Избори во Финска-по 20 години Социјалдемократите во водство на анкетите

Финска ќе сврти налево на денешните изборите , откако Социјалдемократите го презедоа водството на последните анкети.

Доколку се остварат прогнозите, земјата ќе го добие својот прв левичарски лидер во последните 20 години. Но, неколку партии, вклучувајќи ги и десничарските, кои се приближуваа кон второто место, способноста на Социјалдемократите да ја добијат власта може да се намали и да треба постизборно да влезат во  коалиција.

Минатиот месец владата на поранешниот премиер Јуха Сипила поднесе оставка поради неговиот неуспех да постигне реформа на социјалната и здравствената заштита.

Неговата централна партија беше во коалициона влада на централнодесничарите од последните парламентарни избори во 2015 година.

„Само Вистина“ вечерва со Филип Петровски и Стојанче Ангелов

Во вечерашната „Само Вистина“ ќе дебатираат Филип Петровски и Стојанче Ангелов

Драги гледачи, неуморни сонувачи, време е за првата АНАЛИЗА НА РЕЗУЛТАТИТЕ ОД ПРВИОТ КРУГ НА ПРЕТСЕДАТЕЛСИТЕ ИЗБОРИ 2019 ГОДИНА. Вечерашни специјални, но и вонредни и ополномоштени аналитичари се: Филип Петровски и Стојанче Ангелов.

Опозицијата доста бучно и среќно и власта поскромно вчеравечер скандираа во име на победата додека опонентите на теренот „се бркаа“ со гласовите, за на крајот Пендаровски во фото финиш прв ја помине целта. Победата Пендаровски ја преточи во оптимизам дека во вториот круг ќе „тепа“ уште поубедливо – дали Заев може да го размести екипажот на бродот за да го оддалечи уште подалеку од копното?

Сиљановска, пак, ја обои мапата на Државната изборна комисија во црвено. Колку ова го наполни „политичкото его“ на Мицкоски за да може да биде достоен противник доколку евентуално изнуди предвремени парламентарни избори?

Што добија и што изгубија СДСМ и ВМРО-ДПМНЕ?

Зошто ВМРО ДПМНЕ слави кога овие бројки се нивните најслаби во последните десетина години? На што се надева Заев и како СДСМ да го мобилизира своето демотивирано гласачко тело?

Ќе ги „украде“ ли некој 80 илјади гласови од Река или ќе завршат на ничиј терен?

Навидум здодевните предизборни кампањи очигледно не ги изнесе граѓаните од дома. Ќе бидат ли Албанците „мангупи“ и ќе си седат ли дома во вториот круг за да конечно добијат, макар привремено, Претседател на државата, во ликот и делото на Талат Џафери?

Вечерва, никако не смеете да ја пропуштите оваа анализа на двајцата идеолошки дијаметрално антагонистички поставени гости. Не пропуштајте ја денешната АНАЛИЗА на вчерашните резултати, каде ако не во „Само Вистина“ со Филип Петровски и Стојанче Ангелов – на Канал 5 Телевизија.

Градоначалник во Ново Село ќе се бира во втор круг

Неважечките 103 ливчиња се причина да нема избор на градоначалник на Општина Ново Село на вчерашните предвремени избори.

 Имено, кандидатот на ВМРО ДПМНЕ, Николчо Стоилков добил 2.753 гласови, а за кандидатот на СДСМ, Никола Андонов гласале 2.693 избирачи.

Според претседателката на Општинската изборна комисија, Венера Шопова, кандидатот Стоилков не ги добил потребните 50 проценти плус еден гласови за победа во првиот круг поради неважечките ливчиња и затоа на 5 мај ќе се одржи втор изборен круг.

Од 11.302 запишани избирачи во Ново Село вчера на гласање излегле 5.549 граѓани со право на глас, од кои 103 гласачки ливчиња се неважечки.

Во Општина Ново Село предвремени избори за градоначалник се одржаа заради тоа што поранешениот Боро Стојчев поднесе оставка откако беше осуден на затворска казна поради обид за шверц на цигари.

Локални врнежи утре, од четврток потопло и нестабилно

Локални врнежи од дожд и засилен ветер од југоисточен правец, а од четврток повисоки температури и нестабилно време, најавуваат метеролозите за утре.

Од среда, како што информираат од УХМР ќе настапи преодно стабилизирање на времето, додека од четврток до недела ќе биде значително потопло, но во попладневните часови ќе биде нестабилно со пороен дожд, грмежи и засилен ветер, локално со поинтензивни процеси.

притисни ентер