Мел Б од „Спајс грлс“ пренесена во болница поради ослепување

Поранешната членка на мегапопуларниот женски бенд „Спајс грлс“ Мелани Браун позната како Мел Б хитно е пренесена во болница откако го загубила видот.

Пејачката е однесена на испитување во една болница во Лондон.

Британските медиуми пренесуваат дека на 43 годишната Мелани и сее слошило додека била во својот дом и дека нејзиното семејство веднаш повикало Брза помош. Мелани повторувала само дека „ништо не гледа“.

Пејачката инаку пред дваесетина години ласерски се обидела да ја намали диоптријата, но откако операцијата тргнала во лош правец таа трајно го загубила видот на левото око. Но, сега Мелани се пожалила дека не гледа ништо ниту на десното око и дека „ослепела“.

Сончево со засилен ветер, од утре пад на температурата за пет степени

Времето денеска ќе биде сончево со мала до умерена облачност, а попладне претежно во планинските предели на запад ќе има услови за изолирана нестабилност со краткотраен дожд и ретки грмежи.

Ќе дува умерен до засилен северен ветер кој преку ден ќе биде најизразен долж Повардарието.

Минималната температура ќе се движи во интервал од 13 до 21, а максималната од 27 до 36 степени. УВ индексот ќе биде 8.

Во Скопје слично време со засилен северен ветер. Минималната температура ќе се спушти до 18, а максималната ќе достигне до 30-тиот степен.

Периодот на стабилно време продолжува и утре. Засилен ветер ќе дува низ целата држава што ќе услови опаѓање на температурата за околу пет степени.

Архимандрит Партениј ќе биде хиротонисан за епископ антаниски

 Во храмот „Света Софија" во Охрид денеска, на празникот посветен на апостолите св. Петар и св. Павле, ќе биде хиротонисан новиот епископ на МПЦ-ОА, архимандрит Партениј, игуменот на Бигорскиот манастир.

Од 8:30 часот ќе биде отслужена празнична Божествена литургија, на која Партениј ќе биде хиротонисан за епископ антаниски.

Во свештената Бигорска обител вчера беше извршено наречението за епископ на архимандрит Партениј.

Монашкото братство и присутните верници во Бигорски му посакаа на отец Партениј достојно да го понесе товарот на новата архијерејска служба.

Од Бигорската обител, во пресрет на хиронијата на отец Партениј, соопштија дека имајќи ја предвид актуелната сосотојба со коронавирусот, се преземаат мерки за заштита на присутните. Ги замолуваат сите верници и посетители совесно да се придржуваат до сите пропишани мерки за здравствена заштита, кои, пред сѐ, вклучуваат задолжително носење заштитна маска и запазување на потребното растојание.

Во Охрид ќе биде ангажирана и агенција за обезбедување, која ќе се погрижи за максимално спроведување на редот и одржување на физичката дистанца. Исто така, во тоа ќе помагаат и службениците на СВР Охрид.

Со оглед на тоа дека мерките предвидуваат и ограничен број присутни во храмот, во кој ќе можат да влезат одреден број свештенослужители и гости, за да им се овозможи на сите верници молитвено учество во настанот, ќе бидат обезбедени надворешни видеоекрани, на кои ќе се врши директен пренос од богослужбата. Предвидени се три видеоекрани, едниот на влезот на „Св. Софија", другиот на западниот трем каде што е амфитеатарот и третиот на плоштад, сѐ со цел подобро распоредување на граѓаните, за да се избегне формирањето поголема толпа. Со специјален ангажман на комуналното претпријатие во Охрид, во неделата пред да започне богослужбата ќе се изврши целосно дезинфицирање на храмот.

Поради денешната хиротонија во Охрид, Бигорскиот манастир денеска ќе биде затворен за посетители до 15 часот.

Синодот на МПЦ-ОА на 21 мај годинава едногласно го избра игуменот на Бигорскиот манастир „Свети Јован Крстител" архимандрит Партениј за викарен епископ на Дебарско-кичевската епархија со титула антаниски според античкиот град Антанија, кој бил епископско седиште.

Тој истовремено ќе ја задржи и својата должност како игумен на Бигорскиот манастир, каде што ќе биде и неговото постојано седиште.

Светиот архијерејски синод на истата седница го избра и отец Григориј, игуменот на „Свети Јоаким Осоговски",за епископ сарандополски. Тој ќе го наследи митрополитот кумановско-осоговски г. Јосиф, кој беше ослободен од митрополиската должност од здравствени причини.

Наречението за отец Григориј е закажано за 25 јули во манастирот „Јоаким Осоговски", а на 26 ќе се одржи хиротонијата во црквата „Свети Никола" во Куманово, кога ќе биде интронизиран за митрополит кумановско-осоговски.

„Само Интервју” вечерва со Зоран Заев

Вечерва во „Само Интервју“ гостува Зоран Заев.

Дами и господа, определени и неопредеени, денеска е последен ден од изборната кампања, се одлучивте ли кому ќе му дадете подршката на 15-ти Јули, или предизборниот молк ќе ги „крши“ вашите одлуки?

Вечерва гледајте го последното обраќање на нацијата на кандидатот за Премиер и претседател на СДСМ Зоран Заев во Само Интервју.

Им даде ли Заев „беса“ само на Беса или и на Ахмети, дали навистина му се „тресат“ нозете кога се спомнува Албанец премиер?

Заев го одржа ДУИ на политичката сцена или Ахмети го направи Заев премиер, кој случајно, а кој намерно се збуни?

Кој го „пушти“, а кој ќе го „враќа“ Груевски од Будимпешта?

Кој ќе победи, а кој ќе формира Влада, вечерва на телевизиското „Вембли“ погледнете го мега изданието на Само Интервју со Гоце Михајлоски и Зоран Заев, екскузивно на Канал 5 Телевизија.

притисни ентер