По спектаклот на Етихад Тотенхем во полуфиналето, Ливерпул лесно против Порто

Фудбалерите на Тотенхем и Ливерпул го комплетираа елитното полуфинале во најсилното европско натпреварување Лигата на шампионите.

Во голеадата на Етихад фаворитот Манчестер Сити и покрај триумфот  на домашен терен од 4-3 над Тотенгем е елиминиран од четвртфиналето во Лигата на шампионите.

Популарните „граѓани“  и со победа останаа без посакуваното полуфинале поради  поразот во Лондон на првиот меч од 1-0 , по што поради правилото гол во гости остнаа без пласман во завршницата.

Спектаклот беше најавен уште на стартот на мечот по само 21 минута игра  на Етихад видовме дури пет голови, четири од нив беа постигнати во првите 11 минути.

Домаќините го отворија резултатот уште во 4 минута со голот на Стерлинг, но потоа следуваа два гола на гостите Сон беше прецизен во 7 и во 10 минута за водство на Тотенхем од 1-2. Само една минута подоцна  Силва израмни за 2-2. Со својот втор гол Стерлинг во 21 минута  носи нова предност за Сити.

Во 59 минута Агуеро погодува за ерупција на Етихад, но Љоренте во 79 минута  го постигна толку посакуваниот трет гол за „спарси“ вреден место меѓу четирите најдобри екипи во Европа.

Тотенхем во полуфиналето ќе игра против  најголемото изненадување во шампионското друштво Ајакс.

На Драгао во Порто , Ливерпул уште еднаш го потврди својот квалитет  и лесно и убедливо го совлада португалскиот шампион со 4-1  со вкупни 6-1  го најави гигантското полуфинале Барселона – Ливерпул.  

Кошаркарската Европа со поддршка за тешко болниот тренер

Еден од најдобрите кошаркарски тренери , Американецот Дејвид Блат го шокираше светот со изјавата дека боледува од мултиплекс склероза.

Блат е тренер на грчки Олимпијакос , а тој на социјалните мрежи објави тажна сторија како ја поднесува тешката болест. Веднаш по објавата , на Блат почнаа да му стигнуваат пораки со поддршка речиси од сите европски кошаркарски клубови.

Анадолу Ефес, Олимпија Милано, Дарушафака, ЦСКА, Валенсија, Барселона, Басконија, Фенербахче и многу други му порачаа на тренерот Блат да остане силен во неговата борба со болеста .

Руни едвај чека да замине од САД – го опцу судијата во лице (ВИДЕО)

Вејн Руни го загуби натпреварот на госстувањето во Ванкувер со својот ДЦ Јунајтед , а според реакциите, англиската фудбалска легенда едвај чека да се врати во својата земја.

Во 74. минута од натпреварот Руни беше заменет , а од непознати причини му се внесе во лице на судијата и почна да го пцуе.

По натпреварот фудбалерот се пожали на Твитер дека цело време мора да патува низ САД на натпреварите и тоа со патнички авиони. Инаку , европските фудбалери се навикнати да патуваат со чартер или со приватни летови , додека поради правилата на американската лига , фудбалерите само четири пати во сезоната патуваат со чартер летови на натпреварите.

Легендарниот фудбалер во јануари се враќа во Англија , каде ќе потпише 18- месечен договор со второлигашот Дерби Каунти. Таму неделно ќе добива по 100 000 фунти.

Хистерија во Бразил – Дани Алвес го постигна својот прв гол (ВИДЕО)

Легендарниот бразилски фудбалер Дани Алвес , по враќањето во Сао Паоло предизвика вистинска хистерија кога го постигна својот прв гол на бразилски терен.

Поранешниот играч на Бахија, Севиља , Барселона и Јувентус , по истекувањето на договорот со париски ПСЖ , потпиша тригодишен договор со Сао Паоло.

На првиот натпревар во новиот клуб , Алвес го постигна единствениот и победнички гол против Кеара.

Речиси 50 000 гледачи дојдоа на стадионот Морумба за да го гледаат својот идол , кого како херој пред две недели го пречекаа воБразил.

притисни ентер