Анагностопулу: Утре во Солун прв состанок на Комисијата за трговски ознаки

-Утре заседава за прв пат, комисијата што е одредена под покровителство на Министерството за надворешни работи за темите за трговските ознаки, трговските имиња и слично. 

Комисијата за трговските ознаки и трговските имиња утре ќе одржи прв состанок во Солун, откри алтернативната министерка за надворешни работи на Грција, Сиа Анагностопулу за време на расправата во грчкиот Парламент за ратификација на законите што произлегуваат од потпишаните договори во Скопје во март и април годинава за отворање на нови гранични премини, јави дописничката на МИА од Атина.

-Утре заседава за прв пат, комисијата што е одредена под покровителство на Министерството за надворешни работи за темите за трговските ознаки, трговските имиња и слично. Утре заседава, за прв пат во Солун и таму од бизнисмените од двете страни се поставуваат темите кои останаа нерешени се додека не се потпиша Договорот од Преспа, рече Анагностопулу, одговарајќи на прашањето на пратениците од Нова демократија поставено вчера за време на Комисијата за национална безбедност и надворешна политика.

Во однос на ратификацијата на двата договори, кои беа темата на денешната пленарна седница, Анагностопулу рече дека се гледа практичната придобивка од Договорот од Преспа и истакна дека отворањето на граничните премини било барање на локалното население.

-Не дојдоа од небо овој закон и овие договори, напротив имав голем притисок од локалното население да дојде законот пред Велигден и иако им го ветев тоа и им се извинувам, не успеавме порано бидејќи беше потребно време за законодавната постапка. Тоа беше итно барање од локалното население, објасни  алтернативната министерка за надворешни работи на Грција и додаде дека и за граничниот премин кај Преспа, локалното население уште од 1967 година кога и се затвори, барало повторно отворање.

Анагностопулу уште еднаш категорично повтори дека без Договорот од Преспа и со претходната рамката што ги одредуваше односите на двете земји не можеше да се отворат граничните премини, бидејќи таа рамка беше истата со онаа од 1959 меѓу Грција и Југославија. Таа истакна дека во грчкиот Парламент, никогаш претходно не дошол никаков закон што се однесува на двете земји, затоа што постоеше проблемот со името.

-Договорот од Преспа ги одврза рацете и на грчката држава и на Република Северна Македонија. Потребен беше овој договор, рече Анагностопулу.

Во однос на финансирањето на граничните премини, алтернативната шефица на грчката дипломатија објасни дека ќе биде од европски програми.

-За Лемос кај Лерин, веќе се обврзани четири милиони евра од програмата Интерег.  Четириесет милиони евра останати од „Егнатија одос" за регионот на Пела. Градоначалникот на Преспа и префектот на областа Западна Македонија дојдоа кај мене во канцеларија и ме притискаа пред Велигден да се озакони договорот, прекуграничниот премин. Ми рекоа дека периферијата ги презема потребните трошоци за да оди напред овој проект. Тоа е развоен проект и во двата случаи, и во Пела и во регионот на Лерин, рече Анагностопулу, пренесе МИА.

Британскиот премиер стриже овци, вози формула, продава колачи, игра фудбал...

Британскиот премиер Борис Џонсон изјавил дека ќе се бори за секој глас до парламентарните избори во четврток.

Неговата Конзервативна партија, според последните анкети, води пред лабористите, а за тоа така да остане се потруди и самиот Џонсон, кој правеше различни работи за да им се допадне на граѓаните.

Џонсон последните денови ги посети, рибарите, слаткарите, трговците, играше фудбал, возеше формула, стрижеше овци.

СДСМ: Мицкоски призна дека ВМРО-ДПМНЕ има незаконски долг од 400.000 евра

Портпаролот на Никола Груевски, Христијан Мицкоски денеска конечно призна дека неговата ВМРО-ДПНЕ има незаконски долг од 400.000 евра за кампањата на Гордана Сиљановска.

Спротивно на членот 71 од Изборниот законик каде што јасно стои дека  сите трошоци за кампањата исклучиво ќе се покријат од средствата на таа сметка.

Сметката е затворена а незаконскиот долг од 400.000 евра не може да се врати од друга сметка. Прашање е зошто тие фирми молчеле за овој долг и тоа е нова димензија на оваа афера. 

Скандалот, најновата афера во ВМРО ДПМНЕ мора да се расчити, особено што е поврзан и со фирми на Орце Камчев, осомничен во предмети на СЈО.

Мицкоски денеска призна дека ВМРО-ДПМНЕ продолжува со старите криминални навики, сметки за изборни кампањи полни со долгови, исто како во времето на Груевски и дупката од 3.5 милиони евра. 

Сега, Мицкоски треба да се охрабри и да одговори што финансирале фирми на Орце Камчев за ВМРО ДПМНЕ? 

Дали долгот има врска со рекет во самата ВМРО ДПМНЕ?

Со секој нов ден на виделина испливуваат лагите на Мицкоски и ВМРО-ДПМНЕ.

Таков е случајот и со Законот за употреба на јазици со кој Мицкоски и ВМРО-ДПМНЕ со месеци ги плашеа граѓаните. 

Денес, се покажа дека никој нема да плаќа казни ако не знае албански, дека никој никој не е принуден да учи албански или каков било друг јазик, дека институциите не се блокирани заради Законот за употребата на јазиците, како што со месеци лажеа Мицкоски и ВМРО-ДПМНЕ.

Уште еднаш се докажа дека Мицкоски работи по директивите на Груевски, дека нема никаква промена во ВМРО-ДПМНЕ. 

Опозициската партија предводена од Мицкоски е заглавена во деструктивната матрица на лажни вести и незаконско работење и затоа на 12 април граѓаните уште еднаш ќе ги поразат нивните погубни политики и ќе потврдат дека сме на прав пат.

Центар за комуникации со јавноста на СДСМ

Кривична пријава против тројца скопјани за злоупотреба на службената положба

Поднесена кривична пријава против тројца скопјани, вработени во Бирото за метеорологија поради постоење основи на сомнение за сторено казнено дело „злоупотреба на службена положба и овластување".

Надворешната канцеларија за криминалистички работи Кичево поднесе кривична пријава против Н.П.(39), М.Т.(54) и И.Т.(51), сите од Скопје, вработени во Бирото за метеорологија поради постоење основи на сомнение за сторено казнено дело „злоупотреба на службена положба и овластување".

– Н.П. изготвил и потпишал потврда за отворање на постапка за идентификација, со која на жител од Кичево, лице му потврдил статус „Државјанин на РМ кои се враќаат од странство" а која се однесува за товарно возило кое не ги исполнувало законски предвидените ЕУРО стандарди а потоа в несол податоци од негов колега без негово знаење и согласност. М.Т. како раководител во Бирото за метрологија ја потпишал изготвената потврда без да се увери дека нема потпис од изготвувачот иако, копијата од странската сообраќајна дозвола не била заверена на нотар. И.Т. во својство на помошник раководител во Бирото, нелегалната потврда ја потпишал и ја заверил со службен печат од Бирото за метеорологија информира портпаролот на СВР- Охрид, Стефан Димоски. /МИА

притисни ентер