Профил на Гордана Сиљановска Давкова

Во последната недела од кампањата, Канал 5 ќе ви ги претстави потенцијалните претседатели од еден поинаков агол. Низ разговор со нив, ќе се обидеме да ви го доловиме вредносниот систем по кој функционираат и за кој ќе се залагаат.

Правда за Македонија – со оваа парола Гордана Силјановска Давкова влегува во битката за претседател на државата. Нејзиниот избор како кандидат адут на ВМРО ДПМНЕ за некои беше изненадување, но судејќи по безмалку пресликаните ставовите за Договорот од Преспа и законот за јазици е сосема логичен.

Предизборната кампања и’ наметна набиена агенда и многу малку време за активностите од нејзиното секојдневие. Во обид да доловиме како сега и изгледа денот – Канал 5 помина еден ден со неа. Додека пред нејзиниот дом во Дебар маало обезбедувањето и нејзиниот тим го подготвуваа нејзиното последно интервју,  „украдовме“ неколку минути да поразговараме за семејството, студентите, домашните обврски.

Не мора многу време да минете во домот на Сиљановска за да ги воочите животни детали – сопруга и мајка на две деца, книгите во речиси секој агол зборуваат за неа како професор по уставно право. Семејството одлучило да остане на страна и да не ја придружува во кампањата, но, вели за возврат, ги презело сите обврски во домот.

Кампањата е интензивна средби со здруженија и граѓани преку ден, митинзи навечер. Не ме заморуваат, напротив вели Силјановска и дале нова вредност и нов видик за животот во Македонија и за нејзините граѓани.

Да се биде под рефлекторите, пред камерите, на билбордите, признава, не е амбиент во кој се чувствува удобно. Но, трката за претседател ја извлече од комфорната зона, на граѓаните им прикажа и една сосема поинаква  страна на професорката Силјановска – вежбаше јога на брегот на Охридското езеро, а заигра и рокенрол со Жаре.

Како и другите кандидати ја бара поддршката за да победи – па оттаму ја прашавме што ќе и недостига доколку нејзина следна адреса е претседателската резиденцијата Вила Водно.

Но, најмногу вели ќе и’ недостигаа студентите.

Категорична е во тврдењето дека доаѓа времето на жените во политиката. Верува дека е пример кој ќе ги охрабри дамите да посегнат кон високи државни функции.

На улица Македонија разговаравме за нејзината визија за државата, пораките до гласачите, како планира да донесе правда и правичност...

Средбите со амбасадори и претставници на меѓународната заедница се задолжителни во агендата на претседателски кандидат. Како и пред гласачите, Преспанскиот договор, е доминантна тема.

Овие средби ги гледа како вовед  во реализацијата на стратегијата за Договорот за промена на името која што планира да ја спроведе во целост доколку седне во претседателската фотелја.

Кабинетот на актуелниот претседател Ѓорѓе Иванов деновиве е актуелен по барањата за помилување во осудените за 27-ми април, но и откако шефот на државата стави вето на повеќе закони бидејќи го носат новото име на државата. 

Во политичката арена, вели, зачекорила подготвена да биде мета на критики и обвинувања. Тешките зборови за нејзините политички ставови ги разбира како дел од политичката битка, се додека тие не навлегуваат во приватниот живот и не задираат во нејзината улога на мајка, сопруга и професор.

Курц обвинува дека со лажни меилови се обидувале да го поврзат со аферата ,,Ибица”

Австрискиот лидер на конзервативците и досегашен канцелар ,Себастијан Курц, денеска изјави дека со лажни меилови имнакло обид да се поврзе со видео аферата на остеровот Ибица, поради која падна неговата влада.

Вицеканцеларот Ханц- Кристијан Штрахе поднесе оставка минатиот месец , откако германските медиуми ја објавија видео снимнката од островот Ибица , каде тој на лажна внука на руски милијардер и нуди попуст при тендери вредни 250 милиони евра.

Курц денеска изјави дека една австриска медиумска куќа добила копии на електронска пошта , која наводнио си ја разменувал со блискиот соработник Гернот Блумел , што ги поврзува со скандалот. Истрагата на неговата партија и на независна компанија за истраги потврдила дека меиловите се лажни.

,,Ова е обид за клевета. Тоа е обид Народната партија да се вовлече во скандал , конкретно да се вовлече Гернот Блумел и мене.” , обвини Курц на вонредна прес конференција.

Не е познато кој стои зад лажните меилови , рече Курц , кој се надева на победа по вонредните избори на 29 септември.

Драма на летот од Приштина до Базел – Десетина патници завршиле во болница (ВИДЕО)

Вистинска драма се случувала во авионот на компанијата ALK Airlines , кога Боингот 737-700 влетал во силна турбуленција, од која дури се откачиле неколку седишта.

Авионот , регистриран во Бугарија , летал на со 121 патник од Приштина кон базел во Швајцарија. Додека летал над северен Тирол во Австрија , авионот се обидувал да заобиколи воздушна бура и на само 30 минути пред слетувањето , настанала силна турбуленција во авионот.

Од силината на потресите неколку седишта излетале од лежиштата , раскажуваат патниците.

Снимката објавена на Јутјуб најдобро појкажува каква драма преживеале патниците.

По успешното слетување во базел , десет патници биле пренесени во болница , но за среќа имале само полесни повреди.

Во акцијата ,,Тајрон “ запленети 19 тони кокаин

Европол и Колумбија во заедничката акција ,,Тајрон “ запленија рекордни 19 тони кокаин.

Полицијата на Колумбија и европаската полиција Европол ја завршија заедничката акција против нелегалната трговија со дрога и оружје од Јужна Америка кон Европа.

Според соопштението од Европол , во текот на полициската акција ,,Тајрон “ биле спроведени 75 истраги и запленети 19 552 килограми кокаин . Биле уапсени 583 лица , прегледани 36 пловила и на нив запленети 140 пратки на кокаин скриени во тоаварот или во пакети.

Покрај тоа, било влезено во трагата на над 3 000 парчиња огнено оружје , запленети 133 парчиња , како и 14 600 парчиња муниција , делови за оружје , неколку ракетни фрлачи и рачни бомби.

Основната операција ,,Тајрон “ се одвивала од 8. март до 16. јуни .

притисни ентер