Мадона за две песни на Евросонг добива два милиона долари , 135 лица задолжени за нејзиниот настап

За само две песни што ќе ги отпее утре на финалната вечер на Евросонг во Тел Авив , музичката ѕвезда Мадона ќе добие два милиона долари, што е највисока исплата во историјата на овој фестивал.

Без оглед кој утре ќе победи на Евросонг, главната ѕвезда сепак ќе биде Мадона . 60 – годишната кралица на поп музиката се уште не е појавена на пробите во Израел , но договорот е конечно постигнат.

Нејзиниот настап ќе го финансира израелско – канадаскиот милијардер Силван Адамс. Овој 59- годишен бизнисмен пред три години со сопругата Маргарет се пресели од Канада во Израел. Тој толку ја сака земјата што лани во Израел ја донесе велосипедската трка Џиро ди Италија , што го чинеше 80 милиони долари .

Најголем проблем околу потпишувањето на договорот за настапот на Мадона биле песните. Така , наместо предвидениот стар хит ‘Like a Prayer’, таа ќе изведе две песни од најновиот албум ‘Madame X’ , наместо една.

Од телевизијата Кан конечно се смирија со потпишан договор , но тогаш излезе нова компликација. мадона се најде на удар на еден од фронтмените на Пинк Флојд , Роџер Вотерс , кој јавно ја прозва за настап во Израел , земја каде се кој ден се кршат човековите права. Мадона му одговори на Вотерс дека секаде ќе се бори за заштита на правата и достоинството на луѓето.

Во Тел Авив пристигна со приватниот млазен авион на Адамс, по што отседна во хотелот дан , каде за неа е закупен целиот кат. Сер очекува да се појави на генералната проба утре во живо пред публиката.

За нејзиниот настап се задолжени 135 лица , како и 30 тони тешка дополнителна опрема. Изведбата на Мадона ќе ја збогатат 25 професионални танчери , 40 пратечки вокали , режисер, кореограф и аниматор на сценскиот настап. 

Ламборџини не е веќе на врвот на уличните суперболиди (ВИДЕО)

Ламборџини веќе не е сопственик на рекордот на патеката во германскиот Хокенхајм , а титулата му припадна на најлутиот конкурент.

Се разбира , тоа е Ферари. Го победи суперспортскиот болид Aventador SVJ на Ламборџини , и тоа не само на патеката во Хокенхајм , туку и на онаа во Нирнберг.

Ферари во верзијата Писта побрз беше за 1,4 секунди со време од 1:45.9 и со тоа време се приближи до она на тркачките болиди. Верзијата Писта ја движи 3.9 литарски твин турбо V8 мотор со 720 Кс и 770 Нм .

За соборување на рекордот на Ламборџини е заслужен и возачот Кристијан Гебхарт.

Пајак во Австралија улови и изеде опосум (ВИДЕО)

Страшни фотографии објави Џастин латон , кои ги снимил нејзиниот сопруг , а на нив се гледа како огромен пајак лови и јаде опосум , вид мал торбар што личи на стаорец.

Во Националниот парк Маунт Филд на Тасманија сопругот на Џастин Латон снимил неверојатна борба. За научниците станува збор за навистина редок феномен.

Големите пајаци кои живеат во Австралија и на Тасманија знаат да изедат мало пиле , жаба или влекач , но не и опосум. Опосумот има тело долго од 5 до 11 сантиметри со тежина од 7 до 43 грама.

Видот опосуми што на снимката се гледа како жртва на пајакот е од поголемите , кои достигнуваат до 11 сантиметри должина и од 15 до 43 грама тежина.

Во 2016 Австралиец од државата Квинсленд сними кај него дома слично шокантно видео- пајак кој преку фрижидерот во неговиот дом носи глушец.

Фејсбук ја претстави својата криптовалута со која имаат големи планови

Компанијата Фејсбук денеска го објави планот за лансирање на криптовалутата либра , така што од секторот социјални мрежи се шири кон онлајн трговија и глобално плаќање.

Фејсбук се здружи со 28 партнери во проектот Libra Association што ќе управува со новата дигитална валута. Според информацвиите , планираат да ја лансираат на почетокот на 2020 година.

Партнери во проектот се моќни компаниуи како Mastercard, Visа, Spotify Technology, Paypal, eBay, Uber Technologies, Vodafone Group, како и инвестициски компании од типот на Andreessen Horowitz .

Се надеваат дека со стартот на либра ќе се соберат околу 100 компании . Секоја членка добива по еден глас во носење на клучните одлуки за мрежата за тргување со либра , а компаниите мора да вложат најмалку 10 милиони долари , за да бидат дел од групацијата.

По првата година , Фејсбук нема намера да го задржи водечкото место меѓу членките.

Компанијата основа и филијала наречена Калибра , која ќе нуди дигитални паричници за потребите на штедење , праќање пари и потошувачка на либра.

Kалибра ќе биде поврзана со платформите на фејсбук за праќање пораки како Messenger и WhatsApp, кои веќе имаат над милијарда корисници.

притисни ентер