Пронајден мобилниот што го користеле британските џихадисти (ВИДЕО)

,,Одиме да ги убиеме неверниците! Куршумите ќе завршат во вашите тела!” , биле дел од пораките најдени на мобилниот што го  користеле британските џихадисти.

На мобилниот телефон на четворицата  џихадисти , инаку Британци , се најдени снимки и фотографии од нивниот живот во Исламската држава пред нивната смрт.

Овие снимки на британските медиуми им ги предале сириските власти. Станува збор за 22 годишниот Чукри Елеклифи, 20 годишниот фатлум Шалак и 19- годишниот Мухамад Мехди , кои биле неодмна убиени, а се родени во Лондон и Портсмаут. Не е познат четвртиот корисник на телефонот Самсунг , кој од 2013 до 2015 им бил доделуван на џихадистите.

На почетокот се гледа како Британците патуваат од Турција во градот Алеп во Сирија и се забавуваат во базен во луксузна куќа.

Подоцна се гледа како се здружиле со други муџахедини и тоа со еден Австралиец и еден Швеѓанец.

,,Одиме да ги убиеме неверниците! “ , се слуша на снимките. ,,Куршумите ќе завршат во вашите тела , Американци , Британци , Французи...ние сме овде. Алах ќе ни подари победа.” зборуваат џихадистите од Британија.

Заврши собраниската седница: разрешени Тевдовски, Фазлиу и Лика

Собранието ги  разреши владините министри во досега најголемата реконструкција од владата на Зоран Заев.

Скоро едногласно од фунцијата беа разрешени Драган Тевдовски, Сухејл Фазлиу и Хазби Лика.

Во жестока атмосфера која траеше скоро цел ден, најголема дебата отвори предлогот на премиерот Заев да биде и министер за финансии.Сепак, уште на самиот почеток тој го повлече предлогот, откако претходно реагираа Антикорупциската комисија и опозицијата.

Со реконструкцијата, политичката партија НДП го загуби министерското место во локална самоуправа, а на тоа жестоко реагираше лидерот Весел Мемеди.

Утре продолжува расправата за избор на новите министри.

Борисов: Очекувам Бугарија и Северна Македонија да ги задржат добрите соседски односи

Очекувам Бугарија и Република Северна Македонија да ги задржат добрите соседски односи, изјави денеска бугарскиот премиер Бојко Борисов во обраќањето на Пловдивскиот економски форум.

Борисов изрази надеж дека на претстојната средба на земјите од Берлинскиот процес, што ќе се одржи во Познањ, ќе биде донесено решение Република Северна Македонија и Бугарија да бидат заеднички домаќини на следниот собир во овој формат.

– Историски ние сме војувале со сите соседи, како резултат на тоа регионот на Балканот заостана. Сега ги сменивме работите. Се надевам дека ќе ги надминеме сите потешкотии, изјави Борисов.

Тој потсети дека за време на претседавањето со ЕУ минатата година, Бугарија во рамки на Унијата ја наметна „најсложената, опасна и тешка тема" за евроинтеграцијата на земјите од Западен Балкан. – Се надевам дека колегите еден ден ќе го ценат тоа, додаде Борисов.

– Имаме ретка шанса, на оваа територија наречена Балкан, која е толку натопена со крв како ретко кое друго место, сите ние да создадеме прекрасна бизнис клима, порача Борисов во обраќањето пред учесниците на Форумот.

Пловдивскиот економски форум се одржува втора година по ред и на него присуствуваат претставници на владите, бизнисот и невладиниот сектор од повеќе европски земји, кои разговараат за предизвиците поврзани со економскиот раст и конкурентноста на Бугарија и Југоисточна Европа.

Дел од темите за кои ќе се дискутира на овогодишниот Форум се поврзани и со перспективите на земјите од Западен Балкан, очекувањата од новиот Европски парламент и новата Еврокомисија, како и со демографските и здравствените проблеми. 

Данската полиција во голема акција против криминалци од земјите на Западен Балкан

Данската полиција денеска уапси 31 криминалец , членови на голема криминална група , која шверцувала и продавала оружје и дрога на територијата на ЕУ.

Меѓу другото, групата се товари за криумчарење и шверц на 1 650 килограми кокаин.  Данската полиција во акцијата под име ,,Голдфингер” , насочена против криминалци од земјите на Западен Балкан , изврши претрес во куќи на 40 локации , каде се најдени огромно количество оружје , дрога и пари во кеш.

Акцијата е спроведена во соработка со полициските служби во Германија , Холандија , Словенија , Шведска и Албанија , соопшти Европол.

Тројца експерти од Европол биле вклучени во акцијата , кои им дале и аналитичка поддршка , како и организација на состаноци во седиштето на Европката полиција во Данска.

притисни ентер