Како што соопшти полицијата на Република Српска, во престрелката што се случила во бањалучката населба Гламочани нешто по 22.30 часот, биле убиени три лица, а едно се здобило со тешки телесни повреди од прострелни рани.
Покрај Круниќ, убиени се и еден негов „придружник“(Ж.П.), како и еден од напаѓачите.
Според полицијата, повреденото лице, исто така, било „придружник“ на бизнисменот.
Во тек е истрага за настанот.
Изворот од истрагата открива дека заседата била од две различни страни.
Напаѓачите чекале автомобилот во кој биле Круниќ и Ж.П. да забави, а потоа испукале неколку рафали во автомобилот на Круниќ.
Во престрелката убиени се придружникот на Круниќ (Ж.П.) и еден од напаѓачите,кој од претходно и бил познат на полицијата. Славиша Круниќ се здобил со тешки повреди и бил префрлен во друг автомобил со кој го одвеле во болница, каде им подлегнал на повредите и починал.
„Очигледно е дека станува збор за однапред подготвена ликвидација на Славиша Круниќ. Точниот број на напаѓачи, како и видот на оружје со кој се пукало ќе бидат познати после увидот“ – изјавил изворот од истрагата.