Просечната плата во март 24.590 денари

 Просечната месечна исплатена нето-плата по вработен во март годинава во земјава изнесувала 24.590 денари и е за 3,8 отсто повискока од март лани, покажуваат податоците на Државниот завод за статистика.

Ваквото зголемување, посочуваат од ДЗС, се должи, пред сѐ, на порастот на нето-платите во секторите: дејности на здравствена и социјална заштита (11.4 %), земјоделство, шумарство и рибарство (8.2 %) и транспорт и складирање (7.8 %).

Зголемување на нето-плата по вработен, во однос на претходниот месец, е забележано во секторите: финансиски дејности и дејности на осигурување (9.5 %), информации и комуникации (8.5 %) и рударство и вадење на камен (6.0 %).

Според податоците на ДЗС, пак, просечната месечна исплатена бруто-плата по вработен во март 2019 година изнесувала 36.476 денари. 

Германија: Скопје да ги убеди сите дека место му е во Унијата

За Германија, започнувањето на пристапните преговори на ЕУ со Македонија е и останува да биде суштинско прашање на безбедноста и стабилноста во Европа.

Сметаме на тоа, Македонија да ги интензивира реформите и со тоа да ги убеди сите, кои се уште би имале сомнеж, дека нејзиното место е во ЕУ.

Ова се посочува во соопштение од Амбасадата на Германија во Скопје, по состанокот на лидерите на ЕУ во Брисел минатата недела, на кој не беше донесена одлука за старт на преговорите со Скопје и Тирана.

–Од заеднички европски интерес е да се интегрираат државите од западен Балкан во Европската унија. За ова да успее, мораме да се држиме до нашите ветувања, европската перспектива на овие земји заедно да ја спроведеме. Ова е најдобриот предуслов за да се унапредат реформите и развојот на правната држава, а со тоа ова е и најдобриот предуслов за благосостојба, стабилност и безбедност внатре во Европа, се наведува во соопштението.

Просечната нето плата во август 25.127 денари

Просечната месечна исплатена нето-плата по вработен во август 2019 година изнесува 25.127 денари и во споредба со август лани е поголема за 3,8 отсто, објави Државниот завод за статистика.

Ваквото зголемување се должи, пред сѐ, на растото на просечната месечна исплатена нето-плата по вработен во дејностите на здравствена и социјална заштита за 10,9 отсто,  транспорт и складирање за 7,3 отсто и информации и комуникации за 5,8 отсто.

Зголемување на просечната месечна исплатена нето-плата по вработен, во однос на претходниот месец, е забележано во секторите информации и комуникации за 4,7 отсто, уметност, забава и рекреација 3,5 отсто и снабдување со електрична енергија, гас, пареа и климатизација за 2,3 отсто.

Просечна месечна исплатена бруто-плата по вработен, август 2019 година изнесува 37.322 денари. /МИА

НБ: Депозитите зголемени за 10,1 отсто, кредитирањето за 6,4

Вкупните депозити, на годишна основа во септември 2019 година се зголемени за 10,1 отсто, при евридентиран раст на кај двата сектора, со поизразен придонес на секторот „домаќинства", покажуваат податоците на Народната банка.

На месечна основа има намалување кај депозитите за 0,2 отсто поради падот кај депозитите кај секторот „домаќинства".

Според објавените податоци кај кредитите на годишна основа е забележан раст од 6,4 отсто, поголем дел поради зголемено кредитирање на секторот „домаќинства".

Од Народната банка наведуваат дека доколку се исклучи ефектот на извршените отписи на сомнителни и спорни побарувања под влијание на регулаторните промени, годишниот кредитен раст изнесува 7,1 отсто./МИА

притисни ентер