Во почетокот на јуни ќе се знаат промените најавени со „метлата“ на Заев

Планот за реконструкција на Владата и смени во раководните позиции начелно готово, вели премиерот Заев.

 Најавува негова реализација до крајот на месецов по финални консултации со најблиските соработници и коалиционите партнери, очекува деновиве да се сретне со лидерот на ДУИ, Али Ахмети и  да се договорат за министерските смени. Вели токму  изминатите неколку денови одмор ги искористил за размислување за најавената операција „метла“.

„Се работи за неколку министри, заменици министри, за неколку директори се уште сме во фаза на размислување, концептот го имам кај мене... Овој период ќе го искористам за конечните консултации така што до почетокот на јуни ќе излеземе со промени на министерско ниво и директори на државни институции верувам дека до крајот на јуни ќе се пуштиме во вертикала односно во самите општини каде што државата е претставена со одредени државни институции ќе направам неколку промени и во политичката партија“, вели премиерот Заев.

Критериумите по кои ќе ги носи финалните одлуки кој ќе се најде на списокот за заминување се веќе дефинирани. Неисполнувањето на ветувањата, потфрлање во извршувањето на задачите, но и јасните укажувањата на Антикорупциска за судир на интереси и непотизам кај одредени функционери.

„Антикорупциската комисија беше јасна и гласна, тоа потврдува дека имаме систем, а тоа е најголемата вредност. Системот би бил систем ако постапуваме по него. Каде има влијание на одредни функционери и со тоа обесправиле граѓани во рамноправноста или во компетативноста за вработување ќе следува одговорност. Дел од критериумите за промените кои треба да се случат се и укажувањата од Антикорупциска“, вели претседателот на Владата.

Голем дел од министрите веќе се произнесоа по најавените промени. Министерот за транспорт и врски, Горан Сугаревски кој е посочуван во јавноста како кандидат за смена поради потфрлањето во реализацијата на капиталните инвестиции  вели не се чувствува загрозен.

„Искрено не очекувам. Меѓутоа  ќе ја почитувам секоја одлука на премиерот  врз база на неговите анализи што ги прави за мојата работа“, смета Сугаревски.

Инаку, премиерот отсуството на инаугурацијата на претседателот Стево Пендаровски ја правда со неможноста во претстојниот период да искористи одмор, кои вели му бил неопходен.

Историско осмо место на Тамара со „Proud“ на Евровизија

Историска ноќ за Македонија во Тел Авив.Спектакуларен настап на нашата Тамара Тодевска во финалето на Евросонг 2019!

На фантастичната бина во Тел Авив во Израел, нашата Тамара блесна на сцената и сосема заслужено стигна до историскиот пласман на осма позиција со 295 поени на изборот за песна на Евровизија.

Песната  „Proud“ ја освои публиката од цела Европа, Тамара првиот дел од гласањето на телевизиските жирија го заврши на втората позиција со 237 гласови ,со само два бода помалку од водечката Шведска.

Во гласањето од публиката добивме скромни 53 бода за на крајот да го оствариме најдобриот пласман во историјата на еден Евросонг, рекордното осмо место.

Песната „Горда“ е дело на Роберт Билбилов, Лазар Цветковски и Дарко Димитров, автори на музиката и аранжманот , а текстот го напишаа Коста Петров и Сања Поповска. Спотот го режираше Чедо Поповски.

Победник на годинешниот избор за песна на Евровиија е претставикот на Холандија Данкан Лоренс кој и пред годинешниот избор беше главниот фаворит за победа кај обложувалниците..

Спектакуларниот Евросонг со својот настап го надополни специјалната гостинка кралицата на светскиот поп Мадона, која исполни две песни во придружба на хор и раперот Кваво.

Заев со Вучиќ на отварање на јужниот крак на коридорот 10 кон Македонија

Отворена за сообраќај последната делница на јужниот крак на коридорот 10 низ Грделичка клисура чија градба траеше шест години.

Свеченоста заврши со спектакуларен огномет. „Можете да се гордеете со она што го направивте за вашите деца и нашата иднина“, порача српскиот претседател  Александар Вучиќ.

„Коридорот 10 е вистинска европска вредност на поврзување и на комуникации“, изјави премиерот Заев кој беше на свеченото отворање на автопатот.

Со отворањето на оваа делница,  Србија преку коридорот 10 ќе биде целосно поврзана со 600 километри долг автопат од границата на  Македонија до границата со Унгарија.

Од Белград за Скопје ке се патува за 3,5 до 4 часа.

Македонско –грчкиот од експерти изврши детална ревизија на наставните планови и учебници по историја

На состанокт е договорена и методолигијата по која ќе се чешлаат учебниците.

Детална и сеопфатна ревизијата на наставните планови и учебници по историја во двете земји, кои во најкус можен рок треба да биде ослободени од какви и да било иредентистички и ревизионистички референци, утврдил македонско – грчкиот комитет. На состанокт е договорена и методолигијата по која ќе се чешлаат учебниците.

- Врз основа на Преспанскиот договор и во согласност со целите и принципите на УНЕСКО и на Советот на Европа, беше усвоена методологија, опишана во заклучоците, за ревизија на наставните планови и учебниците. Двете делегации се согласија да го поттикнуваат вклучувањето на повеќе содржини од областа на културата и уметноста во образованието со цел градење на позитивна слика за другиот.

Проверката на учебниците стартуваше во ноември минатата година. На последната средба на македонско – грчкиот комитет, одржана минатиот мисец во грчкото МНР, беа утврдени заедничките чекори за ЕУ интеграциите.

Претходно, шефот на македонскиот тим  Виктор Габер по дводневниот состанок на македонско – грчкиот во март, рече дека треба да се избегнуваат непријатни формулации во учебниците и кај грчката и кај македонската страна, со цел правилно да се едуцираат новите генарации. И порача дека имало повеќе историски моменти што не зближуваат со грчката страна.

Заедничкиот Интердисциплинарен комитет треба да ги проучи учебниците и да дефинира временски рамки, за да се осигура дека од следната година ќе бидат отстранети сите наставни програми, кој содржат каков било иредентизам.

Согласно одредбите од Преспанскиот договор, работата на Комитетот ќе ја надгледуваат министерствата за надворешни работи на двете земји.

притисни ентер