Морбилите не стивнуваат – ќе биде ли прогласена епидемија во целата земја?

Во првите три месеци од годинава Државниот санитарен здравствен инспекторат поднел 20 пријави за родители кои не ги вакцинирале своите деца против мали сипаници.

Сепак, од таму велат дека 9 од пријавените не ги исплашила глобата и платиле сума која може да изнесува до максимални 600 евра за да не го вакцинираат своето дете. Од ДСЗИ велат дека за останатите 11 кои не се одѕвале на повикот да дојдат во инспекторатот, поднесени се прекршочни пријави.

Во 1 квартал од годинава до Државниот санитарен и здравствен инспекторат пристигнале 20 пријави за невакцинација на деца од вакциналните пунктови, сите родители се повикани во инспекторатот. Од нив само 9 се појавиле и платиле казна, додека за 11 поднесена е прекршочна пријава-Државен санитарен и здравствен инспекторат.  

Комисијата за заразни болести утре ќе ја разгледува актуелната состојба со мали сипаници во земјава, а врз основа на тоа велат дека ќе се разгледува како да се постапува понатаму, не е исклучена и можноста да биде прогласена епидемија на целата територија на државата. Минатата недела во земјава беа регистрирани рекордни 126 заболени, од кои само половината се во главниот град. Според податоците од Институтот за јавно здравје, во земјава има 19.000 невакцинирани деца. Во исто време зголемен е бројот на вакцинирани возрасни лица кои претходно биле вакцинирани само со една доза вакцина.

Во меѓувреме, во соседна Србија која се соочува со сличен проблем, се зголемува бројот на пресуди за лица кои не ги вакцинираат своите деца. Тамошните медиуми пренесуваат дека за една година, прекршочниот суд во Белград изрекол 119 осудителни пресуди, а од нив 36 добиле парични казни од 5 до 50.000 динари.

Лансирана ракета со 24 сателити , што во вселената носи и пепел на покојници (ВИДЕО)

Американската компанија SpaceX денеска ја лансираше во вселената својата најгоелма ракета ,,Фалкон Хеви” опремена со вселенски атомски часовник и соларно јадро.

Ракетата во вселената понесе 24 сателити , како и капсула со пепел на 150 покојни луѓе. Ова е прв ваков лет на компанијата на милијардерот Илон Маск , како дел од мисијата на Министерството за одбрана на САД. Еден од сателитиите што ги носи ,,Фалкон Хеви” на себе го има атомскиот часовник на НАСА ,,Deep Space” , што би требало да го смени начинот на навигација низ вселената.

Леталото носи и капсула во која има пепел од 150 покојници , чии семејства сакале тие да почиваат во вселената.  

Според Маск , ова било нивното најтешко лансирање. Вели дека сателитите требало да бидат поставени во три различни орбити и биле потребни неколку часа за да ги ослободат. Прв пат ракетата Фалкон Хеви е лансирана во февруари 2018 година.

Кучето Фрида , симбол на спасот на Мексико , замина во пензија (ВИДЕО)

Кучето Фрида , женка на лабрадор ритривер отиде во пензија од спасувачката служба на Мексико , а стана светски популарна по извлекувањето преживеани во земјотресот во 2017.

На посебна свеченост во чест на Фрида , воената морнарица на Мексико и подари посебна играчка , за да и бидат интересни пензионерските денови. Фрида годинава ќе наполни десет години полноправно членство во мексиканската спасувачка служба и има наполнето 70 човечки години.

Таа стана симбол на андежта на Мексиканците , откако вадеше преживеани по земјотресот на 19 септември 2017 година , кога загинаа над 300 лица. Таа за време на акцијата најде 12 преживеани под урнатините , како и 41 тело на загинати.

Учествуваше и во меѓународни мисии по земјотресите на Хаити и во Еквадор .

Поранешниот американски државен секретар си купи милионска вила од бејзбол ѕвезда (ФОТО

Поранешниот американски државен секретар Рекс Тилерсон купи луксузна вила од бејзбол ѕвездата Вернон Велс.

Според документацијата до која дошле американските медиуми ,67 годишниот Тилерсон и неговата сопруга Ронда ја купиле куќата на почетокот на месецов.

Тилерсон , пред да биде државен секретар на САД во 2018 , ја извршуваше функцијата директор на нафтената компанија Ексон. Куќата се наоќа во Вестлејк , во Тексас.

Куќата е продадена за 8,5 милиони долари , што е рекордна сума во областа Вестлејк , каде до сега рекордот го држаше куќа продадена во 2017 за 5,25 милиони долари.

Куќата на Тилерсон се наоѓа во затворената заедница за супербогати, Вакеро Клуб. Била иградена по мерка на бејзбол ѕвездата во 2010 и има површина од 1 500 квадратни метри.

Освен сите потреби , во куќата има и подземна пештера со базен. надвор има уште еден , бесконечен базен со бар до кој се плива и шечка за правење пици.

притисни ентер