Финални спортски натпревари на екипите од средните скопски училишта

Средношколските екипи од Скопје учествуваа на финалните натпревари на градскиот Фајнлфор за учебната 2018/2019 што денеска се играа во спортскиот центар „Борис Трајковски".

 Се натпреваруваа осум лиги во четири колективни спортови: ракомет, одбојка, кошарка и футсал, во машка и во женска конкуренција.

Прво место во футсал освоија средношколските екипи на „Цветан Димов" (мажи) и „Методи Митевски-Брицо" (жени); во ракомет првопласирани се „Д-р Панче Караѓозов" (мажи) и „Никола Карев" (жени); гимназијата „Орце Николов" е на прво место во кошарка во машка и во женска конкуренција, а  во одбојка првото место го освоија „Методи Митевски-Брицо" (мажи) и „Раде Јовчевски-Корчагин" (жени).

На натпреварот во одбојка во женска конкуренција присуствуваше градоначалникот Петре Шилегов кој изјави дека Град Скопје секогаш ќе ги поддржува учениците, нивните потреби и желби. Рече дека за  да ја зголеми мотивираноста кај младите и талентирани спортисти, Градот воведе стипендирање на средношколци на подрачјето на Скопје.

-Годинава додели 105 стипендии, лани 100, во висина од 3.000 денари месечно, за осум месеци, средства обезбедени од буџетот на Град Скопје. Најдобрите екипи од средношколските лиги годинава ќе одат во Подгорица во средината на мај, изјави Шилегов.

За поттикнување и наградување на спортот во средните училишта, Градот обезбеди средства што се наменети за посета на најдобрите градски репрезентации на средните училишта во колективните спортови во еден од збратимените градови на Град Скопје. Досега средношколците имаа  гостувања во Истанбул, Ниш, Загреб, Љубљана, Софија, Белград и Нирнберг, а за оваа година обезбедени се  буџетски средства за патување во збратимениот град Подгорица за најдобрите средношколски екипи во футсал, одбојка, ракомет и кошарка, во женска и во машка конкуренција.

За организација и реализација на средноучилишниот спорт во главниот град, Град Скопје годинава одвои 3.500.000 денари. Во текот на оваа учебна година во системот на натпревари на средните училишта во Скопје учествуваа 245 екипи, а се одиграа над 1 000 натпревари во кои се вклучија околу 7 000 ученици од 29 средни скопски училишта.

Дани Алвеш повторно ќе соработува со Пеп

Бразилецот Дани Алвеш дефинитивно го напушти богатиот ПСЖ , по две години на „Паркот на принцовите“ во Парис, поранешниот ас на Барселона одлучи да ја промени средината.

36 годишниот Алвеш одлучи да направи уште еден чекор во  долгата и богата кариера и да заигра во англиската Премиер лига.

Иако веќе долго е навлезен во четвртата деценија од живото Алвеш  реши по истекот на договорот да се раздели со богатиот Пари Сен Жермен и по Шпанија, Италија и Франција да се проба и во Англија.

Новиот клуб на извонредниот десен бек би требало да биде шампионот Манчестер Сити каде Алвеш повторно ќе соработува со Пеп Гвардиола.

Нејмар ќе стори се само да се врати во Барселона

Најскапиот светски фудбалер, Бразилецот Нејмар е подготвен да направи сѐ што е потребно за да се врати во Барселона во лето.

Бразилската  фудбалскска ѕвезда  за да се врати на „Камп Ноу“ е подготвен и јавно да се извини на навивачите, информира порталот „Спорт.ес“.

Претходно беше објавено дека Нејмар сака да го напушти ПСЖ и да се врати во Каталонија која ја напушти во 2017 година.

Сепак, за да се случи тоа потребна е дозвола и од францускиот шампион ПСЖ кој се уште не е подготвен да го ослободи Бразилецот и покрај неговата желба. 

Србија по тешка борба ја победи Хрватска во Белград (ВИДЕО)

Во тензична атмосфера и со исвиркување на хрватската химна на почетокот на мечот , во Белград се одржа финалниот меч на Светската лига во Ватерполо.

Со погодок на 17 секунди до крајот , Србија ја победи хрватската екипа , која е актуелен светски првак. Српските ватерполисти се олимписки и европски шампиони.

Во базенот на Ташмајдан се водеше вистинска битка , како и на трибините , каде навивачите на двете екипи беа одвоени со силно полициско обезбедување.

На крај со резултат од 12 : 11 победија српските ватерполисти , по што хрвбатските навивачи набрзина беа изнесени од салата за да се избегне инцидент.

притисни ентер