички земјотрес во Скопје", се дел од коментарите во грчките медиуми по завршениот Самит на ЕУ, а случувањата во земјава беа дел и од синоќешните централни изданија на вестите на грчките телевизии, но и на насловните страници на денешните изданија на весниците, jави дописничката на МИА од Атина.

Медиумите во Грција ги пренесуваат изјавите на првите луѓе на Еврокомисијата, Жан-Клод Јункер и на Европскиот совет, Доналд Туск и на шефот на француската држава Емануел Макрон, но и на претседателот Стево Пендаровски, информирајќи за вонредната лидерска средба закажана за в недела, а во текот на вчерашниот ден пишуваа и за наводна оставка на премиерот Зоран Заев.

Грчката телевизија Антена коментира дека Франција ја блокираше европската перспектива на Северна Македонија, а државната телевизија ЕРТ, во прилогот во централното издание на вестите, коментираше дека постои разочараност во Северна Македонија.

– Европа им заврти грб на Скопје и Тирана. Зоран Заев и Еди Рама се враќаат со празни раце, коментира телевизијата Стар, додавајќи дека блокадата од Макрон предизвикува разврска на Балканот.

Во текот на вчерашниот ден во грчките медиуми кружеше информацијата за наводна оставка на премиерот Заев. Дел од информативните портали во Грција се повикаа на веста објавена од италијанската новинска агенција АНСА, додека пак во централните вести на телевизиите, новинарите коментираа дека постојат шпекулации за оставка, но и демант од Владата на Македонија.

– Според новинарски информации Ангела Меркел му се јавила на Заев и побарала да не поднесува оставка, додека пак и други странски лидери го повикаа премиерот на соседната земја да продолжи по патот на реформите, пишува Катимерини.

Паралелно медиумите во Грција ги пренесуваат и ставовите на грчкиот премиер Кирјакос Мицотакис, кој на вчерашната прес-конференција од Брисел рече дека резултатот не е добар ни за Балканот, ни за Грција, говорејќи за проширувањето на Унијата, односно како што рече за прашањето „за кое за жал не успеавме да се договориме"./МИА

Премиерот Заев одговараше на новинарски прашања

Претседателот на Владата на Република Македонија, Зоран Заев денеска се обрати пред граѓаните.

Тој ја искажа својата разочараност околу европското „НЕ“. По обраќањето, премиерот одговараше на новинарски прашања.

Сите прашања и одговори може да ги проследите во видеото.

Пратениците денес гласаат за Брегзит

Британските пратеници денес ќе гласаат за договорот за Брегзит на премиерот Борис Џонсон, што се гледа како историски чин по кој Лондон или ќе излезе од ЕУ или ќе западне во уште подлабока криза.

Пратениците ќе расправаат за договорот кој Џонсон во четвртокот на 17 октомври го постигна со лидерите на ЕУ.

Опозициските партии и Џонсоновите сојузници од Северна Ирска  веќе го отфрлиле текстот, но премиерот и неговиот тим ги помина последниве 48 часа обидувајќи се да добијат поддршка од пратениците, наведува „АФП“.

-Нема подобар исход од овој кој јас го заговарам, рекол Џонсон за „Би-Би-Си“, истакнувајќи дека договорот за Брегзит е фантастичен.

Џонсон претходно кажа дека Британија на 31-ви октомври ќе ја напушти ЕУ со или без договор.

притисни ентер