Словенија ќе го лансира првиот нано-сателит во орбитата

Универзитетот во Марибор и компанијата SAB-LS потпишаа договор во Марибор за да го лансираат првиот словенечки нано-сателит во орбитата.

Нано-сателитот Трисат ќе полета во вселената на лесна европска ракета Вега која ќе биде лансирана од Француска Гвајана во август, објави STA.

Трисат бил развиен на Факултетот за електротехника и компјутери во Марибор во соработка со словенечката компанија “Skylab”.

 Според ректорот на Универзитетот во Марибор, Здравко Качич, лансирањето на нано-сателитите ќе биде важен чекор во интернационализација на словенската вселенска индустрија и признание за нејзината технологија: “Ова е доказ дека студентското истражување може да се развива во важен проект за словенската индустрија и животната средина”.

 Нано-сателитот Трисат има тежина од само 4,4 килограми. Тој ќе ја снима Земјата врз основа на мултиспектралната слика и краткоталасниот инфрацрвен спектар, а треба да се користи најмалку две години. Ракетата Вега ќе носи околу 50 сателити, вклучувајќи и друг словенечки сателит кој е поголем од Трисат. Станува збор за микро-сателит на Nemo HD развиен од словенечките инженери.

 Словенија стана придружен член на Европската вселенска агенција (ESA) на крајот на 2016 година, а конкурира за постојано членство, пренесува агенцијата.

Фејсбук ја претстави својата криптовалута со која имаат големи планови

Компанијата Фејсбук денеска го објави планот за лансирање на криптовалутата либра , така што од секторот социјални мрежи се шири кон онлајн трговија и глобално плаќање.

Фејсбук се здружи со 28 партнери во проектот Libra Association што ќе управува со новата дигитална валута. Според информацвиите , планираат да ја лансираат на почетокот на 2020 година.

Партнери во проектот се моќни компаниуи како Mastercard, Visа, Spotify Technology, Paypal, eBay, Uber Technologies, Vodafone Group, како и инвестициски компании од типот на Andreessen Horowitz .

Се надеваат дека со стартот на либра ќе се соберат околу 100 компании . Секоја членка добива по еден глас во носење на клучните одлуки за мрежата за тргување со либра , а компаниите мора да вложат најмалку 10 милиони долари , за да бидат дел од групацијата.

По првата година , Фејсбук нема намера да го задржи водечкото место меѓу членките.

Компанијата основа и филијала наречена Калибра , која ќе нуди дигитални паричници за потребите на штедење , праќање пари и потошувачка на либра.

Kалибра ќе биде поврзана со платформите на фејсбук за праќање пораки како Messenger и WhatsApp, кои веќе имаат над милијарда корисници.

Тајната врска на Колин Фарел и Елизабет Тејлор

Холивудскиот шармер, актерот Колин Фарел откри како ја завел славната колешка Елизабет Тејлор.

Колин Фарел е актер со бурно минато, многупати  е поврзуван со познати убавици, но јавноста е изненадена по неговата изјава дека бил во врска со 36 години  постарата колешка легендарната Елизабет Тејлор.

Фарел признал дека тоа била „неговата последна романтична врска “.

-Беше тоа последната врска барем во мојата глава, врска која сум ја имал и која секако никогаш не  била консумирана, изјавил Колоин Фарел.

Нивниот однос започнал кога Колин во болница го очекувал раѓањето на својот помлад син. Тогаш го сретнал менаџерот на славната актерка  кој му рекол дека токму сега на Лиз и вгадуваат стент. Колин го замолил да и ги пренесе неговите поздрави и бил уверен дека легендарната дива нема да знае за кого станува збор. Но, само две недели подоцна Елизабет му испратила орхидеи. 

Брзо потоа стапиле во контакт и нивната врска главно била преку телефон. Траела скоро две години. Колин потоа се пошегувал дека ќе стане нејзиниот осми сопруг, но околностите  сепак не им оделе на  рака за такво нешто.

Фото: Уште еден град го следи примерот на Амстердам и не ги сака туристите!?

Амстердам дефинитивно не е единствениот европски град кој сака да го реши проблемот со туристите.

Неговиот пример сега го следи и белгискиот средновековен град Бриж, град кого во 2017 година го посетиле околу 16,3 милиони туристи.

Овој град на северозападот на Белгија, чие градско јадро е под заштита на УНЕСКО, е популарна еднодневна дестинација за многу туристички тури од Европа.

Поради се поголемиот број на туристи кои го посетуваат градот, првиот човек на Бриж, градоначалникот Дирк Де Фаув одлучил да повлече драстични потези.

Градската власт веќе донела одлука според која се укинуваат сите промотивни активности кои вклучуваат еднодневни тури. Покрај тоа одлучиле и да се намали бројот на крузери кои пристигнуваат во нивното пристаниште.

Во овој момент во пристаништето на Бриж истовремено може да впловат пет крузера, новиот план предвидува оваа бројка да се намали на два крузера на ден.

-Мора да го сочуваме своето градско јадро. Туристите кои доаѓаат на еден ден ни  прават повеќе штета од корист. Не сакаме да станеме „Дизниленд“, изјавил градоначалникот Де Фаув.

Слична градска политика одлучиле да водат и неколку соседни градови на Бриж како Брисел и Париз, за бројот на дневни посети на туристи да го намалат на минимум.

притисни ентер