Специјалците на АРМ со воени возила на вежба во Хрватска

Триесет припадници на полкот за Специјални намени при АРМ со седум борбени возила од вчера учествуваат на воената вежба „Брз одговор 2019"  на вежбовниот полигон „Еухен Квареник" во Слуњ, Хрватска.  

Вежбата се изведува од 10 мај до 7 јуни во три држави, во Унгарија, Словенија и Хрватска и тоа во две фази.

Во првиот дел АРМ учествуваше со 20 припадници од противвоздушната одбрана од воздухопловната бригада и пет припадници во улога на медицински тим, кои учествуваат на делот од вежбата кој се одвива во Словенија

На вежбата, како што е објавено на веб-страницата на командата на Армијата на САД во Европа, учествуваат вкупно 6.500 припадници од армии на САД, Словенија, Хрватска, Република Северна Македонија, Унгарија, Босна и Херцеговина, Албанија, Полска, Франција, Италија, Обединетото Кралство, Германија, Литванија, Црна Гора и Косово.

Од АРМ за МИА појаснија дека со учеството на оваа вежба, нашите припадници и единици, пред се, ќе ја подобрат интероперабилноста и регионалната соработка помеѓу земјите учеснички, компатибилноста во спроведување на процесот на донесување на воени одлуки и НАТО процедурите како и комуникацијата помеѓу армиите.

-Главна цел на вежбата е подобрување на мобилноста и придвижување на единиците и техниката од една локација до друга, притоа проигрувајќи разни сценарија во која се вклучени единици од различни состави. Покрај ова со вежбата се подобрува регионалната кооперативност помеѓу земјите учеснички и способноста за спроведување на НАТО предводени операции, информираат од АРМ.

Во текот на оваа година припадниците на АРМ учествувале и ќе учествуват на вкупно 30 воени вежби надвор од територијата на нашата држава.

Гризман се враќа на тренинзите во Атлетико Мадрид

Напаѓачот Антоан Гризман се врати на тренинзите со Атлетико Мадрид, објави „Marca“.

Триесет и двегодишниот Французин поради повреда ги пропушти мартовските натпревари на неговата репрезентација. За прв пат по 2017 година Гризман не играше за „триколорите“.

Оваа сезона Гризман одигра 38 натпревари на кои постигна 19 голови и имаше 7 асистенции.

Договорот на Французинот со Атлетико Мадрид е до крајот на јуни 2026 година.

Вулканот Ибу во централна Индонезија повторно исфрли пепел во висина од два километри

 Повторно е регистрирана ерупција на вулканот Ибу во провинцијата Северно Малуку во централна Индонезија, јавија индонезиските медиуми.

Вулканот исфрли пепел во висина околу два километри. Претходната ерупција беше на 26 март.

Локалните власти им забранија на жителите од регионот да се приближуваат до кратерот на растојание помало од два километри и ги повикаа луѓето да носат заштитни маски за да спречат респираторни заболувања.

Индонезискиот архипелаг, кој е најголем во светот, се состои од 18 илјади острови. Се наоѓа во таканаречениот огнен прстен на Пацификот, па во регионот е забележана силна сеизмичка активност. Во Индонезија има повеќе од 500 вулкани, од кои 130 се активни.

Американската централна банка потврди рекордна загуба

Американската централна банка потврди дека минатата година ја завршила со рекордна загуба од 114,3 милијарди долари, со повеќекратно повисок трошок на каматите на депозитите на комерцијалните банки.

Во 2022 година, Федералните резерви (ФЕД) работеа со нето добивка од 58,8 милијарди долари.

Деловниот извештај за минатата година го отсликува влијанието на зголемените основни каматни стапки, од нула на важечките 5,25 до 5,5 отсто, со цел да се спречи инфлацијата.

ФЕД почна агресивно да ги зголемува во пролетта 2022 година, што значи дека им исплатува камата на депозитите на банките, паричните фондови и другите финансиски компании.

Минатата година им биле исплатени 176,8 милијарди долари, во споредба со 60,4 милијарди долари во 2022 година, според ревидираните податоци.

Исплатата на каматите од обратните репо операции се зголемија од 41,9 милијарди долари на 104,3 милијарди долари.

Приходите на ФЕД од купените обврзници останаа повеќе или помалку на нивото од 2022 година и изнесуваа 163,8 милијарди американски долари.

притисни ентер