Почина најстариот човек на светот – преживеал две светски војни и не излегол од своето село

Во селото Гула на Кавказ , во руската република Ингушија , во 124 година од животот почина најстариот човек на светот, Апаз Илијев.

Апаз почина во болница поради срцеви проблеми. Тој во руското издание на Гинисовата книга на рекорди важи за најстар човек на светот . Роден е на 1. март 1896 година во истото село , каде го поминал целиот живот. Расботел како тракторист , а 14 години поминал во прогон од режимот на Сталин.

Никогаш не одел на училиште, но преживеал две светски војни , револуција и граѓанска војна во Русија .

Негов рецепт за долг живот бил – работа , умерена исхрана и сон. Советувал дека е потребно секој ден да се спијат по 11 часа. Конзумирал многу овошје и зеленчук , млечни производи , а особено свежо млеко и јогурт , а од месо само од свежо заклани животни.

Два пати се женел , а зад себе оставил 8 деца , 35 внуци, 34 правнуци и неколку пра пра внуци. Никогаш не пушел , ниту пиел .

Тој само четири месеци ја ниосел титулата најстар на светот. Пред него била Нина Шаова , исто така од Кавказ , која починала на 128 години.

притисни ентер