Фото: Руски милијардер ја изненадил сопругата со подарок подморница!??

Рускиот бизнисмен Андреј Мелниченко ја изненадил сопругата, убавата екс српска пејачка Сандра со подарок вреден 22 милиони долари.

Андреј кој е „тежок“ околу 11 милијарди долари, на сопругата и купил  подморница вредна 22 милиони долари.

Сопственичката на најубавата и најлуксузна јахта на светот наскоро ќе има нова скапа играчка за на вода. Рускиот милијардер ја нарачал подморницата за сопругата Сандра од Америка како изненадување, „за таа да може да ужива во разгледување на длабочините на морињата и океаните“.

Сиетл 1000“ е ново ниво на луксуз кога станува збир за приватни пловила. Оваа подморница воопшто не наликува на оние кои досега ги купувале богаташите, подморница со едно седиште за разгледување која е прилично клаустрофобична“, тврди анонимен извор за „Информер Хит“.

Подморницата на Сандра ќе има 450 квадратни метри . Во неа ќе има две теретани, вински подрум, дневна, спална и гостинска соба и дури 20 дена ќе може да остане под површината на водата. 

Женска птица јастреб спасена од посериозна повреда во селото Тработивиште

Женска птица од видот јастреб e спасена од посериозна повреда во близина на селото Тработивиште. Птицата ја нашле мештани кои ја згрижиле, а потоа побарале помош.

Прв за случајот бил информиран планинарот Љупчо Чучуковски, кој вели дека најверојатно се работи за женска птица од родот јастреб, која често може да се сретне во близина на околните планини над село Тработивиште.

– Се работи за женски јастреб на возраст од околу три години, висока околу 50 сантиметри, тешка повеќе од еден килограм и со распон на крилјата поголем од 120 сантиметри. При мојата посета на местото каде е згрижена, констатирав дека едното крило на птицата и е скршено и дека треба да се лекува, за да може да преживее, на што луѓето се согласија. Луѓето кои ја пронашле птицата имаат желба да се грижат за истата, за што посебно сум среќен, вели Чучуковски.

По ова, Чучуковски стапил во контакт со ветеринар, кој во текот на следната недела ќе интервенира со цел целосно да биде санирана повредата на птицата.

– Бидејќи птицата веќе е во стабилна состојба, се договоривме со докторот, наредната недела да преземе хируршки зафат, по што се надевам дека птицата ќе биде во ред, но сепак ќе нема да може да лета, бидејќи крилото претрпело посериозна повреда. По мое мислење, истата најверојатно е гаѓана со пушка, а потоа бидејќи била падната во тревата и прегазена со автомобил, додава Чучуковски.

Јастребот е ретка птица во регионот, а главно место на гнездење им е над браната Лошана, која се наоѓа на пет километри над селото Тработивиште во општина Делчево. Во сличен ваков случај, пред една недела беше спасен белоглав мршојадец во Малешевијата. /МИА

„Ракијада" во Валандово

На Градскиот базен во Валандово денеска ќе се одржи традиционалниот настан „Ракијада".

На настанот најавено е присуство на министерот за земјоделство, шумарство и водостопанство, Трајан Димковски./МИА

Саем на кариера и вработување во вторник на платото на УКИМ

Саем на кариера и вработување 2019 ќе се одржи на 22 октомври, вторник, од 11 до 14 часот, на платото на Универзитетот „Св. Кирил и Методиј" во Скопје.

Агенцијата за млади и спорт обезбедила над триесет домашни компании, младински организации, агенции за вработување, едукативни центри и понуди за младински поволности.

Саемот, како што соопштија од Агенцијата за млади и спорт, е наменет за сите млади што бараат практика, работа, можности за вмрежување, младински активизам, ИТ-едукација, програми за работа надвор од државата, проекти „Еразмус+", тренинзи, работилници, преквалификација и доусовршување.

Идејата е младите да дојдат со својата кратка биографија во печатена или електронска форма и да искористат некоја од можностите./МИА

притисни ентер