Најмалку 11 лица убиени во ноќен клуб во Бразил

Најмалку 11 лица се убиени ноќеска по локално време во ноќен клуб во градот Белем на северот на Бразил.

Напаѓачите упаднале во ноќниот клуб и пукале по гостите , по што избегале , а полицијата се уште трага по нив. Полицијата ги испитува мотивите за нападот. Еден од мажите , повреден во пукотниците, е приведен.

Меѓу убиените се шест жени и петмина мажи. Убиствата ги извршиле седуммина вооружени мажи , кои во ноќниот клуб пристигнале на мотори и со три автомобили , а по пукањето избегале.

Убиствата се случиле во еден од квартовите во градот Белем , каде во март сојузни агенти дојдоа како засилување на полицијата , поради честите убиства.

Ременски: Барам новинарот да го повлече насловот веднаш и да се извинат, во спротивно се приклучувам кон заедничката тужба

Потпретседателката на Собранието , Фросина Ременски бара повлекување на насоловот и извинување од порталот Инфомакс и и од порталот Република, а во спротивно се приклучува кон заедничката тужба за клевета од премиерот Зоран Заев и други.

Ничие право не смее да загрози право на друг. Тоа се границите на сите слободи и права на граѓаните. 

Медиумите како придобива на демократијата имаат и право и обврска да известуваат за сите прашања од јавен интерес и за случаи на криминал и корупција, почитувајќи ги начелата на новинарската етика кои вклучуваат објективно известување, проверка на веродостојноста на информациите и забрана за злоупотреба на средствата за јавно информирање за лажно обвинување за корупција. 

На интернет порталот Инфомакс на 23.08 беше објавен документ (записник) од исказ на лице за кривично-правен настан кој е предмет на актуелнсa истрага во ОЈО за организиран криминал и корупција. Селективното презентирање на содржината од објавениот записник со манипулирање и насочување кон заклучоци и новинарски интерпретации за некаква моја вмешаност и вмешаност на мојот сопруг во случајот Рекет, ги ценам како груби клевети и невистини. Овој текст продуцираше написи и наслови во други портали со иста содржина.

Обвинителството ги има на располагање сите права и обврски да ја утврди точноста на сите дејствија за сите спомнати во записникот. Медиумскиот суд не може да биде замена за институционално постапување.

Со оглед на фактот дека, лицитирањето со вината и манипулирањето со ширење на дезинформации и клевети за мене и за мојот сопруг ги сметам за напад врз мојата чест и углед, што повлекува и чувство за загрозување на мојата безбедност, ќе ги преземам сите законски дозволени средства за заштита.

Барам новинарот кој е автор на текстот во порталот Инфомакс и порталот Република кој објави клеветнички наслов да го повлечат веднаш и да се извинат во спротивно се приклучуваме кон заедничката тужба за клевета од премиерот Зоран Заев и други.

Еден од важните начела на правната држава е трагањето по вистината и одбрана на вистината, преку демократски правни средства по институционален пат, напиша Ременски на ФБ.

Шекеринска: Ќе ја тужам „Република" за лагите, целта е да се одложат постапките против криминалот

Вицепремиерката и министерка за одбрана Радмила Шекеринска на својот Фејсбук профил објави дека ќе покрене тужба против порталот „Република" за, како што вели, лагите насочени против неа.

,,Ќе ја тужам „Република" за нејзините лаги, затоа што реакции до нив се непотребни и залудни. Сите знаеме дека, со секој од своите непотпишани текстови, си одработува за своите "непознати" газди. Газдите ни ја крадеа државата, тие, пак, имаа задача да ја лажат. Лажат и манипулираат со јасна цел која ја гледаме на дело секој ден во судовите: да ги оневозможат, попречат или одложат сите постапки за криминалот, корупцијата и злоупотребите кои ги чувме во „бомбите" и видовме на дело претходните 10 години.

Создадоа мафијашка структура која одземаше фирми и уништуваше животи преку ноќ, која контролираше, уценуваше и плаќаше новинари, која знаеше само да потплаќа, купува и продава… и сега сака да избега од правдата и одговорноста. Што ќе прави? Истото тоа, но со повеќе лаги и повеќе пари. Не успеаја досега. Нема ни сега!, напиша Шекеринска на својот Фејсбук профил. 

ВМРО-ДПМНЕ: Заев да се слика со двојазичните табли во Прилеп

Зоран Заев е толку загазен во криминал, расипништво и неработење што не знае дека денеска не бил во Полошкиот туку беше во Пелагонискиот регион, реагира Петар Ристоски, претседател на ОК на ВМРО-ДПМНЕ Прилеп.

Денеска во Прилеп дојде шефот на рекетарската банда, Зоран Заев, кој заедно со неговите извршители на локално ниво промовираа 4 автобуси, секој вреден по неверојатни 250.000 евра народни пари, набавка чија позадина и начин на спроведување допрва ќе се проверува.

Денеска во Прилеп е човекот кој е најодговорен за уништувањето на градот, човекот кој токму од тука се посмеваше со целата јавност дека немало да го промени државното име и човекот кој од Прилеп ја најави двојазичноста во целата држава.

Кога веќе е тука Зоран Заев, покрај промоцијата на автобусите на метан што со гориво ќе се снабдуваат дури од Битола, како љубител на правење селфи, го повикуваме да се фотографира со новата двојазична табла наместена на Фондот за здравство, како и со таблата на споменикот на Александар Македонски, каде благодарение на предавствата од владата што тој ја предводи стои натпис дека Александар еличност од хеленската историја.

притисни ентер