Македонија

Силјановска Давкова во Кисела Вода: Единствената промена што ја направија директно не засега сите нас

Кандидатот за претседател на Република Македонија проф. д-р Гордана Силјановска Давкова вечерва се обрати пред граѓаните во Општина Кисела Вода.

Силјановска Давкова на граѓаните од Општина Кисела Вода им посака добровечер, им се заблагодари на нивното присуство.

Денеска целиот свет се наоѓа во тешка криза. Прво ви криза е претставничката демократија уште од 2008 година. Зошто? Зошто тогаш излезе на виделина дека претставниците не секогаш ги претставуваат граѓаните туку си се претставуваат себе. Ние критичарите велиме дека е тоа олигархиски концепт, дека е тоа тиранија на мнозинството парламентарно и дека мора да се работи на негово менување. Што е лекот? Лекот е нови форми на партиципативна демократија, нови форми на кои луѓето ќе можат да бидат вклучени во процесот на одлучување на сите нивоа на локално, на регионално, на национално. Јас овој величествен собир овде го сметам за таква форма на директна демократија, ние сме овде да ве чуеме вас, ви сте овде да ги чуете нашите ветувања, ние сме овде да ве увериме дека се што ќе чуете ќе го запаметиме и ќе го спроведеме, за разлика од оние другите кои се што кажуваат веднаш забораваат, а потоа не се сеќаваат па дури и го негираат, истакна Силјановска Давкова.

Силјановска Давкова објасни дека ги учи студентите дека изборите се начин на кој што се решава прашањето на легитимитетот или делигитиминирање. Тие се одамна веќе делигитимирани оти кршењето на Уставот и законите значи делигитимирање. Како за пример ги образложи референдумот, промена на кривичен законик, одлуката за референдумот, законот за амнестијата кои се акти на кршење на Уставот и на законите.

Она што оваа власт стори, а немаше легитимитет за тоа е промената на името. Единствената промена што ја направија директно не засега сите нас. Тоа е болно, страшно бидејќи се што сме правеле во животот, се што сме читале, се што сме пишувале, се што сме сонувале било врзано за Република Македонија. Значи никој нема право, односно нема мандат, ако на изборите во изборната програма не го нотирал тоа дека ќе го прави потем да го спроведува. Тоа е она што ние го велиме теорија на мандатот, тие се водат на начелото „Фати го моментот. Земи се што ќе можеш. Вработи ги своите. Узурпирај ја економијата. Стави го Уставот в џеб. Биди покорен кон оние за кои што мислиш дека се посилни.“, појасни Силјановска Давкова.

Силјановска Давкова додаде дека има и криза на уставна демократија, бидејќи уставните промени може и треба да произлегуваат само од народот, од суверенот, не однадвор. Бидејќи оние кои нудат или оние кои сугерираат, или оние кои наредуваат уставни промени однадвор немаат демократски легитимитет за тоа. Така се вели во науката за уставното право, така се вели кога се повикува на владеење на правото.

Однадвор велат дека економијата македонска лази по земја, дека е неспособна, дека е импотентна, дека не е либерална, ја оценуваат со нула, нагласи Силјановска Давкова.

Силјановска Давкова истакна дека секој ден македонскиот народ слуша како власта се фали дека е успешна на секое поле, за што ќе добиеле дури и Нобелова награда за мир. Се фалеле со зголемена вработеност, но никој не знае која е бројката на вработените. Никој не знае дали бројката со која власта се фали се однесува на државната и јавна администрација или навистина се однесува на директен ангажман во производниот процес. Но за второто сигурно не е, бидејќи никој нема слушнато за капитални инвестиции во Македонија од којзнае кога. Вработувањата се врз основа на непотизам, врз основа на фамилијарност, а ни малку не врз основа на стручност и компетентност. Од таквите вработени никој нема полза, освен власта бидејќи може да ги користат како гласачка машина. Тоа е армија на луѓе што троши наши пари. Армија на луѓе што не знае како скицира пат кон ЕУ.

За корупцијата и криминалот веќе човек не знае што да каже. Станаа секојдневие. Станаа нешто нормално, а сосема ненормално се. Секој ден се случуваат во неограничени размери. Од друга страна сите укажуваат дека земја со корупција и криминал е земја со загрозен суверенитет. Земја со корупција и криминал е земја со загрозена безбедност. Земја со корупција и криминал може лесно да биде мета на терористички закани, ама тие живеат во нивниот свет, во нивниот богат мирен свет, далеку од вашиот и нашиот. Тој свет набрзо ние ќе го предизвикаме, тој свет ние набрзо ќе го срушиме, истакна Силјановска Давкова.

Силјановска Давкова вети дека ќе почнеме да градиме нов свет, свет на право, правда и правичност.Доаѓаат изборите, а на изборите првиот и последен глас, конечниот глас го имате вие. Граѓаните на Република Македонија, без оглед на етничка, расна, верска и било која друга припадност. Ако нашите цели се неразделни од правото, правдата, етиката тогаш сме ние извонредно добро друштво. И одиме во вистински правец, тој правец е европскиот. Зошто модерна Европа е Европа на владеење на правото, посочи Силјановска Давкова.

Силјановска Давкова повика да се санкционира криминалот и корупцијата, да се санкционира неправдата, и да се докаже на власта дека се изборно делитимирани, а тоа значи заминување. А, заминувањето значи отворање на нова страница наречена предвремени парламентарни избори. А, со тоа ќе завладее правото и правдата во Република Македонија, нова ера во македонската историја.

Македонија

Костадиновска-Стојчевска: Само со СДСМ има европска иднина, нема враќање во мрачното минато

„Вистински промени во македонското општество се можни само со следење на европскиот пат и со членство во европското семејство. “

„Нашата држава нема друга алтернатива. Нашите работници и пензионери немаат друга опција за подобар живот, за достоинствено вреднување на нивниот труд, за посигурна иднина за своите деца и внуци”, порача потпретседателката на СДСМ, Бисера Костадиновска-Стојчевска, од предизборниот митинг на СДСМ и Коалицијата во Охрид.

Таа додаде дека како што во изминатите години постојано Владата предводена од СДСМ ги зголемуваше пензиите и водеше посебна грижа за сите, така продолжуваме и после 8 мај.

„Ние сме првата политичка партија која воспостави трајна методологија за раст на пензиите, но и постојан раст на платите”, рече Костадиновска-Стојчевска додавајќи дека ВМРО-ДПМНЕ не покажа никаква грижа ниту за државата, ниту за културата, ниту за работниците, нуту за пензионерите, туку дека целосно се посветија на ограбување на народот и на дезинтеграција на државата.

„Во време на ВМРО ДПМНЕ не успеаа да ги осигураат платите во култура, само успеаа десет луѓе да заработат од гипс картонот кој стои во центарот на Скопје”, посочи коносителката на листата во изборната единица 5.

Костадиновска-Стојчевска рече дека промотивното видео кое партијата на Мицкоски го промовира во кое еден актер шета низ магла е вистинската порака која сакаат ВМРО-ДПМНЕ да ја пратат, дека повторно културата ќе биде за одредена група на луѓе и ќе биде заробена во канџите на ВМРО-ДПМНЕ.

„Навикнати се нивните политики да функционираат само во хаос и безредие. За нив Европската унија, европската култура и идеја не се иднина”, укажа Костадиновска-Стојчевска.

Коносителката пред охриѓани порача дека ова се избори помеѓу светла иднина и мрачно минато и дека на 8 мај граѓаните ќе изберат надеж и европска иднина.

„Немаме време за губење за власта да ја предадеме на манипулатори и креатори на лажни вести и наместени анкети. Тие немаат план за државата, тие од заматените погледи од корупција и незнаење, не ја гледаат иднината, рече Костадиновска-Стојчевска потенцирајќи дека нема време и трпение да живееме во нова мрачна деценија, особено сега кога на дофат ни е светлата европска иднина.

„СДСМ иднината ја носи заедно со нашиот Претседател Стево Пендаровски. Сите ние цврсто и одлучно го газиме европскиот пат и нема да дозволиме никој да не попречи, а најмалку деструктивната и корумпирана ВМРО ДПМНЕ. За нас одамна е јасно- НАШАТА ИДНИНА Е ВО ЕВРОПА и од неа не се откажуваме“, им порача на охриѓани Костадиновска-Стојчевска, се наведува во партиското соопштение.

Свет

Шолц: Војната во Украина би можело да потрае уште неколку години

Германскиот канцелар Олаф Шолц изјави дека верува оти војната во Украина може да биде продолжена за уште неколку години.

„Никој не може да каже дали оваа војна ќе трае можеби уште пет години“, рече Шолц вечерва во источниот германски град Кемниц. Тој ја бранеше германската воена помош за Украина и додаде дека заедно со неа мора да се негува и дипломатијата.

„Од почетокот на војната, сепак, рускиот претседател Владимир Путин не покажа знаци на напредок“, рече тој. „Диктираниот мир е неприфатлив. Не смее да се дозволи да се извлече со ова“, додаде германскиот канцелар.

Шолц вечерва беше гостин на панел дискусија организирана од весникот Freie Presse со наслов „Германија под притисок. Како може да функционира коалицијата под новите услови?“ , објави Цајт.

Македонија

Митрески од Охрид: На Македонија и е потребна ЕУ за побрз развој и подобар стандард

„На Македонија и е потребна Европската унија за побрзо да ги донесеме европските стандарди дома. За платите и пензиите да растат побрзо, да се развиваме инфраструктурно. “

„Да го унапредиме и развиваме туризмот. За да живееме просечен европски живот, без грижи дали некој ќе може да ги плати сметките, дали ќе обезбеди огрев, лекови или храна“, порача Јован Митрески, носител на ИЕ 5 на СДСМ и Коалицијата за европска Македонија, на вечерашниот митинг во Охрид.

Тој потсети дека како земја ништо лесно не сме добиле, ништо лесно не поминало, ниедна лесна битка не сме имале во кој и период од минатото да погледнеме. Но, благодарение на храбрите одлуки на СДСМ денеска имаме самостојна и независна држава.

„Создадовме независна, суверена, самостојна држава Македонија без буџет, без војска, без оружје... Но, станавме независна држава без жртви, без војни кои тогаш се случуваа во сите републики од поранешна Југославија. Една работа и тогаш и сега е иста. И тогаш и денес имаше и има самопрогласени наводни патриоти и прогласување на наводни предавници. Тогаш со пароли за сечење канџи, денес, за наводна бугаризација и асимилација. Лага до лага, манипулација до манипулација. Зошто? За мали, ситни, бедни, евтини политички поени и борба за власт“, нагласи Митрески и додаде дека времето ја потврди исправноста на тие одлуки и потврди дека вистински патриотизам бил, е и ќе остане носењето државнички одлуки.

Митрески нагласи дека е лесно само декларативно да велиш дека си за ЕУ, а да правиш се за да не станеш дел од ЕУ, алудирајќи на ВМРО-ДПМНЕ.

„Ние имаме одговорност за иднината на татковината и сите нејзини граѓани. Државата мора да оди напред. Младите не може да бидат жртва на политичари без став, без визија. Изборот е или интеграција или изолација. Јас, СДСМ, коалицијата, кандидатите за пратеници се за интеграција. Тоа им го должиме на нашите предци, но и на генерациите што доаѓаат после нас за својата иднина да ја градат во својата татковина, не во странство. Членството во ЕУ значи пристап до фондови за развој, но и значи пристап до пазар од 500 милиони жители за македонските компании, за македонските бизниси, за македонскиот туризам“, нагласи Митрески.

Тој ги повика охриѓани да се обединат и сложно да застанат зад планот за европска Македонија и да гласаат за број 1, за СДСМ и Коалицијата за европска Македонија, се наведува во партиското соопштение.