Ферари ќе престане да прави мотори за Масерати

Производителот од Маринело во наредните 2-3 години ќе го прекине производството на мотори , што се наменети за моделите на Масерати.

Двајцата познати италијански производители на спортски автомобили заедно беа под капата на Фиат Крајслер Аутомобилес до 2015 , кога Ферари , по одлука на раководството се оддели во посебна компанија , за потоа неговите акции да се појават и на берза.

И покрај тоа Ферари продолжи со производството на V6 и V8 моторите за потребите на Масерати и тоа за речиси сите модели како што се Ghibli, Quattroporte, Levante, GranTurismo и GranCabrio.

Двете компании имаат договор за ваквотот производство , но од Масерати најавија дека по истекот на договорот , немаат намера да го продолжат.

Од Ферари најавија дека испораката на мотори ќе запре во 2021 или 2022 , а велат и дека тоа ќе биде добро зашто ќе може да се насочат на производство на мотори со нови технологии.

Mасерати од 2002 ги користи моторите на Ферари.

притисни ентер