Убиени татко и неговиот 8 годишен син во Слупчане

Доцна синоќа во Слупчане биле пронајдени безживотните тела на татко и неговиот 8 годишен син.  

Во Слупчане беа пронајдени безживотните тела на татко и неговиот 8 годишен син.

Синоќа , во 22 часот и 40 минути, полицајци добиле повик дека во атарот на селото Слупчане, кај месноста „Слупчански бунар“, каде било забележано патничко моторно возило, марка „опел астра“, во кое било пукано од засега непознат сторител, итната помош утврдила смрт на таткото и синот.

Од МВР информираат дека Јавното обвинителство и екипата на СВР Куманово излегле на местото на настанот и констатирале дека непознат сторител со огнено оружје пукал во 47 годишниот жител на село Опае и неговиот 8 годишен син. По наредба на јавен обвинител телата се дадени на обдукција.

Основното јавно обвинителство информираше дека е направен увид на местото , каде што синоќа беше пронајдено возило кон кое биле истрелани повеќе куршуми. На увидот е констатирано дека е пукано од близина во патничкото моторно возило во кое се наоѓале возачот и неговото осумгодишно дете. Двете лица биле смртно повредени и починале на самото место“, соопштија од обвинителството.

На местото биле пронајдени и подигнати поголем број испукани патрони преку чие вештачење се очекува да се утврдат битни факти за убиството. Ќе биде извршено вештачење и на возилото на кое се видливи повеќе траги од нападот со огнено оружје. Издадена е и наредба за вршење обдукција на телата на починатите.

Во тек е истрага за расчистување на случајот.

Две девојчиња се повредени во напад со нож пред училиште во Франција, напаѓачот е уапсен

Две девојчиња се полесно повредени во напад со нож кај Суфелвајсхајм, соопшти денеска француската полиција.

Според извештаите, повредените девојчиња се на возраст од шест и 11 години, јавува француската ТВ БФМ.

Полицијата соопшти дека осомничениот напаѓач е уапсен.

Мартин Скорсезе и Леонардо ди Каприо ќе прават филм за Френк Синатра

Познатиот режисер Мартин Скорсезе наводно е подготвен да работи на биографскиот филм за Френк Синатра заедно со неговиот долгогодишен соработник Леонардо ди Каприо.

Variety објави дека режисерот сака да го сними проектот како адаптацијата на книгата Животот на Исус на Шусаку Ендо од 1973 година. Се вели дека Скорсезе бара од Ди Каприо да го игра Синатра, а Џенифер Лоренс да ја игра втората сопруга на Френк, актерката Ава Гарднер.

Филмот веќе го привлече интересот на големите студија. Apple, кој го финансираше буџетот од 215 милиони долари за „Killers Of The Flower Moon“ на Скорсезе, изрази интерес, но се вели дека Sony го води проектот.

Сепак, ниту еден иден проект сè уште не добил зелено светло од ќерката на Синатра, Тина, која го контролира имотот на нејзиниот татко, особено затоа што во него ќе биде прикажана жена со која Синатра имал афера додека тој бил во брак со нејзината мајка, Ненси Барбато, пренесува NME.

До почетокот на следната седмица ќе се задржи променливото време

По нетипично високите температури за овој период од годината, промена на атмосферскиот притисок и серија на влажни бранови драстично ќе ги намалат температурите низ земјава, информираат од УХМР. 

Уште од утринава снежна покривка може да се забележи на повисоките планински места. Според прогнозата, ниските температури и променливото облачно време со дожд на пониските и снег на повисоките места ќе се задржи до наредната седмица.

- До почетокот на следната седница ќе се задржи вакво време променливо облачно, со пониски температури, а потоа температурите ќе бидат во постепен пораст. Утре и за време на викендот ќе се задржи променливо облачно и посвежо време. Во недела на повеќе места ќе има врнежи од дожд кои повремено ќе бидат пообилни. Во недела ќе има услови и за појава на изолирана нестабилност со грмежи. Поради спуштање на постудена воздушна маса, на планините врнежите повремено ќе минуваат во снег.-УХМР.

Иако хронично болните се најзасегнати при нагли промени на времето, тие можат негативно да влијаат и врз здравата популација велат лекарите. Д-р. Маргарета Трипуновска апелира особено внимателни да бидат лицата кои земаат терапија за регулирање на крвниот притисок, чии нагли варијации се причина за срцев и мозочен удар, за кои Брзата помош има најчести интервенции во вакви временски услови.

-Наглиот пад на температурите влијае на крвниот притисок бидејки имаме промена на атмосверскикот притисок, а тоа влијае на крвниот притисок. Затоа редовно треба да се мери притисокот овие денови, да се зема редовно терапијата. Но и здравата популација ги осеќа овие промени на температура најчесто имаме појава на главоболки, вртоглавици, нагони за повраќање, гадење треба едноставно да практикуваме здрав начин на живот, да имаме повеќе одмор, повеќе суплементи да земаме.- – Д-р. Маргарета Трипуновска – поликлиника Букурешт.

Од ЦУК апелираат на внимателност при услови на невреме, да не се фрлаат одпадоци во локалните одводни канали и редовно да се чистат, а поради најавите за силен ветер да се внимава на работите кои би можеле да излетаат од градилиштата.

притисни ентер