Костадинов: Пендаровски има сигурно и стабилно водство и очекуваме да биде прогласен за претседател

Пендаровски, како што посочи Костадинов, води пред Силјановска Давкова со над 30.000 гласови.

Според половината од пристигнатите резултати од обработени изборни гласачки места тенденција на сигурно и стабилно водство покажува заедничкиот кандидат Стево Пендаровски и очекувам таа тенденција да се задржи и тој да биде прогласен за претседател, изјави вечерва на прес-конференција портпаролот на СДСМ Коста Костадинов.

Пендаровски, како што посочи Костадинов, води пред Силјановска Давкова со над 30.000 гласови.

-Граѓаните го препознаа концептот што води напред кон единство, и интеграција во ЕУ и НАТО. На фер слободни и демократски избори граѓаните денеска избраа вистински претседател кој оди напред. Граѓаните денеска кажаа конечно не на враќање назад кон темното минато, изолација и поделби, рече Костадинов.

На новинарско прашање за обвинувањата на ВМРО-ДПМНЕ дека доколку победи Пендаровски тоа ќе претставува изборен инжинеринг, Костадинов рече дека гласачите иама можност слободно и фер да се изјаснат на изборите, а надлежните институции за изборниот процес ако ДИК и МВР на прес-конференции веќе се изјаснија дека процесот поминал мирно и регуларно.

Тој ја повика ВМРО-ДПМНЕ да не бара изговори за поразот што им следи. Инаку во дворот на седиштето на СДСМ веќе се слави со зурли и тапани.

Германија ги избриша Франција, Грција и Шпанија од списокот на ризични земји

Германија ги отстрани Франција, Грција, Швајцарија и делови од Шпанија од својата листа на земји во висок ризик поради ковид-19.

Промената стапува на сила во недела, а оние што пристигнуваат од овие земји во Германија нема да повеќе задолжително да презентираат негативен тест или да останат во карантин 10 дена.

Земјите како Грција и Шпанија, кои економски се потпираат на туризмот, соопштија дека нивните економии страдаат од ограничувањата на патувањата воведени за време на пандемијата, пишува ДВ.

Но, оваа промена на правилата важи само за оние кои патуваат по копно. Патниците со авион сепак при влез во Германија ќе треба да презентираат негативен тест, потврда за вакцинација или доказ дека биле заразени со ковид-19.

Голем број други места се отстранети од списокот на земји со висок ризик, вклучувајќи ги Белгија, јужна Данска, Естонија, Јордан, Литванија, три провинции во Холандија, Норвешка, неколку региони во Словенија и Света Луција.

Во Салвадор запленети 750 килограми кокаин

Околу 744 килограми кокаин, проценет на над 18 милиони долари, е запленет во Салвадор во операција за разбивање на шверцерска мрежа што работи на плажите во земјата, соопштила канцеларијата на државниот обвинител.

Шверцерите на дрога дејствувале во регионите Ла Паз и Сан Мигел, на истокот на земјата лоцирани помеѓу Хондурас и Гватемала. Во операцијата биле уапсени девет лица, вклучително и државјанин на Гватемала.

Акцијата ја водела полицијата за борба против злоупотребата на дрога врз основа на информации дека се шверцувале големи количини на дрога на плажите во двата региона во Пацификот, соопштила канцеларијата на обвинителот. Дрогата била запленета во објекти на плажа, каде биле пронајдени и неколку пушки и пиштоли, штѕ исто така биле запленети.

Додека шведската репрезентација игра на Европското, Ибрахимовиќ „брои палми“ на Мајорка (ВИДЕО)

Шведска одлично се пробива на Европското без најдобриот стрелец во историјата и има четири бода од првите два натпревари, но нејзините играчи и навивачи би сакале со нов да биде и Златан Ибрахимовиќ.

Сепак, Златан за тоа време ужива во Мајорка. Тој на Инстаграм објави видео на кое тој е гол и без раце вози велосипед на патека покрај морето. Тоа видео доби милион лајкови.

За потсетување, стрелецот на 62 гола за Шведска се врати во репрезентацијата пред три месеци по скоро пет години.

На два квалификациски натпревари за СП, тој постигна два гола и стана најстариот (39) репрезентативец во историјата на неговата земја.

Ќе одеше на Европското првенство доколку не го повредише коленото додека играше за Милан непосредно пред објавувањето на списокот на репрезентативци.

Па така, наместо да оди на ЕП, тој тргна на крстарење по Медитеранот со својата јахта вредна 20 милиони евра.

притисни ентер