ЕПИ: Македонија е подготвена да ги почне преговорите за членство

Поглавјето 23 кое се однесува на правосудството и владеењето на правот е првото кое ќе го отвори земјава доколку Европскиот совет ја прифати препораката за Европската комисија за доделување датум за почеток на преговорите.

Тоа е најважната област за унијата, па затоа ова поглавје секогаш прво се отвора прво, но последно се затвора.

Во пресрет на извештајот на комисијата од кој ќе зависи дали Македонија ќе ги почне преговорите, имајќи во предвид дека со Преспанскиот договор завршија грчките блокади, се направија и извештаи со длабинска анализа за состојбите во областите важни за владеењето на правото.

Според таканаречениот „Извештај во сенка за поглавјето 23“ кој го направи Институтот за европска политика и Хелсиншкиот комитет, земјава е на добар пат да ги почне годинава преговорите со отворање токму на тоа поглавје.

Сепак не е се завршено. Вистински предизвик е политичките елити да се договорат за законот за јавно обвинителство, со кој ќе се регулира и работата на СЈО, закон кој е клучен за отворање на преговорите.

Секако важна е и имплементацијата на изгласаните реформски закони, нешто на што нај веќе инсистира Холандија, но за некои од новите закони треба да поминат повеќе месеци за да се виде како ќе функционираат во реалноста. Имајќи во предвид дека објавувањето извештајот е блиску, познавачите апелираат тука при пишување на истиот да се има предвид и овој фактот дека се потребни месеци некои од законите да се имплементираат.

Вучиќ: Ќе ги победиме мафијашите, тоа им го гарантирам

Претседателот на Србија, Александар Вучиќ и се обрати на јавноста преку Инстаграм со порака дека „државата ќе ја победи мафијата, без оглед на личните, политичките и какви било други последици“.

„Додека се боревме за подобар животен стандард, додека се боревме за Косово, за подобар здравствен систем за да можеме да лекуваме луѓе, некои во меѓувреме сметаа дека најисплатлива работа е да бидат мафијаши, да убиваат луѓе, да киднапираат наши граѓани, но ќе ги победиме, им гарантирам без оглед на личните, политичките и какви било други последици “, истакна Вучиќ во видеото.

Српскиот претседател рече дека „Србија во 2012, 2013 и 2014 година се бореше против тајкуните кои ја ограбуваа земјата и сакаа да ја уништат и кои успеаја во тоа“.

"Ја обновивме земјата. Денес, Србија е прва во Европа според стапката на раст, платите растат, пензиите растат, луѓето живеат подобро", заклучил Вучиќ.

Германец ги прскал луѓето со лут спреј ,зашто не одржувале дистанца

71-годишен Германец премногу сериозно го сфатил правилото за физичко растојание и ги прскал минувачите со спреј за самоодбрана базиран на лута пиперка, соопшти германската полиција.

Тој прво испрскал група џогери, а потоа и двајца велосипедисти во западниот град Ахен, се вели во полициското соопштение, додавајќи дека нападите биле извршени „без предупредување“.

Велосипедистите, брачна двојка на возраст од 51 и 49 години, успеале да го избегнат спрејот и застанале да повикаат полиција.

Човекот и рекол на полицијата дека нема друг начин да им покаже на другите да се придржуваат кон воспоставените мерки за борба против ширењето на коронавирусот.

Тој е обвинет за предизвикување сериозни повреди и опасно попречување на сообраќајот.

Ахен е еден од најголемите урбани центри во Германија кој во моментов е класифициран како област со висок ризик поради високата стапка на заразени.

Најмалите француски модели заминуваат во историјата

По раскинувањето на ,,бракот” со Тојота, групацијата ПСА одлучи да го прекине производството на своите супермини возила.

Одлуката е конечна, а тоа значи дека Citroen C1 и Peugeot 108 заминуваат во историјата. Иако нема потврда, Ројтерс дознава за ова од три различни извори, а причината е една - парите. Имено, супермините се товар само на производителот, тие не носат профит и нивната популарност опаѓа. Со поригорозните стандарди за емисија на штетните гасови, ќе мора да направат модификации на моторот, но и да инсталираат скапи системи за филтрирање на издувните гасови, што дополнително би ја зголемило цената на автомобилот.

Добрата вест е дека постои шанса за еден вид наследник. По обединувањето со FCA, можно е Французите да му го препуштат развојот на најдобрите во А сегментот - Fiat. Панда, а особено 500 се имиња кои се наоѓаат на европските патишта со децении.

притисни ентер