Донаторска акција „Нахрани 10.000" на 29 локации во 10 градови

Над 450.000 граѓани во Македонија имаат проблем да ги обезбедат сите оброци во текот на денот. 

Сите хумани граѓани и компании може да донираат храна во рамки на акцијата „Нахрани 10.000", што се одржува денеска во рамки на „Неделата на солидарност" на Црвениот крст од 10 до 18 часот на 29 локации во Скопје, Битола, Куманово, Прилеп, Струмица, Радовиш, Кочани, Виница, Гостивар и Гевгелија. Целта е да се поттикнат граѓаните да донираат храна и да го подигнат нивното ниво на солидарност кон тие што немаат.

– Над 450.000 граѓани во Македонија имаат проблем да ги обезбедат сите оброци во текот на денот. На овие 29 локации граѓаните ќе можат да донираат храна која ќе биде со подолг рок на траење. Храната ќе биде ставена во пакети кои ќе бидат дистрибуирани до различни категории на социјално загрозени граѓани, вели Блаже Јосифовски од мрежата „Сите сити".

Тој изрази надеж дека ќе биде донирано доволна количина храна за да може да се задоволат дел од месечните потреби на граѓаните. Од „Сите сити" препорачуваат да се донира храна, која не е лесно расиплива како: ориз, грав, сол, шеќер, брашно, тестенини, масло за готвење, грашок, конзервирана риба, супа кокошкина, бисквити, кечап, леќа, конзервирано овошје и зеленчук.

Оваа акција се организира во рамки на „Неделата на солидарноста" што годинава од 15 до 21 април се одбележува впод мотото „Вашиот прилог значајна помош" со целни групи семејства кои живеат во рурални подрачја и се од социјално ранливи категории.

Генералниот секретар на Црвениот крст на Република Македонија Саит Саити информира дека ќе се собира храна, облека обуквки средства за хигиена, како и парични стредства. Средства ќе се собираат преку мобилни телефонски броеви 070/075/077 143 400 со донација од по 100 денари, или преку банкарска уплата на сметката на Фондот за солидарност на Црвениот крст на Република Македонија. Во овој период ќе се организира и хуманитарна акција од куќа до куќа за обезбедување донација во парични прилози.

Според податоците со кои располага Црвениот крст во Македонија 22,2 отсто од населението е сиромашно. Во светски рамки во сиромаштија живеат 2 милијарди луѓе, 750 милиони во екстремна сиромаштија, а 800 илјади во хронична глад. 

Роналдо во Дубровник сместен во вила каде ноќевањето чини 7000 евра

Фудбалската мега ѕвезда Кристијано Роналдо на Јувентус му ја донесе осмата последователна титула шампион на Италија.

Португалскиот ас стана првиот светски фудбалер со освоена титула во Англија, Шпанија и Италија. Роналдо само три часа по синоќешниот натпревар со приватен авион слетал на аеродромот Чилипи во монденскиот Дубровник во Хрватска.

Локалните медиуми сега откриваат дека Роналдо и Георгина Родригез  во Дубровник се сместени во елитната Вила Шехерезада во која ноќевање чини „само“ околу 7000 евра.

Во истата вила престојувале и Елизабет тејлор, Ричард бартон, Софија Лорен, Џејми Фокс ...

Со прекрасниот поглед од  нивниот апартман во преубавата вила  на Инстаграм се пофали свршеничката на Кристијано атрактивната Георгина.

Фото: Во специјални дресови до титула!!

Фудбалерите на богатиот ПСЖ во 33 коло од Лига ! во голем стил ја одбранија шампионската круна во Франција.

Во дрес со мотиви на Нотр Дам, најдобриот млад фудбалер на светот Килијан Мбапе постигна хет-трик, а Бразилецот Нејмар по подлг период поради повреда се врати на теренот во победата над Монако од 3-1.

Почна теренската вакцинација и ревакцинација во училиштата во Скопје

Почна теренската вакцинација и ревакцинација во училиштата во Скопје. Вкупно 400 деца на територијата на Скопје не се вакцинирани .

Од Здравствениот дом Скопје очекуваат тие да бидат опфатени  во текот на оваа недела . Од утрово вакцинацијата започна во основното учлиште Јан Амос Коменски во општина Карпош.

Од здравствениот дом информираат дека сите родители се навреме информирани за вакцинацијата . Инаку минатата недела беше прогласена епидемија на морбили на целата територија на држава, се очекува вакцинацијата да се одвива во сите градови

притисни ентер