Македонија

„Громовник“ ја одложи Мандатно имунитетната комисија!?

За мандатот на екс-премиерот Никола Груевски ќе се расправа идната недела. 

Пратенички извори за Канал 5 откриваат дека седницата ќе биде закажана веднаш по завршувањето на комисиите што ги работат реформите во безбедноста, закажани за утре, а на кои претседавачот со мандатно имунитетната комисија Павле Богоевски им дава предност, поради нивната важност.

Седницата најверојатно ќе ја води Богоевски, не но се исклучува можноста со неа да претседава и заменичката Снежана Калеска Ванчева, поради скандалот на пратеникот со нелегалната нарачка на масло од канабис.

Богоевски и денеска не сакаше да го кометира случајот, откако ја потврди автентичноста на аудио снимката и побара да му биде направен нарко тест.

Опозициската ВМРО-ДПМНЕ, пак, не се откажува од барањето Богоевски да си поднесе оставка. Симболично од подмалдокот на партијата пред Собранието оставија килограм брашно за пратеникот.

Во меѓувреме, МВР и Скопско обвинитество истражуваат кој е „Илија Громовник“, псевдномиот кој стои зад корисникот на новоотворениот профил на руските социјални мрежи, со локација во Будимпешта.

Од обвинителство не ја исклучуваат можноста помош за откривање на објавувачот на „бомбите“ да побараат и од Интерпол, доколку тоа е потребно. Ден по објавувањето на снимаката, Богоевски ирази сомнеж дека била инспирирана токму од претстојната комисиска расправа за одземање на мандатот на пратеникот и екс –премеир Никола Груевски.

Свет

Израел вели дека ја покажал својата способност да нападне во внатрешноста на Иран

Денешниот напад „имаше намера да му сигнализира на Иран дека Израел има способност да нападне во внатрешноста на земјата“, изјави неименуван израелски функционер за „Вашингтон пост“.

Нуклеарната организација на ОН (МААЕ) потврди дека иранските нуклеарни локации се неповредени, по извештаите за напад во ирански Исфахан.

МААЕ, исто така, го повтори својот повик и Иран и Израел да покажат максимална воздржаност, нагласувајќи дека атомските капацитети никогаш не треба да бидат цел.

Регион

„Политика“: Годишнина од потпишувањето на Бриселскиот договор - 11 години без ЗСО

 Денеска се навршуваат 11 години од потпишувањето на Бриселскиот договор, но Заедницата на општини со српско мнозинство (ЗСО), на чие формирање се однесуваат првите шест точки и е столбот на овој документ, сè уште не е формирана, пишува „Политика“.

За текстот на договорот, кој формално се нарекува „Прв договор за принципите на нормализација на односите меѓу Белград и Приштина“, се преговараше шест месеци пред да бидат ставени три потписи на документот. Документот во име на Белград го потпиша тогашниот премиер и денешниот шеф за надворешни работи на Србија, Ивица Дачиќ, а во име на Косово - Хашим Тачи, кој беше премиер.

Третиот потпис во име на Брисел, кој учествуваше како посредник, го стави тогашната висока претставничка за надворешна политика и безбедност на Европската Унија, Кетрин Ештон, потсетува српскиот весник.

Во Договорот од Брисел, кој има вкупно 15 точки, за Србите во Косово е наведено дека ќе имаат Заедница која ќе вклучува 10 општини со српско мнозинство јужно и северно од Ибар и ги вклучува Лепосавиќ, Звечан, северниот дел на Митровица, Зубин Поток, Партеш, Ранилуг, Ново Брдо, Грачаница, Штрпце и Клокот.

Врз основа на договорениот документ, предвидено е ЗСО да има статут, претседател и потпретседател и собрание. Другите точки од Бриселскиот договор се однесуваа, меѓу другото, со полицијата, судството, судството и локалните избори, а беа спроведени и оние чие спроведување зависеше од Белград, наведува „Политика“. /МИА

Свет

Директорот на ФБИ: Кинески хакери се подготвуваат да ја нападнат инфраструктурата на САД

Директорот на ФБИ Кристофер Реј синоќа изјави дека хакери поврзани со кинеската влада навлегле во критичната американска инфраструктура и го чекаат „вистинскиот момент да зададат разорен удар“.

Тековната кинеска кампања за кибер-криминал, позната како „Волтов тајфун“, успешно пристапи до безброј американски компании во телекомуникациите, енергијата, комуналните услуги и другите критични сектори, при што дополнително беа таргетирани 23 оператори на гасоводи, истакна Реј.

Говорејќи на настан на Универзитетот Вандербилт посветен на одбраната, шефот на ФБИ рече дека Кина развива „способност физички да направи хаос на нашата критична инфраструктура кога и да сака“. „Планира да удри под појасот врз цивилната инфраструктура за да се обиде да предизвика паника“, додаде тој.

Реј рече дека е тешко да се утврдат намерите на акциите на Кина во кибер-просторот, но тие се во согласност со пошироката намера на Пекинг да ги одврати САД во одбраната на Тајван. /МИА

притисни ентер