Виенски економски форум – нови перспективи за Република Северна Македонија

Владина делегација предводена од премиерот Зоран Заев, денеска ќе учествува на Виенскиот економски форум „Виенски економски разговори – нови перспективи за Република Северна Македонија".

Делегацијата, во која учествуваат вицепремиерот задолжен за економски прашања, Кочо Анѓушев, министерот за финансии Драган Тевдовски, како и министерот за образование и наука Арбер Адеми на формумот, покрај дискусија за можностите за инвестирање во Северна Македонија, ќе остварат и средби со претставници на реномирани австриски компании.

Во Виена, предвидена е средба на премиерот Заев со еврокомесарот за проширување и добрососедска политика Јоханес Хан. /МИА.

Teшка собраќајка на автопатот Тетово – Скопје, починато едно лице

 Патничко возило „јагуар” со гостиварски регистарски ознаки излетало од коловозот.

Едно лице почина во сообраќајка на автопатот Тетово-Скопје, во близина на село Ласкарци, откако вечерва во 17.53 часот патничко возило „јагуар” со гостиварски регистарски ознаки, управувано од Н.И.(49) од село Чегране, гостиварско, излетало од коловозот, потврдија за МИА од Министерството за внатрешни работи.

– На местото на несреќата починал сопатникот Н.З.(53) од село Чегране. Возачот Н.И. и сопатниците А.К.З. и Б.И. се повредени и се пренесени во Комплекс клиники „Мајка Тереза", дополнија од МВР. /МИА

Фото: Бијонсе и Џеј Зи продаваат луксузна вила со 7 спални соби и 8 бањи

Бијонсе и Џеј Зи ја продаваат својата луксузна барокна вила во Њу Орлеанс, во која пејачката напиша некои од нејзините најубави песни.

Еден од најпознатите музички парови Бијонсе и Џеј Зи открија како изгледа еден од нивните величествени имоти.

Станува збор за барокна вила во најстариот дел на Њу Орлеанс.

"Акустиката и енергијата се одлични таму. Гледајќи ги зајдисонцата од таа градина на покривот, напишав некои од моите најдобри песни", напиша Бијонсе во огласот за продажба на вилата.

Славниот пар ја продава вилата откако таму избувна пожар во јули, за кој полицијата се сомнева дека бил подметнат.

Вредноста на имотот се проценува на четири и пол милиони долари, а пејачката го купила во 2015 година.

Вилата е изградена во 1925 година во шпански барокен стил. Првично била презвитеријанска црква, а потоа и балетско училиште пред да стане луксузен дом.

Имотот е поделен на главна резиденција и три помали станови кои заедно зафаќаат повеќе од 1.000 квадратни метри.

Вилата е украсена со квалитетен паркет, високи тавани има седум луксузни спални соби и осум бањи.

Главната спална сова е посебен апартман во кој се наоѓа голем орман и бања.

Во Русија нов рекорден број на заразени и починати од Ковид-19

Во Русија е забележан нов рекорд, 1.075 смртни случаи од последиците од Ковид-19 и 37.678 нови инфекции во изминатите 24 часа, според официјалните податоци.

Од јуни Русија се соочува со нов силен бран на епидемијата за кој се обвинуваат мутираните поагресивни варијанти на коронавирусот, непочитувањето на носењето маска и големите тешкотии со кои се соочуваат здравствените власти во кампањата за вакцинација, пренесува АФП.

Бројот на починати сега достигна 229.528, што ја прави Русија земја со најмногу смртни случаи од последиците на Ковид во Европа.

Но, статистичката агенција „Росстат“ смета дека податоците се многу потценети и дека бројките се многу повисоки.

Само една третина од Русите се вакцинирани откако првата национална вакцина, Спутник В, се појави во декември 2020 година.

Најавени се тешки мерки

Се сметт дека ваквиот неуспех на кампањата за вакцинација може да се објасни со традиционалната недоверба на населението кон властите.

Рускиот претседател Владимир Путин во средата конечно го одобри предлогот на владата за неработна недела за да се намали можноста за ширење на инфекцијата.

Од 30 октомври до 7 ноември компаниите нема да работи поради борбата против пандемијата на Ковид.

Путин појасни дека „неработните денови“, кои ќе им бидат платени на вработените, во некои региони ќе започнат порано, а во некои може да се продолжат.

„Епидемиолошката ситуација е различна во различни делови на земјата, поради што нивните лидери имаат право да воведат дополнителни мерки“, рече Путин.

Делумно затворање ќе биде воведено и во главниот град Москва на 28 октомври, што значи дека ќе бидат отворени само продавниците во кои жителите ќе можат да се снабдуваат со намирници и средства за хигиена и аптеки.

притисни ентер