Тензично и само со тројца обвинети почна јавната седница во Апелација за „Диво Насеље“

​Во тензична и напната атмосфера денеска започна седницата во Апелација по жалбите на осудените за Диво Насеље.

 Иако на почетокот побараа едноминутно молчење за сите загинати во инцидентите, обвинетите Генц Сефа и Валдет Зекај бараа да прочитаат заедничка изјава во име на сите обвинети. Ова не го дозволи судијката Цвентанка Периќ која беше на чело на судечкиот совет со образложение дека се на јавна седница. По ова следуваа низа навреди и пцовки упатени кон судот на албански јазик.

“Ние не ве признаваме како држава. Ова е и ќе биде Албанија”, рече Зекај.

 “Не го признаваме овој суд. Бараме меѓународна истрага”. – беа дел од навредите упатени кон судиите. Рекоа и дека судиите се дојдени тука, а не тие, обвинетите, дека тие се „автохтони“, и дека „ова овде е Албанија“.

По предупредувањето на судијката тие решија да го напуштат судењето. Со лисици на раце беа вратени во затворот во Идризово. Во заедничката изјава тие бараат:

ТЕЛОП Барања на обвинетите за Диво Насеље

Премиерот Зоран Заев да ги изнесе доказите дека овој случај е политички монтиран, дека бил замка подготвена од власта на ДУИ и ВМРО-ДПМНЕ. Во телефонски разговор Артан Груби и Али Ахмети не прелажаа дека можеме да се предадеме со посредство на ОБСЕ.  Да се објави целата снимка од полициската акција за да се види дека командантите Бег Ризај и Мирсад Ндрецај беа убиени откако ѝ се предадоа на полицијата.

Откако заминаа од судницата јавната седница продолжи. Судијката Периќ образложи дел од првостепената пресуда напишана на околу 700 страници. Адвокатите утре ќе ги изнесат нивните аргументи.

Од 37 обвинети за тероризам и терористичка организација Кривичниот суд во ноември 2017 година на казна доживотен затвор осуди осуммина, останатите добија казни затвор од 12 до 40 години, а четворица беа ослободени.

Јавната седница во Апелациониот суд се одвива под силно полициско обезбедување.

ЗНМ: Осуда за ширењето дезинформации на пратеникот Стевананџија за новинарите Јованоски и Христов

Го повикуваме пратеникот Стевананџија јавно да објави демант за објавената невистина и да се извини на новинарите за евентуалните последици од објавата.

Здружението на новинарите на Македонија го осудува пратеникот Димитар Стевананџија, кој на својот Твитер профил објави фотографија со коментар дека колегите Борјан Јовановски и Боби Христов наводно се гости на отворање на контроверзен угостителски објект во Охрид. Според колегите Јовановски и Христов станува збор за лажна фотографија од објект во Градскиот Трговски Центар во Скопје и истата објава служи да им се наруши нивниот имиџ како новинари.

ЗНМ укажува дека преку етикетирање и ширење на дезинформации на новинари, особено од страна на избрани претставници на Собранието на Република Македонија, може сериозно да им се наштети на професионалниот интегритет и углед на новинарите, а со тоа да се намали и довербата на јавноста во медиумите.

Освен ова, јавните личности, а особено пратениците треба да служат за пример и посебно да внимаваат како комуницираат со новинарите и воопшто со генералната јавност, напишаа од ЗНМ.

Српската Влада даде согласност со Македонија да се склучи Договор за дигитална трансформација

Како што се наведува во соопштението, целта на договорот е промовирање на соработката и обезбедување поддршка во примената на информатичките и комуникациските технологии преку спроведување на активностите за ширење на знаењето “Србија дигитализира”.

Српската Влада на денешната седница усвои Заклучок за давање на согласност на Канцеларијата за информатичка технологија и електронска администрација на Република Србија со Министерството за информатичко општество и администрација на Република Македонија да склучи договор за соработка во областа на дигиталната трансформација, соопштија од Канцеларијата за сорботка со медиумите на срспката Влада./МИА

притисни ентер