Швајцарски синдикати: Мораме да работиме подолго, пензискиот систем се распаѓа

Во една од најбогатите и најпросперитетните земји во светот, Швајцарија, синдикатите истакнуваат дека е неизбежно подигнување на границата за заминување во пензија.

Лидерот на Вработените во Швајцарија, синдикална група, која ги претставува работниците од водечките швајцарски извозни гранки, изјави дека зголемувањето на возраста за пензионирање е неизбежно нешто, бидејќи државниот пензиски фонд е под голем финансиски притисок.

„Мораме повторно да размислиме за возраста за пензионирање. Потребна ни е пофлексибилна возраст за заминување во пензија, бидејќи на идните генерации мораме да им го препуштиме системот за пензиско осигурување во добра состојба“, изјави Стефан Студер (58), директор на Вработените во Швајцарија.

Во моментов старосната граница за заминување во пензија во Швајцарија е 65 години за мажи и 64 години за жени. Меѓутоа, шест од 10 вработени престануваат да работат пред наведената возраст. Синдикалниот лидер предупреди дека првиот столб на пензискиот систем е во критична состојба. Тој рече дека дури и ако пензискиот систем добие две милијарди швајцарски франци финансиска поддршка, како што е ветено ако иницијативата за реформа на данокот за добивка и пензиската реформа бидат одобрени на 19-ти мај, федералната Влада предвидува дека до 2045 година ќе се акумулира дефицит од 170 милијарди франци. Тоаќе се случи ако не се направат и други реформи.

Треба да се напушти стариот начин на размислување за да се осигура одржливо реструктуирање, рече Студер, и додаде: „Ако се ценат вработените, многумина ќе бидат подготвени да работат подолго, со помал товар. Повеќето луѓе уживаат во своите работни обврски и работат во професии кои им даваат смисла на нивните животи “.

Заврши централниот одбор на СДСМ

Предмалку заврши состанокот на централниот одбор на СДСМ на кој разговараше за актуелни прашања во државата и партијата.

Повеќе информации во видеото.

ЗНМ: Осуда за ширењето дезинформации на пратеникот Стевананџија за новинарите Јованоски и Христов

Го повикуваме пратеникот Стевананџија јавно да објави демант за објавената невистина и да се извини на новинарите за евентуалните последици од објавата.

Здружението на новинарите на Македонија го осудува пратеникот Димитар Стевананџија, кој на својот Твитер профил објави фотографија со коментар дека колегите Борјан Јовановски и Боби Христов наводно се гости на отворање на контроверзен угостителски објект во Охрид. Според колегите Јовановски и Христов станува збор за лажна фотографија од објект во Градскиот Трговски Центар во Скопје и истата објава служи да им се наруши нивниот имиџ како новинари.

ЗНМ укажува дека преку етикетирање и ширење на дезинформации на новинари, особено од страна на избрани претставници на Собранието на Република Македонија, може сериозно да им се наштети на професионалниот интегритет и углед на новинарите, а со тоа да се намали и довербата на јавноста во медиумите.

Освен ова, јавните личности, а особено пратениците треба да служат за пример и посебно да внимаваат како комуницираат со новинарите и воопшто со генералната јавност, напишаа од ЗНМ.

Српската Влада даде согласност со Македонија да се склучи Договор за дигитална трансформација

Како што се наведува во соопштението, целта на договорот е промовирање на соработката и обезбедување поддршка во примената на информатичките и комуникациските технологии преку спроведување на активностите за ширење на знаењето “Србија дигитализира”.

Српската Влада на денешната седница усвои Заклучок за давање на согласност на Канцеларијата за информатичка технологија и електронска администрација на Република Србија со Министерството за информатичко општество и администрација на Република Македонија да склучи договор за соработка во областа на дигиталната трансформација, соопштија од Канцеларијата за сорботка со медиумите на срспката Влада./МИА

притисни ентер