Сиљановска – Давкова : Ние мораме да ставиме крај на просечноста во политиката

Честопати слушате дека јас за себе велам дека сум како професор и како личност сократовка, рече вечерва кандидатот за претседател Гордана Сиљановска Давкова .

Сократ бил обвинет дека ги бунтува младите и еве јас признавам дека ги бунтувам младите кога предавам. Им велам дека треба да критични кон сите па и кон професорите, да не веруваат во апсолутни вистини, да не веруваат во авторитети, да критикуваат. Бидејќи без критичко мислење не може да има реформи.

Затоа сум овде меѓу нив, да ја чујам критиката за досегашната кампања, за она што се случува, за да ги чујам забелешките за да знам кој пат да фатам во вториот изборен круг.

Се надевам дека ова не се круговите на пеколот на Данте Алигиери. Мислам дека се обидував никогаш да не ги заборавам во она што го правам, не мислам дека е најголем предизвик за мене да имам функција наречена претседателка на државата туку напротив навистина да укажам на потребата од препознавање на вистинскиот демократски живот во Македонија за оние најпотентните политички, умствено, критички да останат во Македонија или да се вратат, или да ги задржиме во контакт зошто без нови луѓе во политиката, без радикални промени во лидерите во партиите внатре, без внатрепартиска демократија која ја нема ако се анулираат критички настроените луѓе, оти јас сум видела во сите партии извонредни умови, критички умови, реформатори ама некако нив ги немаше на клучните функции. Ако не дојде до промена мислам дека нема да дојде ни до промена во Македонија.

Затоа се обидувам како нивна професорка која вели дека вреди да се биде бунтовник со причина или без причина, да се биде млад, а кога сум со нив јас сум млада во мислата се разбира да ги поттикнам на критика, да ги поттикнам на активност, зошто мислам дека тогаш вреди да се зборува за младите како за идни лидери, како на идни дипломати, како на идни креатори на политиката, пратеници, премиери, членови на државната и јавната администрација заради знаењето и умот. А, не заради партиската блискост.

Ќе се обидам во вториот дел на кампањата низ вакви средби било да се тоа овде или во „Јавна соба“ или на „Школка“, и со оние кои што сакаат да бојкотираат, и со оние кои имаат аргументи против тоа и за оние кои мислат дека вреди да се победи на овие избори, ама и сите ние кои го респектираме другиот да поттикнеме некоја, да разбудиме некоја енергија во Македонија.

На еден од моите најомилени филмови е „Младост или Јуд“ ако се сеќавате со Мајкл Кеин, јас не мислам дека сум најдобрата диригентка но мислам дека како некој што е критичен и дома и кон политиката и во науката навистина можам да ја разбудам младоста не само кај најмладите туку и кај мислечките луѓе. Ние мораме да ставиме крај на просечноста во политиката оти нашиот живот веќе зависи од политичките одлуки. Сево ова што се случуваше овие 30 години кога се клонираа луѓето како киборзи станаа политичарите и ги клонираа себеси и сличните.

И мислам дека треба да си заминат и да започнеме една нова пролетна ориентирана политика која ќе ги разбуди и ќе ги расцвета најумните и најкритичните. Се надевам дека можам тоа да го сторам. Ова особено важи за женскиот дел на популацијата кој иако доминира во многу професии сепак не е на клучните функции и тоа ќе биде доказ за демократскиот капацитет и кредибилитет на македонската политика.

Очекувам многу енергија, креација, скриена, непозната, непризната зборувам за жените да дојде до израз со моја помош и така ќе живееме во хармонија во женско – машки свет. Во еден човечки свет. А, се разбира дека тоа ќе биде со светот на најмладите оти стално велиме на нив им припаѓа иднината, а ако не ги вклучуваме во решавање на сегашноста нема да можат тие да влијаат врз иднината, рече Сиљановска Давкова која вечерва имаше средба со младите во Скопје .

Протести во Франција против Г7: Да им покажеме дека борбата продолжува! (ВИДЕО)

Илјадници антиглобалистички и еколошки активисти , на кои им се придружија и ,,Жолтите елеци” и баскиските сепаратисти денеска излегоа на протести со барање конкретни мерки од светските лидери, учесници на самитот Г7 во Бијариц.

Демонстрантите се собраа во блиското гратче Хендај , на границата со Шпанија на протест против економските и еколошки политики на светските лидери.

 „Најголемите капиталистички лидери се тука и ние треба да им покажеме дека борбата продолжува“, рече Ален Мисана, четириесет и осумгодишен електричар, облечен во жолт елек, симбол на антивладините протести во Франција.

„Тоа се повеќе пари за богатите и ништо за сиромашните. Гледаме дека прашуми на Амазонија се палат и се топи Арктикот“, додаде тој.

Повеќе од 13.000 полицајци, со помош на војската го обезбедуваат самитот во Бијариц.

Полицијата се плаши дека  анархистичките групи може да се обидат да се вклучат на протестите, кои сè уште се мирни.

Четворица полицајци беа повредени вчера, а 17 демонстранти  беа уапсени за криење на лицата  во кампот во близина на Хендеј.

Францускиот претседател Емануел Макрон изјави дека една од главните задачи на самитот ќе биде „да ги убедиме сите наши партнери дека тензиите, особено во трговијата, се лоши за сите“.

„Треба да постигнеме намалување на тензиите за да ги стабилизираме работите и да избегнеме трговска војна која започнува да се развива насекаде“, рече Макрон во изјавата пред самитот.


Отстранети банкоматите во историскиот дел на Дубровник

Градската управа на Дубровник соопшти дека во текот на минатата недела од историскиот дел на градот се отстранети 13 банкомати.

Градските власти ги отстрануваат банкоматите , кои мнемаат дозвола од конзерваторите на старите објекти. Оние банкомати кои преостанале , ќе бидат под постојан надзор и доколку се утврдат неправилности , ќе следуваат парични казни.

Според уредбата на градскиот совет на Дубровник , банкомати не смее веќе да бидат поставени на отворите на зградите во историскиот дел на градот , а забраната се однесува и на фрижидери , телевизори и рекламни шкафчиња.

Доколку сопственикот на банкоматот или фрижидерот нема согласнот од Министерството за култура , тогаш веднаш ќе бидат отстранети со најава за високи канзи.

Така , со 10 илјади куни (1500 евра)  ќе биде казнет сопственикот на просторот , а со две илјади (300 евра) одговорното лице во правниот субјект.

Заев: Набавката на еко-автобуси е сериозен придонес на општината Прилеп за здрава животна средина

Премиерот Зоран Заев, денеска учествуваше на свеченоста по повод пуштањето на 4 еко-автобуси кои се вклучуваат во системот на јавниот патнички транспортен систем во Општина Прилеп.

Премиерот Заев на настанот, на кој учествуваа и министерот за транспорт и врски, Горан Сугарески, градоначалникот на Општина Прилеп, Илија Јованоски и директорката на Јавното претпријатие за просторно и урбанистичко планирање Марија Цветаноска, истакна дека овој настан е дел од промоциите на проекти, мерки или решенија кои се од директна придобивка за здравјето на граѓаните и за заштита на животната средина со кои Општина Прилеп обезбедува еколошки, пријателски јавен транспортен систем за сите прилепчани.

Претседателот на Владата на РСМ Заев потенцираше дека станува збор за систем кој низ годините што претстојат ќе обезбеди еколошки чист, безбеден и ефикасен јавен сообраќај, на големо задоволство на граѓаните и на општината.

„Екологијата е важна работа во државата и овие четири, нови автобуси навистина Прилеп ќе го направат еколошки град, многу позначаен, знаејќи дека преку тоа го штитиме здравјето на граѓаните. Сакам да им честитам и на сите во Општината, коишто управуваат со општинските пари, за оваа сериозна инвестиција, многу важна, којашто покрај тоа што овозможува еколошки транспорт на граѓаните од една дестинација до друга низ Прилеп, секако ја испраќа пораката до сите нас граѓаните, до целата држава, за еколошките вредности, за важноста за здравјето на граѓаните за коешто треба да бидеме посветени сите ние“, истакна премиерот Заев. 

Премиерот Заев нагласи дека тој, и Владата на Република Северна Македонија, и понатаму ќе продолжат да се фокусираат на еколошките активности, и да работат заедно со општините на обезбедување квалитетни услуги за граѓаните.

„Сакам да ја информирам јавноста дека ми е драго како претседател на Владата што општините се вклучуваат во сите овие еколошки активности. Владата веќе ја подготвува програмата за супституција во неколку града, којашто ќе почне пред грејната сезона за замена на грејните тела на фосилни горива со високо вредносните инвертори и други системи за еколошко греење и ладење, коешто како огромен проект веќе се развива во владините институции и владините јавни претпријатија“, рече премиерот Заев.

На оваа пригодна церемонија изјави за медиумите имаа и градоначалникот на Општина Прилеп Илија Јованоски и директорката на Јавното претпријатие за просторно и урбанистичко планирање Марија Цветаноска кои истакнаа дека со новите автобуси значително ќе го подобрат јавниот превоз во градот, кој освен квалитетен градски превоз ќе придонесе и за поздрава животна средина.

притисни ентер