Заев верува во успешни претседателски избори, во спротивно не чека нова политичка криза

Премиерот Зоран Заев денеска изјави дека очекува успешни претседателски избори и постигнување на цензусот во вториот изборен круг,  во спротивно смета би се создало нова политичка криза.

-За нас очекувањето е изборите да бидат стопроцентно успешни. Не си дозволувам да коментирам што би било кога би било, очекувам и знам дека цензусот мсжеме да го постигнеме. Кога зборуваме за ситуации што ќе биде ако биде тогаш демотивираме излезеност. Јас верувам дека ќе имаме успешен прв круг и успешен втор круг, дека непосредните избори се подобредојдени, секогаш ни стојат на располагање алатките претседателот да се бира во Парламентот, секогаш ни стојат и алатките да ги повториме изборите. Сето тоа се наши правни можности. Но, имаме одговорност сите како граѓани да излеземе и да гласаме, да избереме претседател на нашата земја.Тоа е право на граѓаните, тие ќе си одлучат кого ќе изберат. Да не ја пропуштаме оваа шанса. Неизборот на претседател значи нова политичка криза, а тоа не ни треба, рече премиерот Заев на новинарско прашање за тоа каков е ставот на СДСМ во врска со можноста да се отвори Уставот за да се промени начинот на избор на претседател на државата во Собранието, за што коалицискиот партнер ДУИ изрази согласност.

Според него, последните анкети покажуваат дека граѓаните чувствуваат огромна одговорност за успешноста на изборите.

-Верувам дека таа огромна одговорност ќе се преточи на дело со максимална излезеност на сите оние граѓани кои се дома. Секако знаеме дека има еден голем процент од граѓаните кои заминале надвор од државата, но знам дека ќе излезат во масовна бројка, вели премиерот Заев.

Запрашан дали досега е разговарано со опозициската ВМРО-ДПМНЕ за можностите што ги спомена министерката за правда во случај на неуспешни претседателски избори со оглед дека е потребно двотретинско мнозинство за измени на Уставот, премиерот Заев рече дека за тоа не е разговарано.

-Ние веруваме дека ќе победиме при успешен цензус. ВМРО-ДПМНЕ верува дека ќе победат при успешен цензус. Двете страни подржуваме независни кандидати и тоа е добро. Значи двете страни кога се надеваат дека ќе победат нивните концепти, победниците исто така имаат должност тоа да биде регуларно, законски, јас реков кристално чисто, оти кога победувате сакате таа победа да биде неоспорена од никој и тоа е добро. Јас верувам дека двете најголеми политички партии, а со нив и сите други политички партии во РСМ ќе сторат се да имаме фер, демократски и регуларни избори, успешни избори и секако победникот да биде на крајот претседател на сите граѓани на РСМ, рече Заев и повтори дека цензусот е нешто што е обврска на сите, дека ќе биде постигнат, а второ, додаде, немало ниту причина да разговараат затоа што секоја од страните верува во победа на својот концепт на изборите.

Наполи сака да го задржи во тимот Кварацхелија до 2029 година

Грузискиот репрезентативец во Наполи, Квича Кварацхелија може да потпише нов договор со тимот во блиска иднина.

Според „Football Italia“, новиот договор на фудбалерот со италијанскиот клуб ќе важи до летото 2029 година. Актуелниот договор завршува во јуни 2027 година.

Оваа сезона фудбалерот одигра 37 натпревари за тимот во сите натпреварувања, постигнувајќи 10 голови и пет асистенции.

Трансфер вредноста на играчот се проценува на 80 милиони евра.

ЈСП Скопје: Поради надградба на системот можни се технички проблеми при валидирање со мобилен

 Поради надградба на системот можни се технички проблеми при валидирање со мобилен телефон или апликацијата „Скопска“.

ЈСП Скопје информира дека поради надградба на системот за наплата која се вршеше во изминативе неколку денови, регистрирани се инцидентни технички проблеми кај одреден број корисници при валидирање со мобилен телефон (185) или мобилната апликација „Скопска“.

ЈСП апелира до сите кои констатирале пропуст при валидирањето и сметаат дека се оштетени, да го пријават случајот на [email protected].

Албанската полиција откри пластеници со над 37 илјади садници канабис

Албанската полиција кај Велипоја открила пластеници со марихуана, при што запленила 37.336 садници од ова наркотично растение.

Акцијата ја поздрави министерот за внатрешни работи Таулант Бала и им честиташе на припадниците на државната полиција за акцијата.

- Доаѓањето на пролетта ги враќа и напорите на криминалните групи за одгледување наркотични растенија. Државната полиција мора да ги интензивира превентивните акции уште од првите моменти на обиди за одгледување наркотични растенија. Им честитам на полициските службеници од регионалниот комесаријат - Скадар за заплената на 37.336 садници канабис сатива и за последователните активности за спречување обиди за одгледување наркотични растенија, напиша тој на Фејсбук, објавувајќи и видео запис од акцијата.

Порача дека ги охрабрува сите структури на државната полиција да ги засилат контролите со цел да се спречи оваа појава.

Во акцијата уапсено е едно лице, а по друго се трага а запленети се и автомобил, трактор и предмети што се користат за оваа криминална активност.

притисни ентер