Снимен е пулсар кој ,,бега” од супернова со брзина од 1130 километри во секунда (ВИДЕО)

Астрономите снимиле неверојатна фотографија на која се гледа пулсар што со фасцинантна брзина од 1130 километри во секунда се движи низ вселената.

Тоа би значело дека би го поминал растојанието од Земјата до Месечината за само 6 минути. Но снимката не е фасцинантна само поради брзината на пулсарот , туку и поради неговата запалена ,,опашка” и супернова од која , како што изгледа на фотографијата , бега. Пулсарите се исклучително густи, брзо ротирачки неутронски ѕвезди , остатоци од експлозија на масивни ѕвезди.

,,Благодарејќи на неговата тесна опашка како стрела и аголот на гледање , имавме среќа да го следиме овој пулсар директно до неговото родно место.” изјави астрономот Френк Шинзел од Националната опсерваторија за радиоастрономија.

,,Со понатамошните истражувања ќе се обидеме да разбереме како експлозиите на супернова може да исфрлат неутронски ѕвезди и да ги забрзаат до вакви неверојатни брзини.” , појасни професорот.

Овој пулсар од нас е оддалечен 6 500 светлосни години , а 53 светслосни години од средиштето на остатокот на супернова , која на фотографиите има облик на балонче. Научниците сметаат дека експлозијата се случила пред околу 10 000 години , а пулсарот стигнал до работ на супернова пред околу 5 000 години.

Овој пулсар е најбрзиот досега забележан , зашто нивната просечна брзина се движи околу 240 километри во секунда.

Фејсбук ја претстави својата криптовалута со која имаат големи планови

Компанијата Фејсбук денеска го објави планот за лансирање на криптовалутата либра , така што од секторот социјални мрежи се шири кон онлајн трговија и глобално плаќање.

Фејсбук се здружи со 28 партнери во проектот Libra Association што ќе управува со новата дигитална валута. Според информацвиите , планираат да ја лансираат на почетокот на 2020 година.

Партнери во проектот се моќни компаниуи како Mastercard, Visа, Spotify Technology, Paypal, eBay, Uber Technologies, Vodafone Group, како и инвестициски компании од типот на Andreessen Horowitz .

Се надеваат дека со стартот на либра ќе се соберат околу 100 компании . Секоја членка добива по еден глас во носење на клучните одлуки за мрежата за тргување со либра , а компаниите мора да вложат најмалку 10 милиони долари , за да бидат дел од групацијата.

По првата година , Фејсбук нема намера да го задржи водечкото место меѓу членките.

Компанијата основа и филијала наречена Калибра , која ќе нуди дигитални паричници за потребите на штедење , праќање пари и потошувачка на либра.

Kалибра ќе биде поврзана со платформите на фејсбук за праќање пораки како Messenger и WhatsApp, кои веќе имаат над милијарда корисници.

Тајната врска на Колин Фарел и Елизабет Тејлор

Холивудскиот шармер, актерот Колин Фарел откри како ја завел славната колешка Елизабет Тејлор.

Колин Фарел е актер со бурно минато, многупати  е поврзуван со познати убавици, но јавноста е изненадена по неговата изјава дека бил во врска со 36 години  постарата колешка легендарната Елизабет Тејлор.

Фарел признал дека тоа била „неговата последна романтична врска “.

-Беше тоа последната врска барем во мојата глава, врска која сум ја имал и која секако никогаш не  била консумирана, изјавил Колоин Фарел.

Нивниот однос започнал кога Колин во болница го очекувал раѓањето на својот помлад син. Тогаш го сретнал менаџерот на славната актерка  кој му рекол дека токму сега на Лиз и вгадуваат стент. Колин го замолил да и ги пренесе неговите поздрави и бил уверен дека легендарната дива нема да знае за кого станува збор. Но, само две недели подоцна Елизабет му испратила орхидеи. 

Брзо потоа стапиле во контакт и нивната врска главно била преку телефон. Траела скоро две години. Колин потоа се пошегувал дека ќе стане нејзиниот осми сопруг, но околностите  сепак не им оделе на  рака за такво нешто.

Фото: Уште еден град го следи примерот на Амстердам и не ги сака туристите!?

Амстердам дефинитивно не е единствениот европски град кој сака да го реши проблемот со туристите.

Неговиот пример сега го следи и белгискиот средновековен град Бриж, град кого во 2017 година го посетиле околу 16,3 милиони туристи.

Овој град на северозападот на Белгија, чие градско јадро е под заштита на УНЕСКО, е популарна еднодневна дестинација за многу туристички тури од Европа.

Поради се поголемиот број на туристи кои го посетуваат градот, првиот човек на Бриж, градоначалникот Дирк Де Фаув одлучил да повлече драстични потези.

Градската власт веќе донела одлука според која се укинуваат сите промотивни активности кои вклучуваат еднодневни тури. Покрај тоа одлучиле и да се намали бројот на крузери кои пристигнуваат во нивното пристаниште.

Во овој момент во пристаништето на Бриж истовремено може да впловат пет крузера, новиот план предвидува оваа бројка да се намали на два крузера на ден.

-Мора да го сочуваме своето градско јадро. Туристите кои доаѓаат на еден ден ни  прават повеќе штета од корист. Не сакаме да станеме „Дизниленд“, изјавил градоначалникот Де Фаув.

Слична градска политика одлучиле да водат и неколку соседни градови на Бриж како Брисел и Париз, за бројот на дневни посети на туристи да го намалат на минимум.

притисни ентер