Атомска игротека на „Денови на ЦЕРН во Македонија"

Авторите на изложбата се професорите од ЦЕРН, Лудвиг Добжински и Даниел Денегри.

Нови сознанија за суштината на универзумот и неговото функционирање ќе даде атомската игротека за деца и изложбата „Истражувањата во ЦЕРН" што денеска е отворена на Академија за науки и уметностите во организација на Природноматематичкиот факултет, Универзитет „Св. Кирил и Методиј" и Фондот за иновации и технолошки развој (ФИТР) по повод „Денови на ЦЕРН во Македонија". Настанот ќе трае до 17 мај и ќе биде отворен за целата јавност.

Авторите на изложбата се професорите од ЦЕРН, Лудвиг Добжински и Даниел Денегри.

– Денешниот настан е исклучително важен затоа што ЦЕРН е една од најзначајните, најавторитативните, најпознатите меѓународни научни институции со основна цел, задача и мисија да организира фундаментални истражувања во подрачјето на физиката, односно како што обично се вели, да ја проучува научно физиката на елементарните честички, како најголема лабораторија во светот што има многу софистицирана опрема, рече професорот на економскиот факултет, Таки Фити.

Професорот додаде дека научните откритија и технолошки иновации на ЦЕРН имаат практична примена во многу сфери во живеењето на луѓето, вклучувајќи ја медицината и претставуваат благодет на човештвото.

– За нас е многу значајно формирањето на овие атомски игри каде што низ забава и игра учениците од основните училишта, седмо, осмо и деветто одделение, ќе можат нешто повеќе да научат за тоа како настанал универзумот, што е суштината на универзумот и како тоа функционира. Настојуваме да ги научиме младите критички да резонираат и откриваат, зашто не се потребни само факти во нашиот образовен систем, туку и поврзувањето на категориите и процесите што се случуваат во логичен и транзистентен систем. Да ги учиме учениците и студентите да размислуваат, да им вградиме во нивните глави повеќе мудрост а не само факти, додаде Фити.

Јован Деспотовски, директорот на ФИТР, посочи дека ова е многу значаен настан за државата зашто станува збор за една номинирана европска организација за атомски истражувања каде во моментот членуваат повеќе од 23 технолошки напредни држави.

– Младите луѓе кои денеска се тука се јадро што треба понатаму да го шири размислувањето за ова исклучително значајна тема како што се атомските истражувања. Мислам дека доволно долго во нашата држава други теми ја окупираа јавноста и нашето образование и сакам да верувам дека го првиме првиот чекор кон промени. Наредните пет дена ќе имаме настани од различен карактер што ќе бидат отворени за пошироката јавност, меѓутоа пред се се наменети за најмладите, за основците и средношколците. Ние постепено ја шириме идејата, го шириме размислувањето дека земјите треба да се насочуваат кон теми што реално се прогрес а тоа е меѓудругото и истражувањето, рече Деспотовски.

Директорот појасни дека со овој настан го правиме првиот чекор за пристапување на земјата во ова технолошки напредно семејство на европскиот континент.

Мимоза Ристова, професор на природно математички факултет и автор на атомската игротека за деца додаде дека во текот на утрешниот ден ќе има семинар на средно-популарно и научно ниво, и научниците од областите технички и природни науки може да добијат нешто, а публиката која што сака да научи и чуе нешто за ЦЕРН, може да присуствуваат на семинарот зашто тој ќе биде отворен за целата јавност.

Харис Џиновиќ и официјално е разведен: Мелина е никаква жена, важни ѝ се само парите

Пејачот Харис Џиновиќ денеска пристигна на првото рочиште за разводот од сопругата Мелина Џиновиќ.

Рочиштето се одржало во Белград, а Мелина не се појавила. По излегувањето од судот, Џиновиќ изгледал скршено, како што пренесуваат српските медиуми, а не ја поштедил сега веќе поранешната сопруга, тврдејќи дека таа е „никаква жена“.

„Прашајте ја зошто не дојде, немам никакво сознание. Двете страни се договорија, судот ја прифати и ја донесе пресудата. Официјално сум разведен. Се чувствувам одлично. Ова е сосема нормална работа, нема причина за славење, луѓе се согласија да не живеат заедно. Поддршката на мојот син ми значи многу“, изјавил пејачот, пишува Блиц.

"Не им верувам на жените. Мелина не е жена. Јас сум виновен што се потпирам на туѓата свест. Самата рече дека е материјалистка, ја интересираат само парите. Не ми е гајле со кого ме изневерувала. Син ми е многу лут на неа, не се каам, купував сè за неа, таа е материјалистка“, додаде тој.

Да потсетиме дека Харис и Мелина се запознале во 2003 година. Првпат ја видел во кафуле во родното Сараево, но не бил мирен додека не го добил нејзиниот телефонски број. Се венчаа по 11 години заедно во Дубровник на спектакуларна едрилица долга 88 метри. Пејачот не дозволи разводот да влијае на неговите деловни обврски и продолжи со концерти низ регионот.

Пејачот неодамна за прв пат проговори за причините за разделбата. "Таа ја знае причината, ме остави, јас не ја оставив. Не знам ништо, обично сопругот кој е изневерен последен дознава", рекол Харис.

„Луѓето велат дека разводот после смртта е најтешката работа. Јас малку би го негирала тоа. Ако не ти се допаѓа да бидеш со мене, ниту јас не сакам да бидам со тебе“, заклучил пејачот. Тој додаде дека разводот не бил тежок за нивните деца Џина (20) и Кан (18), бидејќи тие се веќе полнолетни.

Ковачевски: Со државната поддршка за македонските комапнии создадовме нови 5.000 работни места

Претседателот на Социјалдемократскиот сојуз на Македонија, Димитар Ковачевски денеска учествуваше и дискутираше на панел дискусија „Креираме развој преку поддршка на инвестиции“ во организација на ТИРЗ и Кабинет на ЗПВ Битиќи.

Денешната трибина, ја посочи претседателот Ковачевски, како добра можност да се сублимираат досегашните преземени мерки и резултатите во делот на поддршката на инвестициите и економијата, но истовремено и да се види што е она што треба да се преземе за уште подобри резултати.

Ковачечевски децидно истакна: „За силна економија е потребен ликвидно и силно стопанство, нови фабрики, раст на инвестициите, капитални инвестиции во инфраструктурата, развиено земјоделство, подобар животен стандард преку повисоки плати и пензии, пристап до ЕУ пазарите”.

Справување со предизвици, поддршка на домашната економија и компаниите преку правилни таргетирани мерки, финансиска поддршка, раст на платите, беа во фокусот на дискусијата, кои воедно се и дел од столбовите во новата програма на СДСМ.

„Економијата и поддршката на компаниите и инвестициите беа високо на агендата на Владата која јас ја предводев и на претходната Влада, природно доаѓа тоа бидејќи јас сум економист, но уште поприродно доаѓа во време на криза кога мора да работите прво на спасување на ликвидноста на компаниите, второ спас на работните места и трето одржување на животниот стандард на граѓаните со оглед на тоа дека секој е погоден од кризата и компаниите и граѓаните и оние што се најзасегнати а тоа се ранливите категории на граѓани. И затоа во изминатите 7 години ние генерално имавме многу силен акцент ставено на економијата." – истакна Ковачевски.

Со 100 милиони евра Владата предводена од СДСМ поддржа 919 компании, за разлика од 2017 година, кога имаше нула поддршка за домашните компании. Во последниот деветти пакет во вредност 662 милиони евра, 492 милиони евра се предвидоа за поддршка на приватниот сектор, преку мерки за одржување на ликвидноста на компаниите, конкурентноста, поддршка за инвестиции во обновливи извори, зачувување на работните места, поволни заеми за мали и средни претпријатија во износ од вкупно 2,6 милијарди евра преку антикризни мерки се вратија назад кај граѓаните и стопанството.

Ковачевски, особено се осврна на домашните компании кои се двигател на економијата, затоа и во време на СДСМ беа поддржани преку различни мерки:

„До 2017 година македонскиот работник беше евтина работна сила и компаниите имаа нула поддршка. Јасна е разликата кога ќе ви кажам дека изминатите 6 години, 919 домашни компании добија поддршка во вредност од 100 милиони евра со кои тие реализираа 500 милиони евра инвестиции. "

Секоја стратешка одука што ја имал како премиер поставено претседателот Ковачевски, има стратешка цел, а тоа е развој на економијата, развој на приватниот сектор, нови вработувања и подобро платени работни места. Овие цели се исполнуваат со продолжување по европскиот пат.

На крајот од оваа успешна дискусија, Ковачевски заклучи дека тоа е целта за која се застапува и за која се застапува СДСМ и коалицијата за европска иднина. Бидејќи се друго се сценарија кои немаат економска логика, зад кои не стои никаква ниту политичка ниту економска калкулација и кои што ќе значат само враќање во некои неизвесни времиња. СДСМ нуди извесност, нуди надеж и напорна работа за да може да го оствари она што го заслужува Македонија, како земја која културолошки, економски и по секој друг основ и припаѓа на ЕУ, се наведува во партиското соопштение.

Застрелани се две воспитувачки, кои спречиле вооружен напаѓач да влезе во градинка во САД

Повеќе од 70 деца биле на дневен престој во Спрингфилд, Вирџинија, во моментот на пукањето, но ниту едно не е повредено, соопшти полицијата на округот Ферфакс.

„Ни олесна што денеска нема повредени деца“, изјави за новинарите заменик-началникот на полицијата Брук Рајт, според NBC Вашингтон.

Осомничениот Хулио Пасквал Сејас (41) од Арлингон е уапсен по повеќечасовна потера.

Напаѓачот испукал три куршуми низ вратата од градинката, изјави Рајт.

Се обидел да разговара со жената со која имал врска, но таа не му ја отворила вратата.

„Таа беше од внатрешната страна на вратата и не ја отвори“, рече Рајт.

Сехас ги застрелал жената и колешката со пиштол, соопшти полицијата.

Полицијата била повикана во градинката околу 14 часот и 15 минути и пристигнале за неполни две минути, додаде Рајтова.

Силни полициски сили ја опколиле градинката. Ранетите жртви од престрелката се пренесени во болница со повреди кои не се опасни по живот.

Децата во градинката не биле „на повидок“ на пукањето и се чини дека не ни знаеле за тоа, рече Рајт.

„Се чинеше дека ниту едно од децата нема знаци дека нешто се случило овде денес. Тие беа среќни. Беа изнесени надвор. Се чини дека не ја видоа вратата скршена или дека имаа знаци дека нешто не е во ред“, рече таа.

Полицијата им кажала на родителите да одат во полициската станица во Западен Спрингфилд за да ги земат своите деца.

„Зошто ова се случува на дневен престој?

„Веднаш реагирав. Скокнав во автомобилот и дојдов овде“, рече тој.

„Зошто ова се случува во дневен центар? Што му направило едно четиригодишно дете на возрасен или на некој друг за да се оправда ваква ситуација?“, праша тој, задржувајќи ги солзите.

Пукањето ги потресе и полицајците, рече Рајт.

„Речиси сите сме родители. Целосно разбираме како се чувствува јавноста и сакаме да направиме сѐ што можеме за да ја фатиме оваа личност или било кој друг кој е опасен, што е можно поскоро за да ги заштитиме нашите деца“, рече таа пред Сехас.

Осомничениот за пукањето во градинката Спрингфилд е лоциран и уапсен од полициската единица за приведување бегалци, соопшти полицијата. Информациите за тоа каде е пронајден не се веднаш објавени.

Секој кој има информации за неговата локација беше замолен да се јави на 911.

„Веруваме дека е опасен, затоа ве молиме не се обидувајте да воспоставите контакт со него“, рече Рајт.

Сехас се бара по седум обвиненија за тешки телесни повреди, вклучително и употреба на огнено оружје. Веднаш не било јасно дали тој имал адвокат.

Градинката ќе остане затворена барем до крајот на неделата, се вели во соопштението на компанијата KinderCare Learning.

„Ни крши срцето што насилник дојде во нашиот центар и застрела двајца наши учителки. Нашите мисли се со нив и нивните семејства. Разбираме дека наставниците се во стабилна состојба и благодарни сме за тоа. нема повредени деца.сведок на ова насилство, ниту пак било повредено дете“, се вели во соопштението.

притисни ентер