Вечерва во „Само вистина“ гости ќе бидат Иванка Василевска и Павле Богоевски

Почитувани гледачи, црвени, сини и оние кои се уште го бараат својот колорит – ги користиме ли вистинските состојки кои ќе ни донесат заедништво или повторно се вовлекуваме во политики на поделби?

И вечерва во вашата САМО ВИСТИНА ви подготвивме жежок дуел, одлично скроен како за почеток на неделата, со универзитетската професорка и член на ИК на ВМРО-ДПМНЕ Иванка Василевска и независниот пратеник во Собранието Павле Богоевски.

Кој собра повеќе приврзаници на скопските улици изминатиов викенд? Кој понуди сендвичи со природен а не растителен кашкавал? Дали има повеќе автобуси по „Партизанска“ и „Гоце Делчев“ во сабота или недела? Адреналинска кулминација и многу „фејк њуз“ во финишот од претседателската кампања пред изборниот молк – Кој професор ќе го заврши успешно „предавањето“ без да избегаат од „часот“ кротките „слушатели“?

Како да се сузбие епидемијата на селективна правда која е повеќе од клучна за европското зелено светло? Опозицијата до Правда врачи нови забелешки за последната верзија од Законот за СЈО – на повидок ли е неделава нова средба на Заев и Мицкоски?

Кулата од ветувања се гради ли гради а здравството е на стаклени нозе - четири месеци не може да се најде „чаре“ за морбилите. Ќе и зададе ли овој горлив проблем удар на актуелната власт?

До кога ќе правиме чекор напред а три назад? Не нè пропуштајте и вечерва со Иванка Василевска и Павле Богоевски во САМО ВИСТИНА на Канал 5 Телевизија.

Во Софија Гранд При македонски краткометражен игран филм!

Краткометражниот дипломски игран филм "Обид за среќна приказна" на режисерката Лавинија Софрониевска ја освои највисоката награда Гранд При  на Интернационалниот Студентски Филмски Фестивал „New Wave“ во Софија.

Жирито едногласно го прогласил филмот за добитник на главната награда и упатило пофални зборови за севкупната режија, продукција, кастинг, камера, монтажа и сценарио. 

Филмот е шармантна, необична и нелинеарна приказна за животот на две сестри, а во главните улоги се појавуваат Тамара Ристоска, Матеа Јанковска, Филип Трајковиќ, Игор Ангелов и Кристина Леловац. 


„Само Вистина“ вечерва со Филип Петровски и Стојанче Ангелов

Во вечерашната „Само Вистина“ ќе дебатираат Филип Петровски и Стојанче Ангелов

Драги гледачи, неуморни сонувачи, време е за првата АНАЛИЗА НА РЕЗУЛТАТИТЕ ОД ПРВИОТ КРУГ НА ПРЕТСЕДАТЕЛСИТЕ ИЗБОРИ 2019 ГОДИНА. Вечерашни специјални, но и вонредни и ополномоштени аналитичари се: Филип Петровски и Стојанче Ангелов.

Опозицијата доста бучно и среќно и власта поскромно вчеравечер скандираа во име на победата додека опонентите на теренот „се бркаа“ со гласовите, за на крајот Пендаровски во фото финиш прв ја помине целта. Победата Пендаровски ја преточи во оптимизам дека во вториот круг ќе „тепа“ уште поубедливо – дали Заев може да го размести екипажот на бродот за да го оддалечи уште подалеку од копното?

Сиљановска, пак, ја обои мапата на Државната изборна комисија во црвено. Колку ова го наполни „политичкото его“ на Мицкоски за да може да биде достоен противник доколку евентуално изнуди предвремени парламентарни избори?

Што добија и што изгубија СДСМ и ВМРО-ДПМНЕ?

Зошто ВМРО ДПМНЕ слави кога овие бројки се нивните најслаби во последните десетина години? На што се надева Заев и како СДСМ да го мобилизира своето демотивирано гласачко тело?

Ќе ги „украде“ ли некој 80 илјади гласови од Река или ќе завршат на ничиј терен?

Навидум здодевните предизборни кампањи очигледно не ги изнесе граѓаните од дома. Ќе бидат ли Албанците „мангупи“ и ќе си седат ли дома во вториот круг за да конечно добијат, макар привремено, Претседател на државата, во ликот и делото на Талат Џафери?

Вечерва, никако не смеете да ја пропуштите оваа анализа на двајцата идеолошки дијаметрално антагонистички поставени гости. Не пропуштајте ја денешната АНАЛИЗА на вчерашните резултати, каде ако не во „Само Вистина“ со Филип Петровски и Стојанче Ангелов – на Канал 5 Телевизија.

Градоначалник во Ново Село ќе се бира во втор круг

Неважечките 103 ливчиња се причина да нема избор на градоначалник на Општина Ново Село на вчерашните предвремени избори.

 Имено, кандидатот на ВМРО ДПМНЕ, Николчо Стоилков добил 2.753 гласови, а за кандидатот на СДСМ, Никола Андонов гласале 2.693 избирачи.

Според претседателката на Општинската изборна комисија, Венера Шопова, кандидатот Стоилков не ги добил потребните 50 проценти плус еден гласови за победа во првиот круг поради неважечките ливчиња и затоа на 5 мај ќе се одржи втор изборен круг.

Од 11.302 запишани избирачи во Ново Село вчера на гласање излегле 5.549 граѓани со право на глас, од кои 103 гласачки ливчиња се неважечки.

Во Општина Ново Село предвремени избори за градоначалник се одржаа заради тоа што поранешениот Боро Стојчев поднесе оставка откако беше осуден на затворска казна поради обид за шверц на цигари.

притисни ентер