Македонија

Свечена академија по повод 40 години УКЛО-Битола

Со свечена академија, ретроспективна изложба и концерт на македонскиот виртуоз на гитара Влатко Стефановски, синоќа во Битола беше прославен 25 април, денот кога пред 40 години е формиран Универзитетот „Св.Климент Охридски".

Нашите 40 години, рече ректорот професор д-р Сашо Коруновски, се одлична бројка, сосема доволна за да немаме оправдување дека сме почетници, напротив, со сиот кредибилитет да испратиме порака што ќе биде слушната и разбрана.

– Од оној 25 април 1979 година нè делат четири децении. Период во кој што Универзитетот во Битола – името со кое што беше основана оваа втора највисока академска институција во државата, сосема заслужено се замени со името на големиот учител, патронот св. Климент. Ако на почетоците се зборуваше за рамномерен регионален развој со фокус на општествено-политичкиот и социјалниот момент, денес зборуваме за интернационализација, интегрираност во опкружувањето, промовирање на научно-истражувачката работа, за трансфер на знаења и технологии, за обезбедување подобар рејтинг, за вложување во човечките ресурси како двигатели на промените. Овој Универзитет, препознатлив и по акронимот УКЛО, низ сите овие години со прагматизам ги поздрави и се приклучи на бројни иницијативи во насока на осовременување на високото образование на национален и интернационален план, нагласи ректорот Коруновски.

Според првиот човек на битолскиот Универзитет, иако е природно да се биде носталгичен кон едно универзитетско минато, сепак време е да се предвидуваат последиците и да се планира иднината.

– Времињата се менуваат! Денешното време ја менува перцепцијата на нашата мисија и се надминуваат предрасудите што историјата на универзитетите ги всадила во нас. Институциите социолошки гледано, во извесна мера се како луѓето, се раѓаат, се развиваат, раснат, но не мора и не смеат да згаснат. Низ четирите децении на нашето постоење, низ сите растежи и падови, низ кризните и помалку кризни периоди, најзначајно е што сме го прифатиле и сме свесни за фактот дека сме носители на вредности и на извесна визија за општеството, визија што ја остварувале илјадниците дипломирани како што впрочем ќе ја остваруваат утрешните активни граѓани, денешните наши студенти, посочи ректорот Коруновски.

Пред гости од државата и странство тој предочи дека во моментот кога глобализацијата на проблемите и решенијата ги принудува милијарди луѓе да се меѓусебно зависни без да се познаваат, одговорноста на образованието особено на Универзитетот е да едуцира студенти кои силно ќе бидат одбележани со хуманизам и способни да развиваат компетенции.

– Универзитетот треба, а впрочем тоа е мисијата што цивилизацијата му ја доверила, да придонесува кон есенцијалните општествени вредности. Слободата во истражувањето и наставно-образовниот процес се фундаментални принципи во животот на универзитетите, а владите и универзитетите, секој во својот домен на компетенции, треба да го промовираат и гарантираат почитувањето на овој основен принцип. Универзитетот утре, за да се вклопи во ваквата динамика на потреби треба да ја искористи информатичката револуција, транспарентноста, подоброто владеење, новиот модел на финансирање, модернизацијата, да биде одржлив, но и силен, инспиративен, движечка сила во општеството, да ја култивира креативноста и нашата сопствена култура за иновативност. Ние ќе го трасираме патот на оние што утре ќе нé претставуваат. И затоа сите да ја градиме иднината на нашиот Универзитет, порача ректорот Коруновски.

Според востановената традиција, делегации и гости на УКЛО присуствуваа на разни манифестации посветени на јубилејот, се поклонија и положија цвеќе пред споменикот на патронот Свети Климент Охридски, лоциран во дворот на Ректоратот во Битола. /МИА

Свет

Убила 19-годишна трудница и ѝ го украла бебето од матката-осудена е на 50 години затвор (ВИДЕО)

Клариса Фигуероа (51) е осудена на половина век затвор откако убила бремена тинејџерка во Чикаго намамувајќи ја во нејзината куќа за да ѝ го украде бебето од утробата, кое потоа го претставила како свое.

Тоа е, накратко, епилогот од страшното злосторство што го потресе овој дел на САД, а се случи во 2019 година, објави Еј-Би-Си Њуз.

Марлин Очоа-Лопез (19), мајка на двегодишно момче, која била во поодмината бременост, била намамена од Клариса во нејзиниот дом со ветување дека ќе ѝ даде бесплатна облека за бебето. Страшното злосторство го извршила со помош на нејзината ќерка Дезире, која во јануари ја признала вмешаноста во убиството кога била осудена на 30 години затвор. Мајката и ќерката ја задавиле трудница со електричен кабел. Клариса, која е медицински работник, сакала да го претстави бебето како свое, а откако го извлекла од стомакот на мајката повикала брза помош. Поради повредите, бебето два месеци било на интензивна нега во болница, но и покрај сите напори на лекарите, починало.

За време на судењето, се тврдело дека Клариса Фигуероа го изгубила своето бебе пред злосторството, а потоа им кажала на членовите на семејството дека повторно е бремена. Во октомври 2018 година, таа ѝ кажала на својата ќерка дека ѝ треба помош да убие трудница и да го украде бебето од нејзината утроба.

Ракел Уриостеки, мајката на убиената трудница, по изрекувањето на пресудата видно се потресе:

- Губењето на ќерка ми е нешто што никогаш нема да го прежалам.

Откако украденото бебе било сместено во болница, Клариса Фигуероа и нејзиниот партнер Пјотр Бобак тврделе дека бебето е нивно, па дури започнале и хуманитарна кампања за собирање помош за негово лекување. Пјотр подоцна на судењето признал дека помогнал да се отстранат трагите по убиството на бремената тинејџерка.

Страшното злосторство било неоткриено неколку недели, иако Џовани Лопез, сопругот на убиената, уредно ја пријавил за исчезната, но немал помош од надлежните да ја пронајдат. Полицијата реагирала дури по анонимна пријава во која било наведено дека е видена како исчезнатата влегува во куќата на Клариса Фигуероа. На 07.05.2019 година полицијата извршила претрес. Автомобилот на жртвата бил пронајден во близина на куќата на убиецот, а набрзо била наредена и ДНК анализа на бебето. Откако дошле резултатите од ДНК, полицијата ги уапсила мајката убиец, нејзината ќерка и нејзиното момче. Телото на жртвата било пронајдено закопано во дворот.

- Казната што ја доби никогаш нема да биде доволна и мојот син никогаш повеќе нема да ја прегрне мајка си. Изгубив дел од семејството и тоа секогаш ќе ме следи – низ солзи изјавил сопругот Џовани Лопез.


Живот

Нуркачи снимија како изгледа силен земјотрес под вода: Сега имам уште еден страв (ВИДЕО)

Страшно искуство е да се почувствува силен земјотрес, а група нуркачи го доживеале под вода додека јачината била 7,2 степени според Рихтеровата скала.

Видеото се рашири на социјалните мрежи, а корисниците пишуваат дека откако го погледнале, се наежиле и откриле нов страв.

На видеото се гледаат неколку нуркачи како пливаат меѓу коралниот гребен и уживаат во живописната глетка. Но, сè се менува кога ќе започне земјотресот. Прашина и нечистотија од морското дно се креваат и изгледаат како морничава магла.

So this is what an earthquake looks like underwater
byu/Literally_black1984 ininterestingasfuck

Се гледаат и нуркачи како се држат до коралите додека водата се движи побрзо и побрзо. „Да, мора да е кошмар“, „Изгледа страшно“, „Морничаво“, се само дел од коментарите.

Свет

Ужас во Англија: 80- годишен човек е запален во двор, соседите слушнале крици (ВИДЕО)

Две лица се уапсени откако полицијата пронашла изгорено тело на маж во задната градина на домот на едно „многу повлечено“ семејство, како што ги опишале соседите во Бредфорд.

Соседите во тивка уличка во Бредфорд пријавиле дека слушнале врисоци пред да видат како чад се издига зад куќата. Според извештаите, жртвата била 80-годишен маж кој живеел во куќата со помлада жена и нејзиниот син, објави Сан.

Многумина во соседството биле убедени дека човекот починал, затоа што не го виделе од пандемијата на коронавирус.

„Од градината доаѓаше чад, но не можевме да влеземе бидејќи портата беше затворена. Се обидовме насилно да ја отвориме портата и можевме да видиме крв и осакатено тело. Не можев да верувам, беше како нешто од хорор филм“, рекол соседот Мухамед.

„Семејството буквално никогаш не излегуваше надвор, тие се многу повлечени. Ова се случи целосно од ведро небо и сите се многу шокирани од тоа“, рече друг сосед кој сакал да остане анонимен.

Полицијата денеска соопшти дека го идентификувала телото на возрасен маж, но дека се уште се обидуваат официјално да го идентификуваат мажот и да им влезат во трага на неговите најблиски.

„Според информациите достапни во овој момент, ова го третираме како истрага за убиство. Мојот тим работи на утврдување на околностите кои довеле до смртта на човекот. Имаме две лица во притвор и не бараме никој друг во врска со овој инцидент, што се случи во тивка станбена улица, разбирам дека овој инцидент предизвика загриженост во пошироката заедница и има многу шпекулации за тоа што се случило и кој бил инволвиран.“

На местото на настанот се испратени пожарникарски екипи, полиција и брза помош, а соседите велат дека досега не виделе толку големо присуство на итните служби.

Противпожарната и спасувачка служба во Западен Јоркшир соопштија дека екипите го изгаснале пожарот на имотот.

„Ова беше многу шокантен инцидент за многу тивка и мирна заедница“, рече локалниот лабуристички советник Сајмон Канингам.

притисни ентер