Курц го смени министерот за внатрешни работи , по него сите коалициски министри поднесоа оставки

Австрискиот канцелар Себастијан Курц денеска го смени министерот за внатрешни работи , Херберт Кикл, кој доаѓа од крајно десничарската партија на Слободата, чиј лидер е главен актер во компромитирачкото видео од Ибица.

По оваа смена на Кикл , сите министри од коалициската партија си поднесоа оставки. ,,Во договор со претседателот на државата , му предложив на претседателот да го сменам министерот за внатрешни работи.”изјави Курц на прес конференцијата во Виена.

Ова се случува по три дена од објавувањето на скандалот , а само на неколку дена пред европските избори , што почнуваат на 26 . мај. Партискиот лидер Штрахе по објавувањето на ова видео во петокот, во саботата поднесе оставка на местото вицеканцелар и шеф на партијата и тоа по 18 месеци коалицирање со Курц.

Канцеларот тогаш изјави дека е пожелно и министерот за внатрешни Кикл да си поднесе оставка , зашто нема да може да си вбоди истрага сам против себе. На тоа четворица министри од коалициската влада , кои доаѓаат од партијата на Штрахе , најавија дека и тие ќе поднесат оставки , што се случи денеска.

Курц изјави дека на местата на овие министри ќе побара претседателот Александер Ван дер Белен да именува експерти. Во саботата Курц најави и одржување предвремени избори , иако изборите требаа да се одржат во септември.

Бојан Јовановски во 12 часот на распит кај Вилма Русковска

Бојан Јовановски во јавноста познат како Боки 13 денеска во 12 часот во обвинителството за гонење организиран криминал и корупција ќе биде донесен  од притворот во Шутка на распит кај обвинителката Вилма Русковска.

Пред обвинителството е Михајло Видимлиски,ова  е прво соочување на Боки 13 со обвинителката Рускоска по скоро три месеци од мерката притвор која му беше одредена за случајот “Рекет”.

Џафери во посета на Казахстан

Како што соопшти Кабинетот на претседателот на Собранието, во состав на делегацијата е и пратеникот Енес Ибрахим.

Претседателот на Собранието на Република Македонија Талат Џафери, денеска и утре учествува на Четвртиот состанок на претседателите на парламентите на земјите од Евроазија на тема: „Голема Евроазија: Дијалог. Доверба. Партнерство", во Нур-Султан, Република Казахстан.

На состанокот учествуваат парламентарни делегации од шеесетина земји и 39 претседатели на национални парламенти од Европа и Азија, како и 13 меѓународни парламентарни собранија. Се очекува на крајот од состанокот да биде усвоен Финален документ со препораки за поблиска соработка меѓу државите и унапредување на дијалогот, довербата и партнерството во регионот.

По завршувањето на овој мултилатерален форум, на 25 и 26 септември 2019 год, претседателот Џафери ќе оствари официјална посета на Република Казахстан, на покана од претседателот на Мажилисот на казахстанскиот Парламент Нурлан Нигматулин. /МИА

Помпео ќе се состане со Лавров в петок

Американскиот државен секретар Мајк Помпео треба в петок да се состане со шефот на руската дипломатија Сергеј Лавров на маргините на заседанието на генералното собрание на ОН во Њујорк.

Тие последен пат се сретнаа кон средината на мај во Сочи во Русија. Од тогаш Москва и Вашингтон се повлекоа од билатералната спогодба за нуклеарните сили од среден дострел што се заканува повторно да ја стартува трката во вооружување.

притисни ентер